صباح الخير يا جارى ..........
طبعا الموضوع باين من عنوانه هنتكلم عن الجيران
فاكرين جيران زمان كانوا عاملين ازاى ؟؟؟
يعنى كانوا بيعاملوا بعض ازاى؟؟؟
:)كانت البيوت عدد أدوارها مش كتير يعنى آخرهم كام ؟خمسة ؟ و الدور يادوب شقة أو شقتين
:):)كانوا كلهم عارفين بعض ، ما فيش مناسبة عند حد منهم الا و تلاقى الباقيين مشاركينه ، فى النجاح و الزواج و السبوع و حتى فى المشاكل كانوا يستشيروا بعض و مفيش حاجة اسمها حد يفتن على التانى و يطلع سره...
:):):)غير ما كان الأطفال يتجمعوا على السلم و هاتك يا لعب
:):):):)و غير كده كتيييييييييييييير م الآخر نقدر نقول انهم كانوا أهل بمعنى الكلمة .
:-/تمام ؟؟؟؟؟؟؟ تمام ـــ طب و دلوقتى ؟؟؟
أكيد معظمكوا شايف الفرق : العمارات أدوااااااااار كتيرة ، جيرانى فى نفس الدور مش بشوفهم غير كل فين و فين ، و كلنا متبعين المثل اللى بيقول : صباح الخير يا جارى انت فى حالك و انا فى حالى
:( شايفين الزمن اختلف ازاى ؟؟
:(:( و الناس كمان طباعهم اتغيرت حتى لما يقابلوا بعض بيبقى كلام طيارى أصل كل واحد عنده اللى مكفيه و ماحدش عنده طول بال يحكى و التانى ماعندوش وقت يسمع .
;);;) المجال مفتوح أمامكم تفتكروا حاجة من جيرة زمان و تحكوا عنها أنا مش هسأل خالص
>:D<يلا اتفضلوا .. و آسفة لو كنت طولت عليكم
http://www.masrawycafe.net/upload/up...ef3fd0d0ff.gif
