عرض للطباعة
يا جماعه انا والله تايهه و مش عارفه اعمل ايه
لو حد يقدر يفيدنى اكون متشكره قوى
انا عايزه اسأل التنسيق بالنسبه للمغتربين بيكون ازاى؟
يعنى المجموع بينزل قد ايه تقريبا ؟
بيكون التنسيق بالنسبه للمغتربين مختلف عن اللى فى مدارس مصريه؟
و بالنسبه للمستوى الرفيع بيكون فى ماده واحده ولا اكتر و بيكون نظامه ايه ؟
ياريت الرد للأهميه
اظن بيكون فية اختلاف بس مش كتير لانى كان معايا صديق جاى من السعودية ودخل نفس الكلية بس بمجموع اكبر على ما اظن
لكن المستوى الرفيع نظامة ثابت بيكون مادة واحدة
ولو انتظرتى يومين ممكن اسألك واحد فى مجال التعليم وارد عليكى
المستوى الرفيع ماده واحده
بالنسبه للمجموع التنسيق حيطلب مجموع أعلى من المغتربين عن إللى فى مصر
طب مانا ممكن اقولك حاجة
لو دخلتي علي موقع وزارة التعليم
ممكن يفيدك
بس انا لو اعرف اي حاجة مش ها اخبيها عنك:D:D
بصي يا نونه
انا جاي من بره واول سنه ليا في مصر السنادي وطبعا الحمد لله دخلت الجامعه اللي انا عاوزها
الوقتي التنسيق بيجي انك بتقدمي ورقك في جامعه القاهر هناك بتجيبي شهاده ميلاد وشهاده 3 اعداي والثانويه العامه وصوره بطاقه كمبيوتر
و6 صور او اكتر مش فاكر وتقدميهم في مكتب التنسيق في القاهر وتستني لغايت ما يطلع الاول تنسيق الاول والتاني وانتي هتطلعي في التالت
ولو كنتي مقدمه علي مستوي رفيع هتتاخري شويا لغايت ما يطلعو ليكي النتيجه
بس انتي لوجايه من الأمارت او السعوديه
بيكون درجاتك هتررتفع في التنسيق يعني مثلا كنتي جايبه 90 هتترفع ليكي درجتين تبقي 92 مش اكتر ويا رب اكون فدتك في حاجه
ولو فيه اي استفسار انا موجود واقدر اساعدك:)
اه صحيح وبالنسبه للمستوي الرفيع عليكي انك تختاري ماده من وسط المواد المطروحه قدامك وهيا ماده واحده بس مش اكتر بس يا ريت اعرف انتي ادبي ولا علمي:)
ميرسى يا جماعه
و شكرا ليك يا ملك الاحساس
و انا علمى و فى الامارات و كنت سألت فى القنصليه على المستوى الرفيع قالولى اتلغى
بس انا كنت عايزه اتأكد
و لوسمحت انا كنت عايزه اعرف المعدل بينزل حوالى قد ايه
لو مافيهاش تعب ليك