الفرافير او بمعنى اصح الصراصير
الشباب الفرافير ومحدش يزعل برضه
الفرفور من دول اول ما تشوفه تحس انك عايز تولع فيه ليه بقي شوف ياسيدى وياستى
اولا الشكل
نبدا بالشعر تلاقيه عامل شعره موظمبليط وحاطط راسه فى طاسة زيت عند واحد بيقلي طعمية
تشوف حواجبه راسمها زى البنانيت القمرات
ولا السكسوكة بقي مقولكش عامل سكسوكة زى خط القلم الرصاص تحس انها وساخة مش شعر
ننزل شوية على القميص
تلاقى بقي يامعلم الشاب ده فاتح القميص من دول تقولش الواد هيموت لو مفتحش القميص هميوت من الحر يارب يموت ونخلص
ولاالسبحة اللى لابسها عامل زى المعتوه
شوية بقي تحت تلاقى الحاج لابس بنطلون مقطع زى بتوع المحارة
ولا اللامؤاخذة الشوز بيلبس اميجو بينور عشان يمشي يلعلط زى الرقاصة
ولا التصرفات اللى تفقع بقي تلاقى الكتكوت من دول ماشي مع حتة مزة ينهار اسود وتلاقيه ماسك صوابعها عمال يلعب فيها والواد ايه بسكوتة رقيق اوى وقمر
وانا واقف هاطق من المنظر وقربت اتشل من الفرافير او بمعنى اصح الصراصير
