حبيبي
بدونك كل شيء
بينقصني
إنت المكمل لي
من دون كل البشر
بحبك وحبي ليك
يوفي حاجة البشر
صبحلي علي قلبك
وبلغوا سلامي
وقللوا ما تخافش
علي حبك
ومن حبي ما يقلقش
وايللي راح فبعاده
عليه ما يندمش
دا حبي ليه طاهر
ونادر وما بيحصلش
مش ممكن أبعد تاني
أوعدك ما تتكررش
كفاية هجر وضنا
م اليوم ولمية سنة
في بعدك أنا
ما أقدرش
كفاية عليا كده
عشان أنا
ما أنهارش
خليني افرح بحبك
ولاحنا ما بنعرفش
نفرح و لو لحظة
بعمرنا ولا ما نحلمش
خلي حمولك علي
لا بيغفل ولا بينامش
هو ايللي عالم بنا
بالطهر في حبنا
ومدام الوفا موجود
يجمع ما بينا اللقا
و شوقنا بيضمنا
يبقي نصيبنا جاي
و بينا ما بيفرقش
ببساطة حبيبي
انا فبعدك مش أنا
في بعادك ما بستحملش
فيه باقي من حبك
عشاني
ولا ما عندكش
قلبي كريم وياك
وعنك ما يتأخرش
بس إنت إرجع ليا
هتلاقي نفسك فيا
والفرصة بالعمر جايه
ويمكن ما تتعوضش
حروف بيكتبها قلبي
بالغالي ما تتقدرش
ببساطة حبيبي
أنا فبعدك مش أنا
في بعادك ما بستحملش
كلمات/ محيى زقزوق في 22/03/2009م
