ماتلومش نفسك عليا
وانسى الجرح اللى فيا
ده جرح الدنيا اكبر من جرحك ليا
ماتلومش نفسك عشانى
وانسى اللى كان وانسانى
بكرة الزمن هينسينى ويقوى قلبى عليك
ما تلومش نفسك على قلبى
ده انا بادارى دمعتى واخبى
وابعد عيونك عنى
علشان ماتشوفش انى انتهيت
ماتلومش نفسك ع الجراح
ايه هيرجع اللى راح
كده كل واحد فينا ارتاح
وبعدنا هو النصيب
ماتلومش نفسك ده قدر
قلبى داب فى قلب حجر
عشقته وحنيت عليه
وفى لحظة لقيت قلبى اتهجر
ما تلومش نفسك ده مكتوب
مين فينا اختار يعشق ويدوب
ولا يكون هواه اسير لقلوب
حظ قلبى انه عشق قلب هوايته تجريح القلوب
ماتلومش نفسك على حاجة
بصراحة ماهياش محتاجة
قضينا وقت وعشنا حب ماكنش كدب
ودلوقتى راحت مننا كل حاجة
