مع السلامة ( أستودعكم الله )
صباح / مساء سعيد على الجميع إن شاء الله
على ما قد مانا فرحانة على قد مانا حزينة ومضايقة
لأن هبعد عن ناس عمري ماتخيلت إن ممكن انتمي ليهم بالشكل ده
وخاصة ان الكل هنا اخوة ومتحابين في الله
أنا خلاص مسافرة ان شاء الله كمان يومين وحبيت اكتب قبلها عشان أودعكم
أودعكم وقلبي مضايق على فراقكم ويعلم الله إني اتعلمت هنا كل حاجة
كانت ضايعة مني زي الصحبة الكويسة والمحبة اللي في الله
وقبل كل دول الصدق والأمانة والإخلاص من كل الناس
أنا مش عاوزة انهي كتابتي لان حاسة اني بكلمكم وانتو قدامي يعز عليا فراقكم والله
وهقول رسالة لكل إنسان اعتبرته أخ ليا
علي مدكور : لو قولتلك كل كلمات الشكر مش هتوفيك
أشكرك على مصراوي كافيه البيت التاني فعلا لينا
وأشكرك على تقديرك ليا وتميزي ده بكل الناس اللي حبتها وحبوني هنا
ماما منى : القلب الحنون الحضن الدافئ اللي بيحتوينا بكل مافينا
بشكرك يا أغلى أم وانسانة عرفها قلبي هشتاق ليكي جدا وربنا يعلم
شيري العسولة : ياأغلى أخت عرفتها ربنا يارب يتمملك على خير وسعادة
انا بحبك جدا واعتبرتك اختي لاني وحيدة وماليش اخوات بنات
ندى : يعيني عليا وانا بنطق اسمك ربنا يحميكي وانت زي شيري بالظبط والله ربنا يسعدك ويوفقك في حياتك يارب
محي : القلم الموهوب الملئ بالاحساس الصادق والمرهف يعلم الله معزتك عندي ازاي ربنا يحققلك كل أمانيك وترجع لبلدك بالسلامة ويسعدك مع من تحب يارب
ملك الاحساس : أشكرك يا أعز أخ على صداقتك الجميلة وأجازة سعيدة ليك يارب
الفتاة الصغيورة : طبعا مش محتاجة كلام اقولهولك انتي عارفة انا من غيرك عاملة ازاي هتوحشيني جدا انتي وحمود ويارب أشوفكم عندنا عن قريب ربنا يارب يحل أموركم
عاشق الرومانسية : أحمد يا عاشق بكل حرف ليك وكل معنى هفتقد احساسك الجميل يارب تسعد وتتوفق في حياتك ان شاء الله يا أعز صديق
احساس : ربنا يخليكي لينا وللكل بالروح الجميلة الطيبة والله هتوحشيني جدا
نهى : اسمي على اسمك يانور البدر هشتاقلك جدا والله وهشتاق لخفة دمك ربنا يسعدك
مودي : يا ملك الحب وملك الرومانسية وملك قلوب كتير اخترتك أخ عزيز ليا ربنا يوفقك يارب
سلامة : القيصر الكبير ربنا يديم عليك السعد والهنا مع خطيبتك وأنت الزوق كله
وهوبا ومتعب وايمري شووو وأسوو وأم اسراء ونونا ومروة ولؤي وكل قلب جميل مليان بحب من كل شئ
انا مش عاوزة انسى حد بس والله والله كل انسان عرفته هنا يعلم ربنا غالي عليا اد ايه
وانا كنت حاسة اني بجد وسط اهلي اللي دايما معايا في كل حاجة وبكل قلوبهم
انا خلاص هسافر ويمكن هبعد عنكم في النت لكن هيفضل قلبي مع كل انسان وكمان هبقى جنبكم في مصر بقى ان شاء الله بس للأسف كل الوداع ده لأن خلاص مش هدخل نت تاني ياريت تفتكروني بالخير وادعولي ربنا يتمملي على خير في حياتي اللي جاية
وأكيد هفتكركم أثناء السفر وهدعي لكل واحد فيكم بان ربنا يحقق أمانيه ويسعده ويوفقه في حياته واهم شئ انه ينول رضى الوالدين اللهم آمين
أختكم ومحبتكم في الله ( بحر الحنان )
