امتحان في الحب؟؟؟

- ما معنى الحب؟

الحب هو اسمى وانقى معنى واعلى درجات التواصل الي ممكن نعيشها لاننا معاه ما بنعودش نتصرف بتفكيرنا لكن بنتصرف بما يمليه علينا قلبنا لاننا بنفقد السيطرة على جوارحنا ...
ده وصف اما معناه اظن ان ما حدش يقدر يعرفه كاملآ .

- ما معنى الخيانة؟

هي اللحظة الي بيتأكد فيها الشخص (الي ما بيهتمش غير بشعوره) من ان حبه عبارة عن وهم وعندها تستيقظ جوارحه ويصل لها من لا يرى غير نفسه في هذه الدنيا , وهي هواية من لا قلب له , وهي مجرد التفكير لأجزاء من الثانية بأمكانية وجود حبيب آخر .

- اية الى ممكن تعملة عشان خاطر حبيبك؟

ان اكون جسرآ ليعبر من خلاله لما يحبه ويسعده .

- تعمل اية لو حبيبك سابك؟

احاول افهم اعذاره , ولو كان هو ده قراره النهائي اتقبله لان الي يحب يدفع سنين تعب والم حتي يعيش حبيبه سعيد ومبسوط ولو حتى لثواني , لكن اكيد مش حأقدر اسلبه كرسيه على عرش قلبي لانه حيفضل معايا على طول ولو احتجت اعرف عنه حاجة اغمض عيوني وابص جوة قلبي .

- لو حبيبك خانك هتعمل اية ؟

كده حيعمل هزة جوة قلبي توقعه من على كرسيه على عرش قلبي بس برضه حيقع جوة قلبي ومش حيخرج منه حتى لو كان القرار اننا نبعد ونسيب بعض سواء قراره او قراري حأحاول اننا نخرج بأقل الاضرار عشان عالأقل يتشوه البرواز الي شايل صورته ومش صورته الي تتشوه .

- لو حبيبك جية وقالك أنو هيسيبك عشان حس بحد غيرك ومش حاسك!!! هتعمل اية ؟

كده يبقى ما حبنيش حأحترم قراره وأحتفظ باللحظات الحلوة الي كانت بينا لان حتى لو هو مش حاسسني انا حأفضل حاسه وأحاول انسحب بهدوء وعقل حتى أحاول اخلي آخر صورة ليه في بالي هي ضحكته او ابتسامته على الاقل .

- تعمل اية لو حبيبك طلب منك طلب مستحيل ؟

حأحاول انفذه مرة واتنين والف لغاية ما يقلي كفاية وبرضه مش حأوقف لما يقلها .

- لو حبيبك قالك اثبت انك بتحبة هتعمل اية وهتثبتلة ازاى ؟

لما احب مش حيكون في فرصة لحبيبتي تشك لثواني بحبي ليها , راح اكشف ليها مسوداتي واطلق العنان لأناملي وافعل كل واي شيء تطلبه .

- لو حبيبك سافر وبعد عنك هتعمل اية ؟

حأنتظره لو بعد سنين وحيزيد اتصالي بيه وقربي منه ده لو حيرجع , ولو مش حيرجع حأحاول اكون دايمآ موجود لما يحتاج حد يعاونه ويدعمه وحأفضل عايش على الذكريات الجميلة والامل حتى لو كان ضئيل .

- لو حبيبك مات هتعمل اية ؟

حأفضل ادعيله واترحم عليه كل لما افتكره
( اكيد حيفضل في بالي على طول ) وأحاول كل لما امر بحاجة حلوة اضحك ضحكتين , ولو ربنا كتب وكملت نص ديني حأحاول اعمل كل الحاجات الي كنا مخططين ليها سوا بس اكيد من غير ما احسس بنت الحلال بأي نقص وبدون ما اقصر معاها بحاجة .

- اية الى ممكن تعملة لو حبيبك قالك انك لازم تتغير علشانة ؟

اول حاجة احاول اتناقش انا واياها بخصوص موضوع التغيير ولو كان بخصوص اي حاجة غير رضا الله ورضا الوالدين وقدرت تقنعني حأتغير لنفسي ولو ما اقنعتنيش حأتغير تلقائيآ من غير ما أحس .

- اية الى ممكن تعملة لو حبيبك طلع فية عيوب انتا بتزعل منها ؟

برضه حنتناقش انا واياه , بس ده حبيبي يبقى العيوب الي بشوفها في الناس وبضايقني حتتلغي لوحدها ومش حأحس بيها .