مشاكل : الحلقة الأولي - البطالة -

طيب بسم الله ما شاء الله كلنا عارفين ان المشاكل مفيش اكتر منها

بس حبيت ابدأ اول المشاكل بــ

http://www.masrawycafe.net/upload/up...2cbd68009d.gif


لأني الحقيقه عندي احساس انها هتقابلني قريب :D

طبعا كلنا عارفين ومعترفين ان في بطاله في مصر

واللي بينكر ده يبقى حاجه من الاتنين

يا اما عبيط

يا عامل عبيط :D

والدليل على وجود بطاله في بلدنا

وانتوا ماشين في الشارع بصوا عل اي قهوة >:)

http://www.masrawycafe.net/upload/up...45aa1068dd.gif

نشوف بقى اسباب مشكلة البطالة

اسباب اي مشكله عموما بتختلف من وجهة نظر للتانيه

بس في اسباب معينه ورئيسيه بتكون ورا كل مشكلة

في ناس هتقول لاء ده الشباب بيستعبط :D

انا مش متفق اطلاقا مع الرأي ده

اه في شباب كده بس نسبه صغيره جدا

والشباب في اي مكان فعلا عندو طموح عالي جدا ومجهود اعلى

يبقى مستحيل يكون سبب البطاله الرئيسي "استعباط شباب":D

في ناس تانيه هتقول لا ارتفاع نسبة السكان وقلة فرص العمل والكلام بتاع سنه خامسه ابتدائي ده :D

اكيد طبعا الاتنين اسباب فعلا بتعلي نسبة البطاله بين الشباب

بس بتعلي النسبه مش سبب رئيسي ليها

وادينا شايفين الصين "الصين حلوه">:)

مسمعناش في يوم انهم بيقولوا عندهم بطاله

زي ما قلت اي مشكله ليها اسباب كتيييييير

بس انا شايف ان سبب وجود البطاله في مصر

عدم مراعاة التخصص

يعني ايه؟

يعني الواحد يطلع عينه في اتجاة محدد في كلية معينة وفي الاخر بيبدأ حياته في اتجاه تاني خالص فـ غالباً مش بيكمل في الاتجاه ده كتير ..

بإختصار "يومين و بيخلع" ..

ومعانا ناس في الكافيه هنا دليل على كلامي

زمان كان يا حبة عيني الواد من دول يطلع عينه ست سنين في كلية طب غير الامتياز والتكليف والنيابة والماجستير والدكتوراه

وفي الاخر ميلاقيش فلوس يفتح عيادة بالمواصفات والمعدات والاجهزه المطلوبه

وينتهى به المطاف الى انه بدل ما يمسك سماعه يمسك ساطور ويقف في جزاره>:)

او مثلا واحده خلصت الجامعه ويا حبة عيني تخلص من هنا وتلاقي ابوها بيقولها

اخدتي الشهاده؟:-B اعدي بقى جنب امك لحد ما يجيلك عدلك :D

طيب وده كلام يا عم الحج؟>:)

واحد تاني يدخل ابنه كليه هندسه ليه ؟؟!! عشان بعد ما يخلص يشتغل معاه صبي ميكانيكي :D

طيب ما كنت وفرت عليك وعليه وعلى الحكومه وشغلته معاك بالابتدائيه ولا هو عشان ينزل تحت عربيه لازم مؤهل عالي؟ :D

http://www.masrawycafe.net/upload/up...45aa1068dd.gif

طيب ازاي نحل المشكلة؟

يكون وعي صحي عشان نواجه ارتفع عدد السكان

توفير فرص عمل

حملات توعيه بكل الوسائل لتحفيز الشباب على العمل

تغيير نمط الدراسه بالمرحله الثانويه

يعني مش لازم اللي عاوز يدخل طب مثلا يدرس علم نفس :D

بمعني ان الطالب يدرس مواد معينه هي بس اللي تؤهله انه يدخل الكليه اللي هو عايزها

دي الحلول اللي بنسمعها في كل مكان وفي اي وقت

بس بما انه مفيش وعي صحي وخلف خلف وارمي في اي مدرسه وشغلي يا حكومه

وبما ان الحكومه مش بتشغل:D

وبما ان حملات التوعيه اليومين دول مش بتحفز الشباب انه يشتغل

بالعكس كل اللي بنشوفه وبنسمعه اتصل بــ مش عارف ايه عشان تكسب مش عارف كام (:|

قدم اقرارك الضريبي والضرايب مصلحتك اولا والكلام اللي مالوش طلب ده (:|

وبما ان الطالب بيدخل الثانويه بيدرس اول سنه فيزيا وكميا و احياء وجنبهم علم نفس وفلسفه ومنطق يبقى طبيعي هيتعقد منهم كلهم :-?

