:-*ازيكم يا احلى شباب عاملين ايه انا لسه جديدة وعايزة اقول ان المنتدى حلو اوى والمواضيع جديدة ولذيذة انا لسه مش عارفة النظام هنا بس عايزة افتح معاكم موضوع وهو الحب دلوقتى يا ترى كل الناس فاهمة الحب صح ؟؟؟؟
انا معتقدش ان الناس دلوقتى فاهمة الحب صح اتوقع ان نااااااااااس كتيرة اوى فاهماه غلط
الحب ده حنان , عطاء , دفئ , مشاعر صافية , قلب كبير , ثقة متبادلة , عقل يفهم , وقلب يحس باللى بيحبه
ناس كتيرة اوى بقت بتشوف الحب بطريقة تانية بتشوفه تحكم وسيطرة ان الحب ده وسيلة يضغط بيها على حبيبه
وفى ناس شايفة الحب ده كاعجاب انا اعجبت بحد اقوله بحبك ونبقى سوا وكده لا الحب كلمة اعلى واسمى من الاعجاب الاعجاب مرحلة من مراحل الحب بس انا حاسة ان العصر بتاعنا بينحدر بتفكير الناس مش بيرتقى بتفكيرهم
لو حبينا صح واختارنا الناس الصح هنعيش صح فى ناس بتحب وبتنجرح صح وبتقول الحب غدار والحب خداع لو فكرنا انا فى القصة الجميلة اللى خلصت بنهاية مش سعيدة اكيد هنلاقى ان فيها غلط او ان نهيتها احسن بكتير وفيها مصلحة لكل الناس وديه بتبقى تجارب الحياة اللى بتخلينا نفكر صح ونختار بعد كده الناس الصح
مينفعش نلوم الحب واحسان عبد القدوس قال "حبك الاول هو حبك الاخير" هو ده اللى بقوله لما نلاقى حب ونستريح فيه يبقى هو ده الحب الصح الباقى ده كان تجارب
بس لازم نحب بجد ونفهم الحب بجد مقولش لبنت انا بحبك عشان هى حلوة وجامدة واخدعها تحت لواء يسمى الحب
او اقول لولد بحبك وبموت فيم لمجرد ان هو حلو وعسول ودمه خفيف
لازم نفكر ان كلمة الحب ديه كلمة مينفعش نلعب بيها وانها كلمة غيرت حياة ناس نفكر بيها صح ونحب الناس صح ولما نحب نحب بجد عشان نعيش فى سعادة ويارب نحب كلنا
انا عايزة رايكم انا اول مرة اكتب هنا فى المنتدى اى راى انا هتقبله كان راى او نقد اى حاجة منكم يا احلى شباب وفى رعاية الله
سلاااااااااااااااام
:x:x:x:x:x:x:x
