بحبك لأنى
فى حبك بغنى
ولما عينى تشوفك
بتروح روحى منى
بحبك لأنى
فى وجودك حياتى
فى بعادك مماتى
فى سرورك سعادتى
وفى عنيكى أبتساماتى
بحبك لأنى
لقيتك حتة منى
وسكنتى جوة قلبى
برضايا وغصب عنى
فى حبك بلاقى
الدنيا شكل تانى
بيتغير زمانى
ويدفيكى حنانى
ويدفى قلبى حبك
بشوقك والأمانى
بحبك لأنى
عمرى ماشفت غيرك
فى ديارى يسكن طيرك
ويعشش جوة قلبى
ويحضن نبض قلبى
وملامحه تصير ملامحى
وطعامه يصبح قمحى
بحبك لأنى
حسيت فيكى الحنان
ولقيت بيكى الأمان
قلبى إليك راح
لحضنك البراح
فى إيديكى حس الدنيا
واحة للأفراح
رجع وقالى أتهنى
وقول للحزن سماح
بحبك لأنى
كل اللى فات من عمرى
قبلك محسبتوش
فى حبك لقيت
حب مجربتوش
حب صافى دافى
من غير زيف ورتوش
بحبك لأنى
كنت بدور عليكى
أشيل همومى وأهاجر
وأسكن فى رموش عنيكى
أنا أصلى مهما أسافر
أبعد عنك وأهاجر
بردوا برجع إليكى
بحبك