واللي كان في علمي يدخل خدمه اجتماعيه:D

واللي كان ادبي بس معاه فلوس يدخل كليه طب خاص ويطلع مش فاهم فين المعده من البنكرياس >:)

واللي كان ساقط اساسا وفضل سبع سنين في ثانوي بس واصل شويه يطلع يشتغل رئيس مجلس اداره :D

يبقى المشكله مش هتتحل زي ما قلت في الاول :D

دي كانت اول حلقه من برنامج

http://www.masrawycafe.net/upload/up...1a65ffeeb7.jpg

طرحنا المشكله

قولنا اسباب وحلول وعملنا موضوع تعبير زي ما انتوا شايفين اهو:D

بس ده مجرد رأي

نشوف رأيكم بقى :-B

شوف يا حمادة :D
هي فعلاً مشكلة البطالة مشكلة ميقدرش حد ينكرها...
بس انا مختلق معاك فى سبب وجود المشكلة اصلاً..
من وجهة نظري المتواضعه :
اننا كشباب اللى عملنا المشكلة دي .. بردو بأيدينا نحلها
بس هقولك المشكلة اتعملت ازاي ..
فلان ابنه فى طب .. يبقي لازم ابني يدخل طب زيه .. وممكن ميكونش هاوي الحاجة دي وفعلاً ممكن ابني يدخل طب بس يفشل او ينجح بالعافية
ففي مشكلة تانية فرعيه سيبك منها دلوقتي اللى هي الرأي وان الأب لازم من الأول يشوف ابنه ناوي على اية ( المشكلة دي حالياً موجوده كتير فعلا )
وفي سبب تاني .. ان كل واحد عايز يشتغل بتخصصه .. والبلد مش هتستحمل كل ده .. شوف مثلاً مصر بتخرج منها كام محامي في السنة عدد كبير طبعاً يكاد يكون اكبر من عدد القضايا ...
يعني اية يعني لو كان من الأول المحامي ده احترف صنعه معينه او شاف اي تخصص تاني من الأول .. وبردو ممكن يكون داخل المحاماه غصب عنه :D فالتالي هيطلع عنده عقده نفسيه من الشغل ...

لي عوده ;;)

أكيد دي مشكلة :-O

بس طبعاً لازم نبقى أذكياء ونعرف نحلها

وطبعاً زي ما انتوا عارفين أن اول طريقة لحل مشكلة حسب الطريق السليم في التفكير

هي دراسة المشكلة

طبعاً المشكلة دي مشكلة قومية >:)>:)

يعني مش أنا وا انت وبس

يعني مصر كلها بتعاني

طيب لازم نعرف ايه الأسباب طبعاً

كل الشباب دلوقتي بيخلص الكلية من هنا وبيبقى عايز يشتغل

طيب ايه اللي انت عملته علشان تشتغل X-(X-(

يعني مثلاً واحد خريج تجارة عايز يشتغل محاسب

طيب ما في حوالي مليون واحد اتخرجوا من كلية تجارة في نفس السنة معاه

ليه بالذات هو اللي هيشتغل ايه اللي هو عمله علشان يبقى مميز عن الخريجين التانيين

يعني بمثال بسيط

أنا في كلية تجارة بقالي حوالي تلات الاف سنة - وشكلي مش هخلص -

الحمد لله انا كنت بروح أعمل صيانة كمبيوتر لناس عندها كمبيوترات من زمان

مع العلم أني أنا نفسي مكانش عندي كمبيوتر غير في الفترة الأخيرة بس

دي حاجة
الحاجة التانية

من كام يوم روحت عملت انتر فيو - حلوة انتر فيو دي - في شركة بترول B-)B-)

والحمد لله ربنا كرمني بعكس ناس مخلصة الجامعات

طيب ده جه من أيه

أكيد مش واسطة لأن القطاع الخاص بالذات اذا كنت مش بتستحق مش بتشتغل

ده جه من أنه لما عمل اختبار انجليزي لاقاني كويس الحمد لله عمل اختبار كمبيوتر برده لقاني كويس

