http://dl4.glitter-graphics.net/pub/...boe5wkvsrr.gif
فاكر يا قلبى يوم ما قابلته
بكل حب وحنان استقبلته
وبحيرة وشوق ولهفة سألته
بتحبنى ولا قلبك ليا عمره ما دق
ايامنا كانت حقيقة ولا كلام ع الورق
استنى قلبى يرجع لحضنى ولا خلاص ضاع منى واتسرق
حسيت انه من سؤالى اتصدم
وانى فكرته بأيام الالم
وكأن قلبه معايا اتظلم
استنيت رده لثوانى عدت عليا سنين
ياترى حاسس بحالى وباين عليا الحنين
بسألك مجروح سؤالى قولى الاقى الاجابة فين
رد عليا بعد صمت
عرفنى انى اتهزمت
واعتذرلى عن كل يوم فيه بسببه اتألمت
طلب منى نكون اصحاب
ويعوضنى عن كل الغياب
ونشيل عن بعض هم الدنيا والعذاب
بصيت فى عينيه وابتسمت
ماحسش انى من كلامه اتصدمت
ولا خد باله انى من سكوته اتعذبت واتألمت
اتعلم يا قلبى منه وسيبه
ده اللى يبيع فى يوم حبيبه
عمره ما هيلقى تانى حبيب
هى جراحك كام يوم وتعدى
ما كله بياخد وقته ويعدى
وقبل ما تتباع يا قلبى بيع
http://dl4.glitter-graphics.net/pub/...boe5wkvsrr.gif
