http://photos.azyya.com/store/upload...081220xPnx.gif
ارجو ان الموضوووع يعجبكم
نبدأ من الاول ,,,
علشان نعرف الجديد في موضة الماكياج..
http://photos.azyya.com/store/up1/080621200631w5JE.jpg
هل الماكياج مرتبط بالطرحه أم بالإكسسوار ؟
يوضع الماكياج على أي لون ، ولكن من الأفضل أن يكون لون الماكياج مناسب للون الإكسسوار ،
يعني مثلاً لو البلوزة موف ، والإيشارب أصفر، و لابسة إكسسوار تركواز يبقى تحطي كحل لونه تركواز..
ولو البلوزة أورانج والطرحة والإكسسوار لونهم بني يبقى تحطي على طول كحل بني.
الروج بس هو اللي ممكن لونه يكون زي لون الإكسسوار أو البلوزة.
بس خدي بالك إن الأمر بيختلف تماماً في السواريه، لازم يكون الماكياج متناسق مع لون الطرحة..
يعني مثلاً لو لابسه طرحة لونها نبيتي يكون الماكياج أسود في نبيتي والروج نبيتي.
http://photos.azyya.com/store/up1/0806212006320Hsl.jpg
هل الرموش الصناعية تعتبر موضة الآن ؟
طبعا نحنا رجعنا إلى موضة الخمسينيات، واللي كانت بتسمى موضة "سعاد حسني"، فممكن إننا
نضع الرموش الصناعية في النهار مع الآي لاينر، والروج، وتحديد العين باللون الأسود أصبح موضة
بالإضافة إلى الماسكرا.
الحواجب الرفيعة أم السميكة هي اللي موضة الآن ؟
الحواجب السميكة مع الماسكرا، وتحديد العين بالكحل أصبح موضة.
ازاي تضعي ماكياج، وتظهري بدون ماكياج ؟
بإنك تحطي ألوان خفيفة زي البيج لأنها بتدّي إحساس بالطبيعة أكتر.
أيهما تستوعب ماكياج أكتر: صاحبة البشرة البيضاء أم الخمرية ؟
البشرة الخمرية تستوعب ماكياج كتير، اما صاحبة البشرة البيضاء لازم تخفف الماكياج على الوجه الأبيض؛
لأنه بطبيعته بيكون بسيط، وفيه ألوان طبيعية، ومش بيحتاج إلا ألوان بسيطة زي ألوان "البيجات"
فوق العين بجانب الروج.
ازاي تداري وتخبي عيوب الوجه بالماكياج ؟
بالنسبة للأنف الكبيرة أو أي حاجة بارزة وضخمة..
تحطي كريم أساس غامق على هذه المنطقة، وعلى بقية الوجه لون فاتح؛
عشان يعطي مساحة لون واحد، وممكن عند رسمة الشفايف تضعي لون التحديد
لفوق وتكبّري الشفايف شوية عشان تغطي شوية من ضخامة الأنف.
وبالنسبة للشفايف الكبيرة..
يبقى تحاولي تعوضي في منطقة العين، وتضعي فيها ماكياج كثير؛ عشان التركيز يكون على
العين أكثر، وأصغّر طريقة التحديد من داخل الشفايف، ولا تضعي "ملمع الشفايف"؛ لأنه يعطي
سُمك للشفايف، لكن لو الشفايف صغيرة تستخدمي قلم تحديد داخل منطقة الشفايف، وتضعي
"ملمع الشفايف"؛ عشان يعرّض الشفايف.
http://photos.azyya.com/store/up1/080621200633szT4.jpg
ازاي تضعي الكحل في العين الضيقة ؟
تضعي الكحل من الخارج وتسحبيه كله للداخل، لكن ممكن تضعي ألوان كحل زي البيج
والأخضر والتركواز من الداخل، وتحاولي تبعدي عن اللون الأسود؛ لأنه حيصغّر العين..بالنسبة للعين الواسعة؟
تحاولي تضعي الكحل من الداخل خاصة في العين الجاحظة، ولا تضعي ألوانا من تحت الجفن،
وتضعي ألوانا في المنطقة المتحركة من العين.
وازاي تثقلي الحواجب؟
(بالآي شادو) الخاص بالحواجب، واسمه (إيبرو)، وبالفرشة الخاصة به واسمها (إنجل براش)، وتبتعدي
تماماً عن استخدام قلم الكحل لثقل الحاجب؛ لأنه بيساعد على تقصّفها، لكن قلم الكحل يستخدم
في حالة الحواجب الخفيفة قوي، وعلى فكرة (آي شادو) الحواجب فيه ألوان كثيرة زي البني الفاتح
والغامق والأسود.