وده مش غرور على فكرة :DB-):D

بس أنا قصدي أنت ايه اللي انت عملته في حياتك علشان تحقق حلمك وعلشان تكبر

ده غير ان في شباب كتير بعد ما بتتخرج من الكلية بتبقى مش عايز تشتغل غير في التخصص بتاعهم

يعني لو مثلا خريج حقوق

وجالك شغل تبقى في الحسابات في شركة تلاقيه يقول لأ انا عايز اشتغل في الشئون القانونية

طيب هو أنت لاقي أصلاً

وعلي رأي ونيس :D:D

" إذا لم تعمل ما تحب فحب ما تعمل " - على أساس اني ما لا أحب موجود أصلاً - =))=))

ثم أنا عايز أسأل سؤال ! إيه الإلتزام اللي على الحكومة يخليها مجبرة تشغل حوالي 7 مليون عاطل >:D<

- وده طبعاً ما يخليهاش من المسئولية - ده حتى لو كل المنظمات الخاصة اللي في مصر عبارة عن منظمات قطاع عام

برده مش هيبقى في أماكن تشغل كل العاطلين ..=;


طيب نوصل بقى لمرحلة دراسة البدائل واختيار البديل الأمثل


طبعاً أول حل أن الحكومة تشغل كل الشباب - وده طبعاً حل خيالي جداً ومستحيل -

تاني حل وده اقتراحي
إزمان مصر كانت دولة زراعية

ولما حاولت تبقى دولة صناعية فشلت وبقينا عاملين زي اللي رقصوا على السلام
يعني لا بقينا زراعية ولا صناعية

طيب ليه الحكومة متديش لكل شاب 10-15 فدان يزرعهم وبعد كده حسب اجتهاده يعني
لو لمشروع مشي معاه ياخد عشرة تانيين

أعتقد إن احنا كده هنحل المشكلة

وأخر كلامي سلام

وشكراًيا عم أحمد على التوبيك الجامد يابرنس

مساء الخير ...

اولا : احيك علي الكلام والاعداد الجامد للبرنامج كلام جامد جدا ...

ثانيا : حل المشكله من وجهه نظري ان كان لها حل من الاساس ...

الموضوع اكبر مما نتصور ...
فأنا ومن علي جهازي هذا احمل الدوله الدور الاول في المشكله واناشد السيد علي بيه الكبير ...
فكل انظمه الدوله فاشله وبما ان انظمه الدوله فاشله فلابد وان يكون كل شيء فاشل ...

فلو نظرنا الي النظام التعليم في مصر فهو من افشل انظمه التعليم في العالم ...
فلو ان نظام التعليم في تطور اللي درجه التعليم في اوربا ودول العالم الاخر تقريبا لانحلت المشكله ...
ومن المفترض ان مصر دوله زراعيه فمن المفروض ان يكون العامل الزراعي فيها افضا فرد في الدوله ولكن بالعكس ان العامل الزراعي هو اكبر فرد مظلوم في الدوله ...
وطبعا مصر فكرا انها تتحول من دوله زراعيه الي دوله صناعيه فطبعا باظت الدنيا ولا طولنا سما ولا ارض ...
وفي حاجه كمان ان ان المشكله ايضا تكمن في الشباب المصرين فكل شاب مصر يجيله شغلانه في اي حته كرامته تنقح عليه ويقول لا مش دي الشغلانه اللي تليق بيا ومش دي طموحاتي وغيرها ...
فلو كل شاب فكر في الموضوع ده يبقي عليه العوض ومنه العوض ...

اظن طولت عليكم ...

شكرا ايه الكارثه علي الموضوع ...

اولا انا احييك يا كارثة على طرح المشكلة دى

نيجى بقى للمشكلة

المشكلة قومية

والدولة الاصل فيها

انا مثلا كمدرس انجلش

طبعا حاليا مفيش حاجة اسمها تعيين

كله دلوقتى

عقد او اجر( بالحصة يعنى)

طيب دلوقتى المدارس كلها فيها عجز ليه الناس اللى شغاله بالأجر علشان تسد العجز الموجود ما تتثبتش

ايه اللى يمنع؟

وبعدين المحترم اللى بيقول احنا اللى عملنا المشكلة طبعا انا بحترم رأيه

بس المشكلة فى الاساس من الحكومة ومن الدولة

شكرا يا باشا

ولى عودة

:-Oهههههههههههههه وبعد كل الكلام دة ومش حتتحل كمانX-(

بس بصراحة يعني البطالة معظمها مش منالشباب من الحكومة لو مفيش وسطة متشتغلش لو ملكش وسطة متتعلمش #:-S

