بص لنفسك .... مبتكدبش المرايا ... اعرف قيمة نفسك
بص لنفسك....مبتكدبش المرايا...اعرف قيمة نفسك
بص لنفسك....لو تكدب لو تتلون....مش هتكدب على نفسك
بص لنفسك....في قلوب تحسها فاضيه...لكن ممكن تنافسك
بص لنفسك...قبل ما تنصح باقي الناس...انصح نفسك
وفتش او حتى دور...على حتى عيب صغير...كفاياك بجد غرور
صحيح الحقيقه مؤلمه...وانت منزلتش مــ السما..ولا شايف الارض بتدور
مليان كدب وعيوب.....مليان غلط وذنوب....وبتهرب من نفسك وخيالك
وبتنصح غيرك وكأن....مفيش غيرك واكمن.... الدنيا مش على بالك
وتحس انك شفاف.....وتخاف لو جواك اتشاف...وتبان على حقيقتك
تفضل تداري وتداري....وكأن الهروب اجباري....من نفسك ومن فضيحتك
وتيجي بين نفسك....تعرف عيوب نفسك....تيجي تبص على نفسك...تعرف قيمة نفسك
