انا و مصراوى و هواك "الحلقة الاولى"
حبيت اجيب فكرة جديده هنا فى قسم كلام فى الحب
ففكرت اعمل موضوعات عبارة عن حلقات نتكلم فيها مع بعض عن الحب ومشاكله
والمفاهيم المختلفه من وجه نظر كل شخص فينا
وبتمنى ان يكون فى تفاعل بينا
http://www.cairoz.com/vb/images/smilies/y178.gifhttp://www.cairoz.com/vb/images/smilies/y178.gifhttp://www.cairoz.com/vb/images/smilies/y178.gif
اهلا بكم فى الحلقه الأولى من برنامج أنا ومصراوى و هواك على موجه اذاعة مصراوى اف ام
http://www.cairoz.com/vb/images/smilies/y178.gifhttp://www.cairoz.com/vb/images/smilies/y178.gifhttp://www.cairoz.com/vb/images/smilies/y178.gif
هنا من قسم الحب..بكل الحب أتجمعنا على حب مكان واحد هو مصراوى كافيه
بكل تلقائية و عفوية
اصبح بينا صداقة و اخوة و حب
http://www.cairoz.com/vb/images/smilies/y178.gifhttp://www.cairoz.com/vb/images/smilies/y178.gifhttp://www.cairoz.com/vb/images/smilies/y178.gif
ويارب الحلقه النهارده تنول أعجابكم وتقولو رأيكم بكل صراحه
النهارده هنتكلم عن موضوع مهم حساس جدا وبيمس ناس كتير أوى
هنتكلم فيه بكل صراحه نحاول نعرف أيه أسبابه و حلوله
ويارب نوصل لحل
http://www.z00m-n.com/up/uploads/034f00a3b4.jpg
شايف الصورة اللي قدامك؟
جمله قريناها كتير فى الكتب
بس المره دى ليها مذاق خاص مذاق مر ومؤلم
أظن دلوقتى عرفتو هتكلم عن أيه عن أسوء شىء ممكن يحدث فى الدنيا
http://www.cairoz.com/vb/images/stat.../wol_error.gifالصورة تم تصغيرها تلقائيا. انقر على هذا الشريط لعرض الصورة بحجمها الأصلي. ابعاد الصورة الأصلية هي 560×420 وحجمها 66 كيلوبايت.http://farm3.static.flickr.com/2400/...30b74cac_o.jpg
الخيـــــــــــــــــــــ ــــــــــــــــــــانـــ ـــــــــــــــــــــــــ ــــــــــــه
أول ما بنسمع الكلمه دى بنحس بغضب بعدم ارتياح
بندور فى الذكريات وبنفتكر جروحنا اللى بسبب الخيانه
يمكن الصوره بتمثل نوع من انواع الخيانه .. شىء صعب أوى لما تبقى فى حضن حبيبتك
وجنب صاحبك وهما الاتنين بيخونك هى الصوره معبره عن الفكره
قصدى فى حضنك يعنى معاك ومن ورا ضهرك بيطعنوك فى قلبك وبيخونوك
وانتى كمان شىء صعب أوى لما تكونى بتحبى واحد أوىى ومقتنعه أنه هو كمان بيحبك وبيخلصلك فى حبك
وليكى صديقه أنتيم مفكره برضه انها صديقه مخلصه وفى الأخر تكتشفى الحقيقه وتعرفى أنهم بيطعنوكى فى قلبك
ممكن أقول السبب فى النوع ده من الخيانه الثقه الزائده عن الحد فى أصحابكم
بمعنى أنك تدخلى صاحبتك فى حياتك ما بينك ومابين حبيبك
تقعدى تحكيلها وتقوليلها ده قالى كذا تحكيلها عن مشاكلكوا عن الثغرات اللى مابينكم
تخليها تكلمه وتتحاكى معاه
وأنت كمان نفس الحكايه صحبك وحبيبك حشروا فى كل حاجه ما بينكم
وبرضه بتقعد تحكيله عنها وتعلق قلبه بيها ويحبها
زى أغنيه هشام عباس عمال يحكيلى عنها
بس هشام عباس أنهى الأغنيه بشكل جميل قال مش ممكن تبقى ليا انا صاحبى برضه غالى
ده طلع عنده أصل بس فى ناس تانيه عندها انها ترضى قلبها على حساب تعاسه قلب تاني
و فى كمان مقوله قريتها وأنا بحضر الحلقه وكنت لازم أدخلها لأنها جايبه من الأخر
القلب كالزهره والوفاء كقطرات الندى والخيانه كالحذاء البغيض الذى يدوس على الزهره فيسحقها
قلبك زى الورده اللى بتحتاج حاجات كتير أوى علشان تكبر وتنمو زى الماء والهواء والشمس
وقلبك محتاج حاجات علشان الحب اللى فيه يكبر صدق ووفاء وأخلاص
والوفاء قطرات الندى اللى بتنزل على الورده وشكلها بيبقى جميل
وفى نفس الوقت بتغذى الورده وبتجعل لها رونق
بس ساعه لما يدوس الحذاء على الورده هل الورده لما بيداس عليها وبتتهرس تحت رجلك بتعيش ؟؟؟؟؟؟؟
طبعا لأ بتموت ومش بترجع تانى زى اول ما بتتخان الحب بيموت و أستحاله يرجع تانى
http://www.geocities.com/heart_beat88/khyana2.jpg
الخيانه أسوء شىء ممكن حدوثه فى علاقه حب شئ فظيع أزاى تقول لواحده أنك بتحبها ومش قادر تستغنى عنها
وفى نفس الوقت بتقول لواحده تانيه نفس الكلام يمكن البنت مش بتقدر تخون زى الولد
بس الخيانه من الولد اكتر بكتير
اللى بيخون بقه ده عايزه أقوله ان مش هى اللى خسرانه بالعكس انت اكتر واحد بيصاب بالضرر من الخيانه
الخيانه مش بتيجى لوحدها كده فى صفات تانيه سيئه بتخليها تكتمل زى الكذب والغيره والأنانيه
وفقدان أحترام الذات بس انا مؤمنه أن زى ما فى قلوب خاينه فى قلوب وفيه بس نادره اوى
فى مقوله برضه قريتها بتقولك أيه
الوفاء عمله نادره والقلوب هى المصارف وقليله المصارف التى تتعامل مع هذه العمله النادره
أنا عايزه أسمع منكم انتم من كل ولد ومن كل بنت ايه سبب الخيانه وأيه حلها وأتخنت قبل كده ولا لأ
عايزة المشاركات و الردود القادمه تبقا قصص من الخيانه
قصصنا الواقعية و قد ايه أثرت على كل واحد فينا
فى أنتظار مشاركتكم
بكل معاني الحب السامية
بستنى تفاعلكم في اول حلقة من برنامج
انا ومصراوى وهواك