يعني من الاخر البلد كلها بقت ماشيه بالكوسة حتى الكوسة قربت تخلص من البلد من كتر مالحكومة مشغلاها >:)

وبعدين موضوع اختلاف التخصصات دة شيء مفروغ منه يعني واحد يقعد 12 سنه يتعلم ويتخرج من سياحة وفنادق عشان يشتغل سواق ميكروباص :-S

ولا واحد ييطلع عينه في كلية الهندسة عشان يشتغل في تصليح مواتير التوكتوك بالزمة دة كلام يعني ينفع كدة/:)

بس اكتر ناس فعلا بشوفهم بيشتغلو بره تخصصهم وموجودين فعلا منهم كتير خريجين الحقوق يا يطلع محامي فاشل يا يشتغل على عربية كبدة X-(

ما علينا مستنين بقيت الحلقات يا دكتور كارثه:-B

الدكتورة نهىB-)

انا مالي يا عم

انا سافرت ومليش دعوة

اصلهم عرضوا عليا شغل بس انا مش موافق الغربه أحسن:D

بس انت عارف هي مشكلة كبيرة

ومحتاجه وقت للحل

واهم من الوقت

محتاجين حد يهتم بالموضوع ده

حد يتكلم بالنيابه عنا

وماتقوليش اسمه ايه اللي عنده العربيه

التيوتا كرولا بتاع مجلس الشعب
اه صحيح نسيت ان أخوك الدكتور محمد عنده تيوتا كرولا:-*

بس انت عارف انا اقصد مين صح يا علي;)

ما علينا

الحكومة بتاعتنا اجبرتنا

على كذا حاجة

وزي ما تقول كده

حكومة كريمة بتوفرلك شوية حاجات كده

زي ماتقول هتقعد في البيت تاكل وتشرب وتنام :D

تدور صايع ولا شغل ولا مشغله:D

تمشي تعاكس في خلق الله :D

تنكد على ابوك وامك:D

تجيب موبايل جديدN59:D

وطبعا كل الحاجات دي من غير فلوس
الموبايل بس اللي بفلوس
علشان بتخليك بعيد عن الحكومة
فابالنسبه للحكومة حاجة حلوة يعني انت راجل مشغول
بحاجات اهم من الشغل
دلوقتي علشان مفيش فلوس في الدولة

عملت ايه
>:D<
فاتورة كهربا
فاتورة مياة
فاتورة تليفون
فاتورة صرف صحي
والجديد بقى

ان هتأجر بيتك اللي ملكك من الحكومة ( حلوة الصيغة دي)

ما علينا انا زي ما قولت في الاول

انا ما فضلتش لما الحكومة تجيبلي شغل

وعلى راي المثل

اجري يا ابن آدم جري الوحوش - ان كبر ابنك خاوية:D

اه صحيح في باب الهجرة مفتوح على البحري الحكومة عملاه عند مجدي سليمان

منهم لله كلهم:(
شكرا يا عم على الموضوع بس

علي بيه :D

اقتباس:

---

شوف يا حمادة :D

---

يا عيني على الدلع >:)

اقتباس:

---

فلان ابنه فى طب .. يبقي لازم ابني يدخل طب زيه .. وممكن ميكونش هاوي الحاجة دي وفعلاً ممكن ابني يدخل طب بس يفشل او ينجح بالعافية

---

بالظبط ده سبب تاني من اسباب البطاله وهو ان كتييييير من الشباب مش بيكون ليه رأي وماشي وخلاص ابوه قاله يمين يبقى يمين قاله شمال يبقى شمال

اه ولي الامر هيفهم اكتر في حاجات كتير بحكم خبرته وتسمع كلامه بردو بحكم انه مسؤل عنك

بس مش في كل الحالات

اقتباس:

---

وفي سبب تاني .. ان كل واحد عايز يشتغل بتخصصه ..

