* بخيل قامت فى بيته حريقة عمل ميسد كول للمطافى .
:):)
* بخيل اتجوز راح يقضى شهر العسل لوحده .
:):)
* بخيل راح يخطب لابنه قال له : خللى بالك ، دى ليك ولاخواتك .
:):)
* بخيل بيتمشى مع خطيبته قالتله ممكن نشرب حاجة ، أخدها وجاب لها ميه من كولدير مسجد .
:):)
* بخيل راح يزور واحد بالمستشفى لقى الباب مكتوب عليه " ادفع " قال خلاص ازوروه لما يرجع البيت .
:):)
* بخيل اشترى 3 تفاحات بياكل الاولى طلعت بايظة ، التانية بايظة ، طفى النور وأكل التالتة .
:):)
* بخيل بيموت قال لاولاده لو مت النهاردة ماتغسلونيش ، لسه واخد حمام امبارح .
:):)
* بخيل بيموت نادى على ولاده يا محمد ، يا على ، يا صالح ردوا كلهم احنا جنبك يا بابا ، قال لهم كلكم هنا وسايبين نور الصالة والع .
:):)
* بخيل قال لولاده اللى هاينجح منكم هافرجه على عربية الآيس كريم .
:):)
* بخيل رايح البقالة ومعاه ابنه ، الولد مسك شيكولاتة وقاله بحبها يا بابا ، قال له طيب حب فيها شوية ورجعها لعمو .
:):)
* 5 بخلاء دخلوا محل عصير طلبوا كباية عصير وخمس شفاطات .
:):)
* اتنين بخلاء تراهنوا مين يغطس اطول فترة ممكنة واللى يخرج الأول يعزم التانى على الغدا ، غطسوا الاتنين ولسه ماطلعوش لحد دلوقتى .
:):)
* بخيل اشترى موبايل لأبنه حذف منها الصفرعلشان مايعرفش يتكلم .
:):)
* بخيل شاف واحد بخيل صاحبه متضايق ، قال له متضايق ليه ؟ قال له انكسرت سنة من المشط وعايز اسرح ، قال له ماتعرفش تسرح من غير السنة دى ، قال له طبعا لأنها كانت آخر سنة .
:):)
* بيسألوا بخيل لو الجو بارد تعمل ايه ، قال لهم اقرب من الدفاية ، قالوا له طيب لو زاد البرد شوية ، قال لهم اقرب اكتر ، قالوا طيب لو زاد اكتر ، قال لهم اقرب اكتر ، قالوا طيب لو زاد خالص ، قال لهم اشغل الدفاية وامرى لله .
:):)
* بخيل راكب تاكسى والتاكسى نزل منحدر السواق صرخ وقال مش عارف اوقف العربية ، قال له البخيل طيب وقف العداد بسرعة .
:):)
* زوجة بخيل بعتت ابنها يجيب 3 أرغفة خبز لها ولجوزها ولابنها ، فجوزها مات طلعت البلكونة قالت لابنها : ابوك مات خليهم رغيفين .
:):)
* بخيل اتعود كل ما يروح مطعم ياخد معاه صراصير يحطها فى الطبق بعد ما يخلص أكل ، واحد صاحبه حب يقلده قاله ادينى صرصار من معاك ، قال له آسف مش معايا غير دبانة علشان الشاى .
:):)
* 3 بخلاء اتجمعوا علشان يتبرعوا بفلوس لوجه الله
الأول قال هارسم دايرة واحدف الفلوس فى الهوا اللى فى الدايرة ليا واللى بره لوجه الله .
التانى قال هارسم خط واللى ييجى على يمين الخط ليه واللى على الشمال لوجه الله .
التالت قال هارمى الفلوس فى الهوا اللى ينزل على الأرض ليه ، واللى يبقى فى الهوا لوجه الله
:):)
