الاخطلات بين الجنسين في الثانوي او الجامعه

الموضع مش كلام الموضع شوية اسئلة نتناقش فيها .
1- هل لو انت ولد تقبل ان اختك يكون ليها زمابل ولاد ؟
2- هل لو انتي بنت تقدري تقولى لاخوكي او ولدك او ولدتك ان ليكي زمايل ويلاد ؟
3- زي تقبل على نفسك يكون ليك زمايل بنات في الكلية ومش ترد ده لاختك ؟
4- ازي لم اخوكي يعرف بنات بتقعدي تنصحيه وانتي ليكي زمايل ولاد في الكليه؟
5- ما هي حدود الزماله بين الولد وبنت لو في زماله اصلا ؟
6- ليه اولياء الامور والاخوات مش بيقبل ان يكون في زماله بين الجنسين رغم ان ده لو حصل قدمهم افضل من لو حصل من وراهم ؟

دي الاسؤاله اتمني المناقشه وانا حقول راى في النص في الاخر بس لم اسمع رائكوا

اقتباس:

---

المشاركة الأصلية كتبت بواسطة يوسف

الموضع مش كلام الموضع شوية اسئلة نتناقش فيها .

1- هل لو انت ولد تقبل ان اختك يكون ليها زمابل ولاد ؟
لا طبعا مش هقبل لا ده مينفعش ومخالف لدينا
2- هل لو انتي بنت تقدري تقولى لاخوكي او ولدك او ولدتك ان ليكي زمايل ويلاد ؟
انا هقول لو كان ليا عشان اعرفهم انى مش بخبى حاجه عنهم وتزداد ثقتهم فيا
3- زي تقبل على نفسك يكون ليك زمايل بنات في الكلية ومش ترد ده لاختك ؟
اسال الولاد مش انا السؤال ده مش ليا صح
4- ازي لم اخوكي يعرف بنات بتقعدي تنصحيه وانتي ليكي زمايل ولاد في الكليه؟
استحاله انصح اخويا بحاجه انا بعملها طبعا متمشيش مع بعضها لازم اكون مش بعمل الحاجه دى عشان يتقبل منى النصح
5- ما هي حدود الزماله بين الولد وبنت لو في زماله اصلا ؟
فيه مبدا بمشى عليه اللى اعوزه من ولد اخده من بنت يعنى حتى الزماله ممكن استغنى عنها اى ورق ممكن اجيبه من بنت حاجه عاوزه افهمها ممكن بنت تشرحهالى مش قصه يعنى
6- ليه اولياء الامور والاخوات مش بيقبل ان يكون في زماله بين الجنسين رغم ان ده لو حصل قدمهم افضل من لو حصل من وراهم ؟
عشان التربيه وتعاليم الدين بتفرض ده عليهم وعلينا دينا بيقول كده

دي الاسؤاله اتمني المناقشه وانا حقول راى في النص في الاخر بس لم اسمع رائكوا

---

ونحب نشوف رايك انت كمان يا يوسف

ردودك جميل مني ولكن واضح انك رفض مبدأ الزماله بين الولد وبنت في مرحلة الجامعه والثانوي .
طيب كل بنت في الدنيا بتقع في مشاكل او حجات كده بتحتاج فيها لود اخ وممكن اخوها يكون غبي ومش بيقعد يتكلم معها وعلماء النفس اثبت ان الاخطلات في مرحلة الجامعه والكليه مفيد جدا لو كان تحت رقابه .
منتظر التعليق .
ويرات الكل يشارك ونتاقش يمكن نوصل لحل لهذه المعدله بين رفض الدين وموافة المجتمع العلمي

موضوع حلو اوي
بسم الله مشاء الله

بس ايه هو اللي الاخطلات:D
معلش اصل علامي علي ادي

لا ولا يهمك حاجه يا جميل الاختلاط ببساطه هو انت تقعد انت وزميلك البنات على الكفتريه في الكليه وتكبر لمحضات بلا وجع دماغ يارجال .
يعني يكون ليك زمايل بنات في الكليه اقري الاسؤال وجاوب عليها ومش بقه عشان انا كده كرهتك خلاص .
مش تزعل يا جميل

موضوع جميل يا يــوسف .. قبل ما أدخل في موضوعك و أتكلم فيه
عايز الأول أفرق بين شوية مفاهيم للأسف بقت مشوهه عن الكتير
يعني فيه شباب بيقول زميلتي .. صديقتي .. صاحبتي

أولا هناك فرق بين الزميل و الصديق و الصاحب
الزميـل : هو الشخص اللي بيبقي معاك في الشغل أو الكلية
الصديق : هو ما تئتمنه علي أسرارك و هو ال Friend
الصاحب : بمعني أصح هو ال Boyfriend أو ال Girlfriend

