بسم الله الرحمن الرحيم
فى البداية احب اكرر اللى بقوله فى كل موضوع اننا بنحب مصر جدا بس لازم نظهر العيوب عشان نصلح من نفسنا
نبتدى على بركة الله
انا بسال سؤال وكل واحد يرد مع نفسه ويشوف كلامى صح ولا غلط
السؤال ليه لما حد يسالك سؤال بتحاول تعمل اى اجابة حتى لومش عارف؟
ليه الشعب المصري بيحب يفتى فى كل حاجة حتى لو ميعرفش عنها حاجة؟؟؟؟؟
ليه بنكره دايما كلمه معرفش؟؟؟؟؟؟؟؟؟؟؟
سؤال محيرنى مش لاقيله اجابه
ليه كل واحد عامل نفسه ابو العريف وانه عبقري زمانه ومفيش منه اتنين
مع انه لو اتكلم كلمتين على بعض يتهته
بجد انا الاجابة لما تكون معرفش بتريح كتير
اكتر لما تقول اجابه وتطلع غلط فى الاخر
يعنى ابقي ماشى فى حتة مثلا واسال واحد متعرفش المحل كذا
يقولى ده فى الشارع الجاى تمشي علطول وبعدين تحود شمال وبعدين ترجع تانى وتاخد الشارع اللى جيت منه وترجع هنا مكانك كده وتسال اى حد معدى عنه
بذمتكوا مش حاجة تحرق الدم
ياريت اشوف ردودكم على الموضوع ده
