السلام عليكم ورحمة الله وبركاته
انا بصراحة عندى سؤال وعايزة اجابة منكم
لو انت ماشى فى طريق
ومستنى ناس يجولك
وفجأه لقتهم جايين عليك وبيعدوا الشارع
الشخص الاول هو حبيبتك او حبيبتك
والشخص التانى هو صديقك او صديقتك
وهو بيعدوا ختبطهم عربية
وانت بايدك تنقذ واحد بس
هتختار ايه ؟؟؟؟؟؟!!!!!!
هل تختار الحب ؟؟!!
ام راح تختار الصداقة ؟؟!!
يا ريت المشاركة بالموضوع
لانى فكرت فيه كتيروموصلتش لحل
لانى حاسة ان الاتنين مهمين بحياتنا
يا ريت الجواب
انا طبعا عن نفسى اختار صحبتى وهى بنسبالى روحى وحبى وكل حياتى
ميرسى على الموضع الرائع انا مش عارفة اختار مين
تقبلى مرورى
سؤال فعلا محير
وبجد مش عارفه أختار
هي فعلا حاجه تحير...وانك تختاري حد منهم صعب لان الاتنين عندك مهمين وبتحبيهم...
انا كمان بحب صاحبتي اوي اوي...بس بصراحه لو في ايدي انقذ حد فيهم هيبقى(حبيبي)..لاني بقول لو صاحبتي ضاعت مني اه هزعل جدا وفوق ما تتخيلي بس ممكن الاقي اصحاب تانين مع ان الصداقه اللي بجد مش مممكن تلاقي منها مرتين....لكن حبيبي لو ضاع مني بتهيألي انا كمان هبقى ضعت..ومش ممكن اعرف اعوضه تاني مهما حصل.
ده رأيي وميرسي اوي على موضوعك....وتقبلي مروري:)
الصراحة أنا مش عارفة وقتها أنا ممكن أعمل أية
سؤال صعب ومحير بس أنا مقدرش أختار
تـ س ـلمى
هوا مستحيل اختار طبعا
لأن الاتنين اغلي عندي من نفسي
لو ينفع اعطي لواحد منهم روحي واموت انا دي هتبقي سهله جدا
انما اختار واحد فيهم والتاني يروح لا صعبه اوي
**
سؤال صعب اوى
وبجد مش لقية اجابة علية
اصلى الاتنين مهمين لان مش سهل تلاقى صديقة
وبردو مش من السهل تلاقى الحبيب :(
مش ينفع اختار حد والتانى
لا لان الاتنين مهمين عندى جدا
ومش هينفع انقذ حد والتانى اسيبه لا
موضوع مهم بس الاختيار صعب
تقبلى تحياتى ومرورى
جينـــــــــــــــــــــا
ميرسى يا جماعة على مشاركتكوا فى الموضوع بجد
وبجد انا استفادت منها كتير