تمام لحد كــدا .. انت موضوعك بيتكلم عن الزميل
و الزميل اللي بيتتكلم عنه ممكن تاخد منه قلم زيادة لو مش معاك
تسأله أو تسألها عن حاجة في المحاضرة أو المنهج
يعني بيكوت التعامل مقصور علي الدراسة مش أكتر

1- هل لو انت ولد تقبل ان اختك يكون ليها زمابل ولاد ؟
لو فعلا انا متأكد من أختي و واثق في تربيتها .. و بمفهوم الزميل دا يبقي ليه لأ

2- هل لو انتي بنت تقدري تقولى لاخوكي او ولدك او ولدتك ان ليكي زمايل ويلاد ؟
مليش دعوة بالسؤال ادا

3- زي تقبل على نفسك يكون ليك زمايل بنات في الكلية ومش ترد ده لاختك ؟
أنا وضحت النقطة دي .. و للزمالة لها حدود

4- ازي لم اخوكي يعرف بنات بتقعدي تنصحيه وانتي ليكي زمايل ولاد في الكليه؟
هو انت موضوعك للولاد و لا للبنات .. عشان انا كدا تهت خالص

5- ما هي حدود الزماله بين الولد وبنت لو في زماله اصلا ؟
لأ في فعلا زمالة .. بس للأسف ان الفكر مشوش لأقصي درجة في العلاقات بين الجنسين
يعني الغلبية العظمي من الولاد انهم التعامل يبقي مع البنت واحدة يمشي معاها يخطبها أو حتي يتجوزها
أما تبقي زميلة أو صديقة و بنية سليمة .. قلة جدا من يرون الفتاة بالشكل دا
و بالعكس صحيح بالمسبة للبنات و تقريبا نفس النسبة القليلة اللي بتشوف الولد
كصديق أو زميل و بنية سليمة

6- ليه اولياء الامور والاخوات مش بيقبل ان يكون في زماله بين الجنسين رغم ان ده لو حصل قدمهم افضل من لو حصل من وراهم ؟
مش عارف و الله بخصوص الموضوع دا .. بس اللي بأعرفه إن فيه أولياء أمور كدا
و فيه أولياء أمور بيبقوا عارفين الزميل أو الزميلة مادام فيه ثقة متبادلة بين الأهل و إبنهم أو بنتهم


و عشان ألخص الموضوع كله .. إن الموضوع مترسخ في التربية
لو التربية صحيحة و الشخص عرف الصح من الغلط و الحدود الحمراء
أعتقد إن دا كافي جدا

صحيح سراج بيحب يغلس شوية
و شكرا يوسف لموضوعك المفيد و أتمني إني أشوف ردود الاعضاء

الموضع يا زعيم للولاد والبنات لن القضيه تخص الطفين .
وعادي يعني سراج زي العسل .
وتحليلك حلو بس حتكون انت مطمن واختك مع زملها في الكليه او في كرس او كده .
وهل حتسعي انك تتعرف على زمايل اختك وتعرفها على زميلك ولا لاه ؟
الموضوعبرده صعب شويه في المجتمع الشرقي بس احني عوين نوصل لحاجه ترضي الدين والدنيا .
مع العلم ان في في صورت النساء قال تعالى (ولا تتخزن منهم اختان) اختان تعني اصدقاء

هو للأسف انا معنديش أخت بنت
بس أنا حأجوبك برضه

انت ايه اللي يقلقك أو يخوفك ان يكون فيه زميل ولاد مع اختك في الكلية أو الكورس ؟!

أنا حأتكلم بصيغة عن نفسي
بص يا سيدي .. الكلية عندنا مشتركة و طبعا دا واقع مفروضه عليا و علي أختي
و مقدر أعمل حاجة في الموضوع دا
و بالنسبة للكورس .. انا ممكن اخلي اختي تاخد كورس في مجموعة كلها بنات
لو مينفعش .. خلاص يبقي انا كدا مقدرش اعمل حاجة

بس هي تقدر تعمل حاجات كتيرة جدا .. بإحترامها و أخلاقها
و برضه كل دا أساسه التربية .. لو التربية سليمة يبقي خلاص مفيش خوف
طبعا فيه ارشاد من الاهل و الاخ حبتين بس مش لدرجة الخنقة

و انا لو واثق في تربية اختي و واثق في اخلاقها .. يبقي خلاص انا عايز ايه تاني
بس برضه احب اني اشوف زمايلها عشان اقدر اعرف نوع الزميل دا ايه
و لو لقيت حد من زميلها ( كدا أو كدا ) طبعا حأقولها تبعد عنه

و الاطمئنان كله يبجي من الثقة .. و الثقة بتيجي من التربية