هل هناك بديل لكريم الأساس؟
أنصح أثناء النهار بوضع عازل للشمس ملون لكن في الليل ضعي كريم أساس بأنواعه المختلفة
والمناسبة للبشرة؛ لأنه يعطي لونا موحدا للبشرة، وتستطيعي أن تضعي أي لون من الكحل
والروج بسهولة وجمال.
الروج الأحمر رجع موضة تاني، ومعظم البنات لا تحب الأحمر، تعمل إيه وإيه درجة الأحمر المناسبة؟
الروج الأحمر يناسب الجميع، طالما اللي تضعه تتقبله نفسيّاً، وليس ضروريّاً استعماله مع ألوان
الملابس بالعكس؛ فأعتقد إن كل ما كانت الحاجة متماشية كلها مع بعض كانت أفضل، فمثلاً لو
استعملت البنت الروج الأحمر يبقى تبعد عن أي آي شادو بألوان جريئة زي الأحمر أو الأزرق أو الموف،
ويكفي استعمال الكحل أو الآي لاينر الأسود والماسكرا، وممكن آي شادو بيج خفيف.
http://photos.azyya.com/store/up1/080621200634hTXo.jpg
وازاي تحافظي على درجة الروج أطول فترة ممكنة؟
استعملي محدد الشفاه الجاف، وغطي به الشفاه بالكامل، وهذا يعمل على تثبيت الروج
ولا يتغير، وإذا كان لون الشفاه الأصلي غامقا فيمكن وضع الفوندشين الفاتح قبل الروج.
ازاي تحافظي على الحواجب من السقوط؟
1- لا تستعملي قلم الحواجب؛ لأنه يساعد على سقوط الشعر في هذه المنطقة.
2- لا تستعملي موس؛ لإزالة الشعر.
3- لا تجري وراء الموضة، وترسمي حاجبا رفيعا؛ لأن الموضة بتتغير والآن الحواجب الثقيلة موضة.
4- واستعيني بزيوت طبيعية قبل النوم لدهن الحاجب، وكمان الشعر؛ لمنع سقوطه،
وهو زيت مستخلص من شعر الخيل.
الماسكرا أحيانا بتكون غليظة هل معناه أنها أصبحت منتهية، ولا ممكن يكون لها حل؟
أولا: نتعرف على صلاحية الماسكرا من رائحتها، وطبعاً هنا يكون استخدامها ضارّا جدّاً، وتسبب
مشاكل كثيرة، لكن عندما تكون غليظة ممكن وضع نقطة ماء أو نقطة كريم سائل؛ لكي تصبح سائلة،
وهذا أفضل من وضع زيت من أي نوع؛ لأنه ممكن أن يضر العين.
إيه هي أحدث الألوان في الماكياج؟
أكثر لون بدأ يظهر، وموجود في أغلب الماركات هو اللون البني المائل إلى الروز، وهذا اللون مناسب
جدّاً للبشرة الخمرية، خاصة أنه موجود في أحمر الشفاه، وفي الآي شادو بجانب طبعاً ألوان البيج
وهي ألوان جميلة ولا تتغير موضتها، وتبدو وكأن البنت بدون ماكياج.
ازاي تضعي مانيكير الأظافر بطريقة صحيحة؟
1 - قصي أظافرك حسب الرغبة والطول المناسب لكِ.
2 - استعملي المبرد الخشبي؛ لأن المعدن يشقق الظافر ويضعفه.
3 - انقعي الأظفر في ماء دافئ عليه شامبو لمدة خمس دقائق.
4 - أزيلي الجلد الزائد حول الظافر عن طريقة قطعة قطن صغيرة.
5 - قصيه بالقصافة الخاصة بالجلد.
6 - ضعي المانيكير الشفاف لحماية الأظافر من التلوث.
7 - ضعي اللون المرغوب فيه، ويترك عشر دقائق.
8 - ثم ضعي طبقة مانيكير شفاف لحماية اللون من التقشر.
9 - بعد كده حسب الرغبة في رسم الأظافر بالقلوب والنجوم حسب الرغبة.
نصيحة أخيرة اقدمها مني لكل البنات؟
كل بنت تحاول تكون (بنوتة) في كل شيء:
في لبسها.. ماكياجها.. طريقة كلامها...لبسها
ضحكتها ,,خفتها ,, مشيتها ...
وهيك اكون خلصت كلامي علي المكياج
وان شاء الله الموضوووع يكون خفيف عليكم
تشاااااااااااااااو
