دايما كده متهزقين فى كل انحاء الدنيا
ديما كدا متهزأين فى كل انحاء الدنيا
من أول مبفتح الدش لحد ما أتخنق وأقفل النت كل اللى يسوى واللى مايسواش عمال
يجيب فى سيره مصر
بصرف النظر عن صحه كلامهم من عدمه لكن اشمعنا مصر .....اشمعنااااااااااااااااا مصر
إحنا دوله كبيره ومؤثره والكل مستنى مننا كتير..........جميل مفيش مشكله
إحنا الدوله الوحيده اللى الناس من كل حته فى العالم بتيجى تزورها وشعبها طهقان من
امها هومبيصدق ان طفش فبيحلف انه مش راجع تانى للغلب اللى كان شايفه فيها..... عادى بردو
إحنا أكتر شعب سلبى فى الدنيا ومايهمنا غير لقمه العيش حتى لو من غير كرامه.......طبيعى
كل الناس بتدافع عن أهل بلدها وعشيرتها وإحنا عمالين ناكل فى بعض وفين فى
الغربه.......ظروف وهتعدى
علشان فى بلدنا الحرامى راكب ومدلدل رجليه ولا حد بيكلمه.........
ولا علشان الشريف اللى فينا اتبناله شقه فى أبو زعبل ولا طره .....
يمكن علشان البنات اللى بتستعرض نفسها فى الشوارع ولا همها أخلاق ولا دين " طبعا مش كلهم "
لا دا ممكن علشان الولاد اللى معادوش بيفرقوا بين المحترمه واللى مش محترمه
وعمالين تحرش فى تحرش كأنه دوا قبل الفطار وبعد العشا
ولا يمكن علشان كل اللى هب ودب عمال بيفتى فى كل حاجه وهوا مش فاهم أى حاجه
وأتحدى أن أى مصرى يتسال سؤال يقول معرفش !!
لا أنا عرفت علشان ياجماعه بقا الرفق بالحيوان فرض والرفق بالانسان صدقه أو سنه ممكن نعملها أو نسيبها
بقا دى بالزمه مبررات كافيه أن حد يهاجم مصر على طول وعلى عرض
الناس اللى بيهاجمو مصر دول منافقييييييييييييييييين بقا بعد الكلام ده حد يقدر يهاجم مصر شعبا وحكومه
