مهما تعمل مش بتستريح تمشي في الدنيا فرحان وتلاقي نفسك زعلت تاني واتالمت
خلينا نشوف
بتحب منطقيا كده اكيد فيه زواج بس بقى تلاقي المشاكل والكلاكيع والعقد ماليه الدنيا سواء من كلا الطرفين او احدهما وفي الاخر الحكايه تتفشكل ويكون فيه فراق في الاغلب يعني هتحب يبقى صعب اوي لما يكون فيه زواج عايز تتجوز يبقى هيكون كده عادي من غير حب ولا اي حاجه من ده
وفي الاخر تتعقد في حياتك
هتحب اعرف ان فيه الم وفيه استنزاف للمشاعر والاحاسيس وهكذا تطلع من تجربه لتجربه تانيه لغايه ما ييجي يوم وتلاقي مشاعرك كلها طاااااارت ويبقى زيك زي الدولاب ولا الكورسي
نيجي برضه عندك واحد صحبك بتحبه اوووي وكل حياتك معاه وتعتبره زي اخوك بس ييجي الزمن بقى وتبعدوا عن بعض واحد منكوا بقى يفطس انتوا الاتنين تفطسوا بعد الشر يعني او ان كل واحد يروح في طريقه ويشوف مستقبله بقى وفي الاخر يعني هتبعدوا عن بعض وتبقى اللي بينكوا ذكريااااااات
انت واخواتك مثلا هتكبروا وكل واحد يتجوز ويبقى ليه اسره تانيه والدنيا مشاغل بقى مش هتشوفوا بعض ولا تتجمعوا غير كل كم شهر ولا بالصدفه حتى
والاهل هم اللي بيجمعوا الاخوا ولو الاهل راحوا الدنيا هتسرقكوا وكل واحد هينشغل وينسى اخوه وتبقى طفولتكوا وكلامكوا مع بعض ذكرياااااااات
والدك عايز يامنلك مستقبلك ويعيشك عيشه حلوه انت واخواتك وطبعا مش هينفع يحقق ده في البلد دي الا لو باع ضميره يسافر بقى هو ويتغرب في بلد مش عارف فيها حد يعرفه وفي بلد اللي من نفس الارض بيبيعوا بعض وبيدوسوا على بعض عشان مصالحهم هم وبس ولو تعب مش هيلاقي حد يخدمه غير نفسه وبعد ده كله وبعد ما صحته تروح يا ريت بس تكون انت بقيت الانسان اللي هو اتمنى انك تكونه وترفع راسه مش تضيع وتخسر ويا ريت بس مفيش حاجه تحصل وتضيع شقى السنين ده كله
الناس بقى دوووووول مش بيبطلوا كلام مهما تعمل مش هترضي الناس ولو انت مش اهتميت براي الناس ولا بكلامهم اهلك هيهتموا ومش عارفه ليه يعني زي ما يكون الناس دول هم اللي هيحاسبونا على افعالنا ولا هم اللي بياكلونا ولا يشربونا وتلاقي اصلا كل واحد فيهم عنده مصايب قد كده ورغم ده فاضي انه يتكلم ويدي وياخد في سيرتك وسيره اهلك سبحان الله
ولا بقى كله كوووووووم ولما تكبر البنت كوووووم تاني خاااااالص
كده عيب وكده غلط مش تعملي كده واعملي كده مش تردي كده مش تتكلمي كده ولسته بقى ايه يا عالم فيه ايه ما انا طول عمري كده كلامي كده تصرفاتي كده واخلاقي كده ومش بعمل حاجه غلط مال الناس بقى لا تقولي ايه بتدني في مالطه ههههههههههه
تيجي وانتي ماشيه تتكعبلي في شخص يفهمك ويعرفك تكمل الحكايه بقى لااااا ابداا يطلع فاهمك من وجهه نظره هو ومش مهتم انتي بتقولي ايه ولا عايزه ايه
هتحبي اعرفي ان في الاغلب مش هينتهي بزواج وهينتهي بالم وجرح ودموووووع تملا بحر
مش هتحب برضه هتحس ان فيه حاجه نقصاك وهتتحرم من لذه الحب بمشاعره واحاسيسه
يعني كده ولا كده مش هتستريح يعني مش هتستريح ههههههههههه
هتحب ناس وخلاص مش هتسيبهم وتعمل يعني ما اقولكش هتقيدلهم صوابعك العشره شمع وهم كمان حبوك بس لو بعدت عنهم مش هيبكوا عليك هتبقى ذكريااات يعني انت في حياتهم مجرد مرحله ودي سنة الحياة
قال سنة الحياة قال مع احترامي مش عاجباني بقى
اهلك نفسهم في يوم هيروحوا منك وده قدر ومكتوب
واعرف من الاول كده الحياة دي امتحان ليك يعني الم وتعلم والشاطر يطلع منها كسبان اللي هيتحاسب بيه
ومع كده بعد الوجع والدموع والهم ده كله في الاخر بيحصل حاجه تفرحك
ربك رحيييييييييييييم يا ابن ادم
سلاااام :)
