ليه ايللي باقي ع العشرة
دايما يكون خسران
ليه الحب في قلوبنا
نصيبه فراق وأحزان
ليه ايللي شاري في زمانا
في حبه يكون متهان
ليه دموعنا ساكنة عيونا
وفرحها في النسيان
ليه الطيبة في قلوبنا
يسموها أمور توهان
ليه الأمل بعيد عنا
ونصيبنا فيه حرمان
العيب فينا في طباعنا
ولا طمعنا غيرنا وقسينا
ع الغلبان
والدنيا بقت مصالح
وايللي يصارح غير كده
يقولوا عليه خيبان
عايش فيها مش عايش
وإن عاش يكون عجزان
فين الكلمة الطيبة
جت من بعيد ولا قريبة
تشفي العليل ايللي
يئس من الطيبان
نلوم علينا ياتري
ولا نلوم ع الزمان
ودي أسئلتي قدامكو
ياريت قلاقي جواب
يكون شافي وصافي
خالي من لوم وعتاب
بحبكم كلكم
أخوكم
محيى زقزوق
أتمني تعجبكم
السبت 30-05-2009م
