شعر بالعامية المصرية ارجو قرائتها بتركيز
بقالى كتير فى الكلية * * * لحد ما خلاص اتجننت
ولسالى فيها بقية * * * منا خلاص فيها عفنت
بس المشكلة بقة نفسية * * * ان انا لسة مكلمتش بنت
وكل ما اشوف واحدة ابلم * * * والقي نفسي كدة تنحت
وبعد تردد .. رحت اكلم * * * ووقفت وقلت لل..لو سمحت
شفتنى ببرطم واهرتل * * * بصتلي كدة من فوق لتحت
وفضلت كالعادة اتندم * * * ورجعت اقول يارتنى ما روحت
***
وصعبت على اصحابى اوى * * * ونصحونى اعمل " لوك " جديد
وانا فية اية بس يا ترى * * * بيخلى البنات تبعد لبعيد
قلت خلاص استحمى يا ولا * * * ومش ضرورى حماية العيد
دعكت جسمى بالصنفرة * * * وقصيت ضوفرى بمقص حديد
ووقفت شعرى بالمسطرة * * * والجل خلاة جامد وشديد
ولبست بنطلون " درتى " * * * وفوقية فانلة " ريل مدريد "
والنتيجة كانت مثمرة * * * لقيتها جية من بعيد
حتة بت زى السكر * * * وبتشاور لي . . . دا يوم العيد!!
وسعتها حسيت انى " كروز" * * * وفتحت حضنى بوسع الايد
لقيتها بتسلم علي ورايا * * * ولقتنى انا فى حضن العميد .....
شيخ البلد 2004
