تحياتي
احب اتكلم معاكو في موضوع تاعبني جدا
واعتقد انه باين من عنوانه
الموضوع هو مصر
من يوم ما اتولدنا واحنا بنسمع كلمة
مصر بلد الامن والامان
مصر ام الدنيا
مصر من احسن البلاد
وكنا بنكتب ده في مواضيع التعبير في المدرسة وندوس في الكتابة
وكنا بنتمنى لو الموضوع ده ييجي
عشان كنا بنكتب بقلب وكنا بنحس ان لسه في كلام تاني كتير
وكنا حاسين ان احنا مطمنين ان احنا عايشين في احسن بلد في الدنيا
لكن دلوقتي الحال بقى غير الحال تماما
مصر اصبحت بلد الرعب والاجرام
كام جريمة بتحصل في اليوم
من سرقة ونصب وقتل واغتصاب وخطف
حتى الاطفال الابرياء مش رحمنهم بيخطفوهم وياخدو اعضائهم
طب ليه ده كله
دلوقتي البنات بتخاف تمشي في الشارع
والاطفال كمان
الناس بقوا بيخافو من كل حاجة
بقينا نخاف نقعد في البيت لوحدنا
ولو الباب خبط نكتم نفسنا عشان منفتحش
بقينا نخاف نطلع السلم لا يكون في حد مستنيك تفتح الباب ويضربك ويدخل هو الشقة يقلبها
الواحد بقى يخاف يختلف مع سواق الميكروباص على ربع جنيه لايقتله
اي ام واب بيخافو وهما ماشيين مع ولادهم لا يتخطفو منهم
البنات بقت مجهزة ان اي لو عدى من جمبها تستعد للصويت
ليه
ليه
ليه
مبقاش في امان في مصر
وبجد اصبحت اكتر دولة في معدلات الجرائم
انا اسفة اني طولت بس بجد انا محروقة من جوايا ع اللي بيحصل ده
ولو عندكم سبب في اللي بيحصل ده ياريت تقولوه
