http://photos.7rff.com/uploads_pic/0905/e14adc1916.gif
http://photos.7rff.com/uploads_pic/0905/99ac25d333.gif
تسكت الشفاه احيانا وتسكن الحروف القلوب
بيقولو السكوت من ذهب
بس عمر الصمت مابيبقى دهب الا لو كان فمكانه
الا لما يكون وقار وصمت حكمة
لكن...
لما يكون الصمت ده اجباري
غصب
ساعتها بس بتفور براكين الظلم
وبتتفجر غضب من السلطهـ المسيطره على الشفايف واللسان
لما أخ يضرب اختهـ
ويهين كرامتها وانسانيتها
ويضربها بقسوة وبدون رحمة
وهي تبكي وتستنجد بأبوها
بتكون في قمة الضعف
تلاقي الاب يصرخ ويقولها
انتي بنت وده اخوكي ولد؟؟؟؟؟
ويحط صباعه على شفايفه ويقول...
اشششششش ولا كلمهـ..
http://photos.7rff.com/uploads_pic/0905/2430da0425.jpg
شاب طموح
عايز يكون نفسه ويبني مستقبله
عايز يحقق ذاته
يشتغل فشغله ويخلص فيه من قلبه
ويتعب ويطحن نفسه شغل
وفالاخر
يجي واحد
مايعرفش أي حاجه في أي حاجه
ويمسك منصب مكانه ويبقى احسن منه
وتعبه كله يروح ع الفاضي
ولما يقولهم ليه
يقولو اسكت ده تبع المدير
يقول ازاي ده حقي انا
يقولو مش عاجبك الباب يفوت جمل
ويحطو صوابعهم على شفايفهم ويقولوله....
اششششششش ولا كلمهـ ..
http://photos.7rff.com/uploads_pic/0905/2430da0425.jpg
بنت لسه صغيره
زي أي واحده فسنها
بتحلم بالفستان الابيض
حاطه ايديها في ايد حبيبها
بتعد فالسنين عشان تحقق حلمها
وتتفاجأ بنفسها مغصوبة على واحد ماتعرفهوش
والسبب تقاليد وان احنا عارفين مصلحتك فين
تبكي وتقول يا بابا مش عايزه اتجوزه...
يصرخ الاب
ويحط صباعه على شفايفه ويقوللها..
اششششششش ولا كلمهـ ..
http://photos.7rff.com/uploads_pic/0905/2430da0425.jpg
واحد بقى فالجامعه
بيحضر محاضراته
وبيزاكر بجد مش بيلعب
وبيعمل زي مابيقول المثل..
من طلب العلا
سهر الليالي
وياكل الورق عشان ياخد اعلى التقديرات
ويملي ورقة الامتحان حبر اجابات
ويجي يلاقي نفسه ساقط فالمادة؟؟؟
ظلم وتبلي من استاذ جامعي بيمارس سلطته
يروح يشتكي لعميد الجامعه
يقوله منك للدكتور
ويحط صباعه فوسط شفايفه ويقوله..
اشششششش ولا كلمهـ ..
http://photos.7rff.com/uploads_pic/0905/2430da0425.jpg
واحده
حبته من قلبها بجد
فضلته ع الدنيا والناس
ادته كل اللي قدرت عليه
استنت منه كلمه حلوه
لمسه حنينه
على الاقل تنفيذ وعده انه ليها وهي ليه
فجأة
تلاقي الحال اتقلب
وتكتشف انها عبيطه واضحك عليها
تروح تقوله ليه؟؟؟
يقولها محدش ضربك على ايدك
ويحط صباعه على شفايفه ويقولها...
اششششششش ولا كلمهـ ..
http://photos.7rff.com/uploads_pic/0905/2430da0425.jpg
http://photos.7rff.com/uploads_pic/0905/580159c76e.gif
ربنا سبحانه وتعالى عادل
ومابيرضاش بالظلم
والظلم ظلمات يوم القيامة
وكل ظالم ليه يوم ياخد فيه جزاءه
بس الصمت فالحالات دي بيكون ضعف
واللي يقدر لازم يتكلم
ولا زم يدافع عن حقه
لأن الساكتـ عنـ الحقـ شيطانـ اخرسـ
