..:: مشرف بقرار جمهوري ::..
من زمان مشوفناش مواضيع من دي
من ايام ثوره سعد زعلول
موضوعنا النهارده اسمه
(( مشرف بقرار جمهوري ))
هنمسك فيه العضو من ايام 1 مشاركه
لحد ما يبقى مشرف
وليه وزنه ومسؤل مسؤليه تامه
عن قسمه او اقسامه
======================
عضو لسه بشوكه
http://img91.imageshack.us/img91/2231/11784525cu2.gif
ايه ده
دي حبايه ( دواء يعني )
الحبايه دي ياخدها العضو من هنا
تلاقيه جاري يعمل مواضيع هنا ومواضيع هناك
وحركات ويرد على فولان ويهزر في
الرد مع علان
ويمسك قسم من الاقسام ويفتح منتدى تاني
واديله كوبي وباست كوبي وباست
هنا وهنا وهنا وهناك
ويبقى شكل القسم زي الفل
كله بأسم العضو الجميل وده طبعا غلط
ليه غلط : لان القسم الواحد المفروض
يتعمل فيه 3 مواضيع
على الاكثر علشان منظره ميبقاش
وحش وكمان الردود التانيه
تاخد حقها في الرد
==================
http://img100.imageshack.us/img100/6065/71939382nj0.gif
وطبعا بعد الحبايه والذي منه والذي منها
بان للاداره انه مجتهد وشاطر وانه
يستحق الاشراف
وياولكم يا اعضاء مني ويا ولكم يا
مشرفين مني اصبرو بس عليه
لما هبقى مشرف هعمل وهسوى
( الكلام ده في سره )
الكلام الي بره بقه للناس
" انا ان شاء الله اول ما همسك اشراف
هبنيلكم مسجد وجمبه جامع وان شاء
الله هعديلكم الميترو من البيوت "
كلام جميل والله حاجه تفرح روح يا
ابني ربنا يبارك فيك
========================
http://img91.imageshack.us/img91/7224/77348920gh7.gif
اوباااااااااااااااااااااا ا
صاحبنا مسك الاشراف وبقه ايه جبار
مواضيعه كلها متثبته والاعضاء
يا حرام ولا موضوع ليهم
ويمكن كمان مش بيرود عليهم ولا يشجعهم
ده يمسح علطول الموضوع
ويتحجج بقه موضوعك مكرر موضوع
منقر موضوعك مخرم
اهي اي حجه
وفي الاخر تيجي على دماغ الغلابه
( الاعضاء )
\ادونا فرصتنا بقه " ده كلامهم \
===================
حالات اشرافيه مهمه جدااا :.
حاله حب :-
مشرف ومشرفه يا سلام على الحب والجمال
وتلاقيهم في غايه الانسجام وفي الردود
على بعض
بحبك يا روحي بحبك يا حياتي وورده
حبنا وكلام من ده
ويا سلاااااااام لو حصل واختلفو مثلا
تلاقي المشرف قالك
انا هسيب المنتدى والمشرفه نفس الكلام
طيب ده كلام والنبي
المنتدى الي شهد اول لقاء حبكم
تسيبوه ده حتى يبقى حرام \
==================
الغيره القاتله :-
الله الله الله جينا بقه لمربط الحمار قصدي الفرس \
الغيره بقه دي سعات بتكون حلوه
وسعات بتكون وحشه
غيره مشرفه من زمليتها المشرفه دي
كويسه لو هيتنافسو في المواضيع
غيره المشرف الكبير من المشرف الصغنتت
يجي الكبير يمسح للصغنتت مواضيعه
ويشيلهاله من التثبيت
ويتحجج بقه بأي حجه بدل يا عم ما
يجي ياخد مكانك والناس
تشوفه تلاقيه شغال احسن منك ويبان
انك ولا شغال ولا بتنجان
=================
الكسل الفظيع :-
بعد ما اخونا الله يكرمه اتعين مشرف
نسى وعوده بتاعه الجامع
والمترو وكلام الانتخابات ده
وبقه يدخل كل فين وفين ويشرف
المنتدى بدخوله وفين وفين لما
يشرفنا برد ولا حتى بموضوع
ويوم ما يتشال من الاشراف يقولك
انا شالوني ليه
===============
الاقتراحات :-
واحد عنده اقتراح جامد موت وفكره
عبقريه قال اما اعرضها على الناس
ناس قالت اه وناس قالت لاء
يقوم يزعل بقه وازاي فولان يقول لاء
دي فكره عبقريه
طيب يا سيدي ما هو اسمه اقتراح
يا يتوافق عليه يا يترفض
وابقى فكرني اقدملك في مجلس الشعب
الدوره الجديده
===============
الحبيب :-
يا سلااااااااااااااااام اهو ده بقه الفايق الرايق
مقضيها رساله مع العضوه فولانه
والعضوه علانه
وبحبك وبموت فيكي وانت وردتي
وانتي جنينتي وانتي شجرتي
يقوم واقع في شر اعماله ويتلمو
عليه بقه
ويا سلام لو اتلم عليك 3 بنات او
اكتر والله ما هتسلم
والله يرحمك يا اخي \
==================
ميدو مشاكل :-
يجي بقه اي كلمه يمين ولا شمال
فولان شتمنى وعلان قل ادبه عليه
وانا هتصرف وانا هعمل وانا هسوي
يا عم ده انت بتقعد معانا هنا اكتر ما بتقعد
مع حد تاني خليها تمشي وخلى الايام تعدي
ومسيرك هتروح هنا ولا هنا ومش
هنشوفك تاني خلي النهايه خير
==================
الكوسه :-
مطلوبــــة وكلنا بنحبها وكلنا متعودين
عليها طبعا
http://img91.imageshack.us/img91/272...ddoopl8zf0.gif
عدد اتنين سلطات + عدد اتنين مشرفين + مواضيع متثبته +
ردود جميله ومشكرين يا
جامد يا مستحيل = كوســــــــة
======================
الموضوع بقه دمه رخم وده مش مكانه \
في الاول والاخر عايز اقول كلمه
كل منتدى وكل مكان فيه الكويس وفيه الوحش
في التمام وفيه الي مش تمام
دي حالات قدامنا زي ما احنا شايفين
موجوده هنا وهناك وفي كل حته
وفي النهايه
اتمنى الموضوع يكون عجبكم ونكون
استفدنا منه كلنا
تقبلو تحياتي واحترامي للجميع
(( اعضاء - مشرفين ))
حـــــــــــــــــــــــــــــــودا
================
