http://www.masrawycafe.com/www.masra...da68a5b9e5.gifhttp://www.masrawycafe.com/www.masra...71493cba35.gifبسم الله الرحمن الرحيم
أكلة اليوم سهلة جدا و تنفع حلو و حادق
و أساسها الجلاش بنجيب منه عبوة اللى هى حوالى نصف كيلوــــ
سمن أو زبدة سايحة مع شوية زيت (يعنى نصف كوب من السمن + نصف كوب زيت) ناخد ورقة واحدة من الجلاش (وباقى الكمية مغطاة بفوطة مبلولة عشان ما تنشفش) و ندهنها خليط السمن بفرشاة ثم نضع فوقها ورقة كمان و ندهنها ثم ورقة كمان ثم نقطعها مربعات 10أو 12 سم/ و نضعها فى قوالب الكب كيك (المافن) أو فى قوالب الكريم كراميل (ألومنيوم طبعا أو تيفال)هيكون شكلها طبعا زى الكوب و ندخلها فرن 180 أو 200 درجة لمدة 15:10دقيقة حتى تحمر و تقرمش و تخرج نتركها تبرد
الحشوات:
1ــ لحم مفروم معصج ببصلة مفرومة و توابل و ملح و فلفل
2ــ لحم فراخ مفرومة و مستوية بنفس الطريقة
3ــ فراخ مسلوقة و مقطعة نسايل مع خضار:طماطم و فلفل رومى و بصل و مشوحين فى زيت
4ــ جبن بيضاء مع طماطم و فلفل رومى و نعناع مجفف
5ــ فروت سلاد
6ــ كستر أو مهلبية (زى بتاعة الكنافة)
بس كفاية كده ولما تعملوها أجيبلكوا تانى
خلاص خلاص .. بالهنا و الشفا
