مشكلة ......ارجوكم محتاجة مساعدة

السلام عليكم
صاحبتي العزيزة اوي عندها مشكلة ومش عارفة تتصرف ازاي ومحتاجة مساعدة بجد وحاسة ان انتو ممكن تساعدوها
من حوالي سنة كانت معجبة بابن خالتها وحاسة انه انسان كويس......وبعدين في الفترة اللي بعدها بقو اصحاب شوية
وابتدى يلمحلها انه بيحبها وهي لمحتله انها موافقة بس مش هترضى باي كلام ولا اي حاجة من غير مايكون اهلها عارفين وموافقين
لكن مكنش الوقت مناسب انهم يتكلمو في الموضوع فقرروا التاجيل للصيف
في الفترة دي عرفت انه بيحبها جدا جدا وهي كمان حبته اوي وكانت بتموت من القلق عليه من ابسط حاجة
جت اجازة الصيف وكان ناوي يخلي مامته اللي هي خالتها تكلم ماماتها وتقولها
بس اهلها عرفو قبل ماده يحصل
وقعدو معاها وقالولها ان مينفعش ومش هو ده اللي نتمناه ليكي ولازم تقطعو كل حاجة
واكبر سبب لكل ده ان فرق السن بينهم صغير هو اكبر منها بشهر واحد وكمان لسه قدامه 3 سنين في الكليه
مع العلم انه اخلاق ومتدين ومستوى التعليمي مناسب جدا ليها........هي معرفتش كمان ترد عليهم ساعة ما قاولها الكلام ده=((
وبعد كلامهم ده هي مش عارفة تتمسك بيه ولا تستسلم لكلامهم ده مع العلم انها حاسة انها مش بقت تقلق اوي عليه او تشتاقله زي الاول
هي عايزة تعرف ايه التغير اللي حصلها ده بعد كلامهم معاها
هي بتحبه بجد والمفروض تتمسك بيه؟
ولا مش بتحبه بجد والمفروض انها تنسى؟
ولا تتمسك بيه لانه بيحبها اوييييييييييييييييييييييي ي
ساعدوعا بليز يا جماعة

:)طالما لسه 3 سنين على ما يخلص دراسته يبقى بسيطة ممكن تستناه
;) و تعتبر دى فترة اختبار لمشاعرها نحيته (مشاعرها اللى فعلا اتأثرت بكلام أهلها ) تبقى مش بتحبه بجد
L-)L-)L-)هى حبت القصة و التجربة لما هو صرحلها بكده
;;);;);;)يعنى لو ماكنش قالها بحبك ولا كانت دورت عليه :-P
L-)احنا لسه بدرى قوليلها تعقل و تتقل و تعيش حياتها من غير ما تجيب لنفسها مشاكل

>:D<يا رب رأيى يفيدك و يفيدها و يعجبكوا>:D<

نسيت اقولكم كمان انهم مش عايزين الموضوع ده عشان شايفين ان الحب ده كلام فارغ ومفيش حاجة اسمها قصص حب وكلها بتبقى فاشلة في الاخر حتى بعد الجواز

ميرسي اوي يا قمر على كلامك بس هي كانت حاسة انها بتحبه بجد مكانش يعدي يوم من غير ما تسمع عنه حاجة او يبعتلها حاجة كانت مبتعرفش تكمل يومها وهي كمان بتفكر فيه من قبل ما تعرف حاجة

أولا ميرسي جدا لاهتمامك لمشكله صاحبتك وأنا عندي أقتراح بسيط لو فعلا الشخص دا بيحب صحبتك ومتمسك بيها هاكيد هيعمل المستحيل علشانها هتقولي المشكله في رفض أهل صاحبتي هقولك يا ستي بسيطه هي ممكن توسط شخص محبوب من الاسرة وممكن يتكلم مع أهل صاحبتك ويحاول يقنعهم وربنا يقدم اللي فيه الخير ويا رب دايما أيامك أنتي وصحبتك تبقي كلها حب وفرح وسعادة _وشكرا ليكي

ميرسي اوي ربنا يخليك اقتراحك حلو..........بس هو ممكن يكون فيه امل انهم يغيرو رأيهم ولا الكلمة اتقالت وخلاص مش هتغيير؟

أنشاء الله هايكون في أمل بس ياريت الشخص اللي يتوسط في الموضوع دا يكون قريب من الاسرة ويكونو بيثقو فيه وعايز أقولك علي حاجه ان حتي لو لم يريد ربنا بالخير يبقي أحنا عملنا اللي المفروض نعمله وضميرنا يبقي مستريح ومش نقول كان المفروض عملنا وعملنا ونزعل نفسنا لازم كل واحد يكون عندة أمل في ربنا وفي الحياة وفي النهايه كل شئ قسمه ونصيب والواحد يعمل اللي عليه ويترك الباقي لربنا _واسف لو طولت عليكي وشكرا ليكي