نظره جديد لامثالنا الشعبيه
كلنا عارفين ان امثالنا جزء من تراثنا
ولكن لان احنا فى عصر كل شئ فيه بيتطور فالامثال الشعبيه قررت هى كمان تتطور فى شكل مضحك ومقبول
والنهارده ان شاء الله جايب شويه امثال من الى تم تعديلها لكى تتناسب مع مذاق العصر الحديث
*************************
اللي بيته من قزاز .... مايغيرش هدومه في الصالون
فاقد الشيء .... يدور عليه
اقلب القدرة على فمها .... الفول يقع منها
يا خبرالنهارده بفلوس .... بكره ينزل عليه أوكازيون
اللي معاه قرش محيره .... يجيب حمام ويحمره
جت الحزينة تفرح .... شغلت شريط حكيم وقعدت ترقص
قال يامحششين .... يكفيكو شر الكمين
اللي ياكل لوحده .... يشبع
لا تبكى على اللبن .... في البسكوت
اقطع عرق .... و حته بتلو
لو حبيبك عسل ..... ما تحطلوش
طحينة
اللي يتلسع من الشوربه .... يتصل بالمطافي
وبكره ترجع ريما .... من عند خالتها في مارينا
يا داخل بين البصلة وقشرتها .... حط قطرة علشان حادمع من ريحتها
أصوم أصوم .... وافطر على المدفع
القرش الأبيض .... بيعوم في البحر الأحمر
ضربوا الأعور على عينه .... قال لهم كسرتوا النضارة
المال السايب .... يعلم الطلبة
من خرج من داره .... ماينساش ياخد المفتاح معاه
الباب اللي يجيلك منه الريح .... شيله وركب قبنوري
المضطر .... يركب التاكسي
رب صدفة خير من .... ألف ليلة و ليلة
اللي يخاف من العفريت ..... يعمل عبيط
المركب اللي فيها ريسين .... يلعبوا طاولة
قالوا للحرامي احلف قال لهم .... وحياة قلبي
أكل العيش يحب .... الطعمية
**********************************
وفى النهايه اتمنى ان الموضوع حاز على اعجابكم
واستنوا ان شاء الله كل جديد على احسن منتدى