---

انت كده مش مختلف معايا خالص بالعكس ده اللي انا قلته

انا قلت عدم مراعاه التخصص "بس مش الشاب هو اللي يبنفض لتخصصه"

لا الظروف والحياه والدنيا

كل شاب اكيد بيكون عاوز يشتغل ويبدأ حياته العمليه في حاجه هو دارسها وفاهمها وبيحبها بس "ايدي على كتفتك">:)

اقتباس:

---

لي عوده ;;)

---

ترجع بالسلامهB-)

اهلا اهلا اهلاً
انت جيت يا فنان بمشاكلك؟:D:D:D
بص يا سيدي
بالنسبة لأول مشكلة
البطالة دي علي ما اظن انها اختراع مصري صميم
يعني ايه؟؟
في دولة في العالم
اي دولة مهماً كانت ها تلاقي بطالة
بس هنا في مصر البطالة دي اللي هي اي واحد مش شغال في الحكومة
طب هي الحياة كلها حكومة يا عم الافندي؟
لالالالا
وكمان بيني وبينك
كل واحد ممكن يبقي حاطط في دماغه انه يشتغل وزير مثلاً:D
او ع الاقل ها يبقي شغال في مكتب وتكييف وعربية بالسواق
وييجي يخلص دراسة مش ها يلاقي اللي هو كان بيحلم بيه
بس كلمة بطالة دي علي ما اظن انها قليلة اوي
مش لي واحد يبقي عاطل
ماهو ممكن الواحد يخلص دراسة ويشتغل اي حاجة
يعني عندك مثلا العبد لله
ها يخلص حقوق وادامي فرصة اني ابقي دكتور بس انا مش راضي:D:D
ها يجري ايه لو اي واحد خلص دراسة و اتدنجل في اي شغلانة لحد ما يلاقي الشغلانة اللي متناسبة معاه من حيث الميول والتخصص؟؟؟
بس تقول لمين يا بركة؟
يلا
ربنا يكرمك عبيده يارب
والحمد لله اني رديت علي موضوعك:D

عم عبقرينو :D

اقتباس:

---

طبعاً المشكلة دي مشكلة قومية >:)>:)

---

لا والله؟:D

اقتباس:

---

ليه بالذات هو اللي هيشتغل ايه اللي هو عمله علشان يبقى مميز عن الخريجين التانيين

---

اظن بردو ده سبب

بما ان في عدد كبير من الشباب في حين ان فرص العمل تكاد تكون معدومه

يبقى اللي هيشتغل يا واحد واصل "ودي ليها معاني كتير"

يعني معاه واسطه او هو نفسه واد مخلص وبيعرف ده وده او ابوه مثلا عندو شركه

يا واحد طالع الاول على دفعته اتنين وتلاتين سنه ورا بعض طبيعي هيتعين في الجامعه:D

وباقي الاوائل على ما اظن وعلى حد علمي بيشتغلوا فعلا على طول - بس بردو لو واصلين -

او ابن دكتور مثلا خلاص ده بقى دكتور زي ابوه :D

طيب دول كلهم بيمثلوا كام من الدفعه؟!

10 %؟! :-/

طيب والباقي؟! مين فيهم يشتغل والتاني لاء - ده لو اعتبرنا ان كلهم زي بعض في تكافؤ الفرص والمجهود والحاله الاجتماعيه -

سبب وجيه بردو يا صبحي بيه :D

اقتباس:

---

إيه الإلتزام اللي على الحكومة يخليها مجبرة تشغل حوالي 7 مليون عاطل >:D<

---

اومال مين اللي يلتزم انه يشغلهم يا صبحي؟:D

احمد عبد القوي بتاع مجلس الشعب؟ >:)

اقتباس:

---

زمان مصر كانت دولة زراعية

ولما حاولت تبقى دولة صناعية فشلت وبقينا عاملين زي اللي رقصوا على السلالم

---

ده بردو سبب

اننا نسينا اصلنا واننا اصلا بلد زراعي

بس عشان كل واحد فينا بقى عندو لاب توب وشادد وصلة نت من الواد اللي جنب طابونه ام سحر خلاص بقينا دوله من دول العالم الاول >:)

اقتباس:

---

طيب ليه الحكومة متديش لكل شاب 10-15 فدان يزرعهم

---

لا ثانيه واحده بقى L-)

تجيب منين لكل واحد 10 فدان الا اذا اتجهنا للــ صحرا

ودي الحكومه نفسها مش عارفه تستصلحها

نيجي احنا بقى كشباب كل واحد يمسك توريه او فاس - واخد بالك انت يا سرج -

ونزرع الصحرا ؟ :D وعايزنها تبقى خضرا بقى وصباح الخير يا مصر

اقتباس:

---

وشكراًيا عم أحمد على التوبيك الجامد يابرنس

---

العفو يا عم صبحي هو في اجمد منك :D