ازاي تعامل اللي قدامكـ ع انه مبيفهمش وانت اللي واد فتكــ وبتفهمـ

اول ما تشوف شخص بيذاكر تقوم قيله وانت واثق من نفسك على ان انت بأة واد فالح بأة وبتذاكر ده المنهج دا خلصته ف يومين ده ممكن ابرص للحاجة كدة احفظها علطول وبعدين الحكاية مش عيزة علام دى عايزة نصاحة و فتاكة

اول ما تعدى من قدامك بت حلوة طبعا مش هتعكسها وخش عليها بقلب جامد وقلها ايه تسريحة الشعر ايلى زى الزفت دى حتى مش موضة وتعرفى دماغك كدة عملة زى دماغ مين دماغ الشمبانزى بعد ما بيستحمى ف الترعة
وايه الجيبة الطويلة اوى دى لو لبستى بردعة يبئى احسنلك
وبعدين ايه الريحة المعفنة دى انتى بتحطى ايه فنيك ع العموم انصحك بلاش البرفان دا تانى
اوعى يابت تفتكرى نفسك حلوة
وطبعا هيبئى ردها عليك احترم نفسك يا شاطر وخليك ف نفسك احسنلك وخلى ليلتك تعدى على خير(ولا يهمك سيبك منها متقدرش تعمل فيك حاجة دى بتخوفك يا عبيط)
اول ما تشوف بنى آدم قاعد على القهوة او ماشى بيقرا ف الشارع تقوم قايل ال يعنى الواد مثقف دا تلاقيك بتتفرج ع الصور
طبعا انت ممكن تسألنى لو شفت بنى آدم بيشرب اعمل ايه وطبعا انا مش هحرمك من اجابة السؤال دا
تقوم معدى من جمبه وتقول تعرف دلوقتى ان المية بئت ملوثة ومعدتش صالحة للشرب وايلى بيشرب منها بيجيلوا تلبك معوى وشلل رباعى فى خماسى ويموت دا حتى المية ايلى بئت بتنزل من الحنفيات مية مجارى مقتول فيها فراخ وكتاكيت وصراصير ومش بعيد هو نفسه يطب ساكت بعد الجملتين دول
وطبعا متحسسش بس البنى آدمين ان هما مبيفهموش كمان حسس الحيوان برضه انه حمار ومبيفهمش واقولك ازاى:
لو مثلا عديت وانت ماشى ف الشارع ولقيت قطة وقفة بتاكل سمكة تقوم قيلها بأة فى حد برضة بياكل بالطريقة دى دا انتى ولا الحيوانات مسمعتيش يا ماما ان فى شوكة وسكينة اتعملوا عشان الاكل
ولا يا سلام بأة لو لقيت قطة بتجرى ورا فار تقوم قايل للفار متدخلش من الشارع ده ياغبى ممكن تتفئس ادخل من الحودايا دى وبعدين يمين ف شمال