يا ترى انت شايف هيفاء وهبي ازاي ؟؟ في السنيما ولا الكليبات ؟؟ ...
هالو عليكو
موضوعي انهارده عن النجمه هيفاء وهبي اللي اول ماطلعت اثارت ضجه كبيره وخصوصا في كليباتها لانها تحتوي على بعض المشاهد اللي مش ظريفه يا جماعه ،، حتى يوم ما عملت اغنية اطفال قالت فيها بوس الواوا واللي علقت كتير مع الشباب اكتر ماعلقت مع الاطفال يجماعه هيفاء وهبي لما طلعت وغنت وسمعناها وسكتنا ومكفهاش قالت اعمل كليبات واتفرجنا والشباب حبوها والبنات بقت بتقلدها وي وي وي ..... مكفهاش
قالت اعمل فيلم ،، طبعا مع المخرج : خالد يوسف ،، وطبعا انتو عارفين لما يتكتب على فيلم
""فيلم ل خالد يوسف ""
بتكون علامه مميزه للجراءه ف الافلام ...
المهم :
عملت هيفاء وهبي الفيلم وكالعاده ايها الساده الفيلم اول اسبوع وتاني اسبوع جاب ايرادات عاليه جدا ،، وف الآخر قعدو يسمعو مزيكا مجبش همو ،
سؤالي دلوقتي ..............
انتو شايفين ان هيفاء وهبي تنفع ممثله ؟؟ !
ونجمة شباك ؟!
للأسف يا جماعه انا كنت بقول ان المزيكا راح زمنها ومكانها ... وراح طعمها ...
دلوقتي بقول : ان مش المزيكا بس ،، ده كمان فن السينما اللي عاش 100 سنه في مجد وشهره ورفعه .....
دلوقتي ضاع منو احلى ما فيه ...
.................................................. ......
ياجماعه انا موضوعي مش مجرد موضوع تقرأوه وتقولو ميرسي وتقولو الله حلو توبيك هايل
انا عاوزه موضوعي انتو تشاركو فيه جايز في حاجه انا مش شايفاها حد منكم يوضحهالي ..
وجايز حد منكو ينفعني ب النصيحه ..
ويمكن برضو حد يستفيد مني حاجه .....
اتمنى ان كلامي يعجبكم .....
