دخن عفر ماهى مش خالصه
اصل التبغ ده شغل ابالسه
خد نفسين واكتمهم جوه
تصبح عال وتزيدك قوه
ايه ياشباب وضميركم فين
ليه للمولى تكونوا عاصيين
ادى صحتكم راحت فين
خابت ضاعت م التدخين
فين احلامكوا ومستقبلكوا
كل ده راح من يوم اهمالكوا
عايزين ايدكوا ف ايدنا تشاركوا
علشان تبقوا سند لولادكوا
طالع سلم نفسك يقطع
تجرى شويه تقول تعبان
طب ماالصحه ف ايدك يابنى
اصحى وسيبك م الدخان
صحى عزيمتك واوعى لنفسك
واهرب ديما م الفسدان
ماتسلمش لغيرك دقنك
واصحى وسيبك م التوهان
اوعى تعود لتصيبك نكسه
والأمراض تعمللك كارثه
خدها نصيحه ده برك مرسى
احسن تصبح فيها غرقان
