الأحتفاليه الأولي بمركز اورام المنصورة

السلام عليكم ورحمة الله وبركاته

للخير اوجه عديده ابسطها ان تتمكن من رسم ابتسامه علي وجه طفل

فمابالك ان كان هذا الطفل مريض ومابالك ان كان هذا المرض هو السرطان!!

اليوم ان شاء الله حيبقي فيه احتفاليه بمركز اورام المنصوره

تم تنظيمها من اجل ادخال السعادة لقلوب هؤلاء الأطفال

الحفلة ان شاء الله حتبدأ الساعه 2 ظهرا اليوم
وستنتهي الساعه 10 مساءا

وسيتضمن الحفل حضور شخصيات هامة لبّت نداء
وانا كمان عايز اعمل خير

فبداية بضيوف الحفل فهم عدد من نجوم الفن من بينهم الفنان:"محمد رياض"اكيد كلنا عارفينه وفاكرين مسلسل "الضوء الشارد"
اما عن نجوم الرياضة فحدث ولا حرج ياتى على رأس القائمة قدامى اللاعبين من ابناء المنصورة من بينهم النجم ياسر ريان والنجم وليد صلاح عبد اللطيف وياتى على القائمة ايضا احد اشهر محررى الرياضة ف مصر وجريدة"المصرى اليوم"الناقد الكبير د/ياسرايوب والضيف الدائم لبرنامج الكورة مع شوبير وقد تكون مفاجاة الحفل هى حضور ايوب الكرة المصرية النجم المتالق والاعلامى الرائع "احمد شوبير"
وطبعا ياتى ع راس كل هؤلاء القوى السياسية ف المنصورة وع راسهم المحافظ/ سمير سلام وعدد من اعضاء الحزب الوطنى والمجلس المحلى

اما الفقرات فبجد بروجرام روعة
هيبدا بــ دى جى وتتوالى العروض فيه عرض عرايس وكمان الاراجوز المحبب جدا للأطفال والبلياتشو والساحر وكمان هتكون معانا فرقة مصر الثقافة
وفيه كمان رسم ع الوشوش وفيشار وغزل البنات

العنوان
مستشفي الأورام بالمنصوره شارع جيهان

انا بعتذر طبعا اني حطيت الموضوع متأخر
بس ياريت اللي يقدر يشارك ويستطيع الحضور

وجزاكم الله خيرا