قصيدة واحد اتنين الجيش العربى فين
للشاعر/محمد بهجت
واحد اتنين الجيش العربى فين
الجيش العربى فى مصر
ساكن فى مدينه نصر
بيصحى من النوم العصر
وبيفطر شاى ومنين
واحد انتين الجيش العربى فين
الجيش العربى فى سوريا
حالق على الموضه كابوريا
وعلى طريقة فكتوريا
خلى الترماي بدورين
واحد اتنين الجيش العربى فين
الجيش العربى الليبى
زى الفن التكعيبى
كل بتنجان يا حبيبى
وكأنه واخد عين
واحد اتنين الجيش العربى فين
الجيش العربي خليجى
ما فيه حيل لا يروح ولا يجى
هذا صمت استراتيجى
ايش فيك يا غراب البين
واحد اتنين الجيش العربى فين
الجيش العربى فى تونس
اخضر مثل البقدونس
وعزيزه بتعشق يونس
تبقى الحروبات بعدين
واحد اتنين الجيش العربى فين
الجيش العربى سودانى
سامع خطوته بودانى
هو انا ههجم فردانى
يلا ارجع يا ابو حسين
واحد اتنين الجيش العربى فين
الجيش العربى اتهان
يوم ما انضربوا الافغان
وسكت فى البوسنه زمان
واحد اتنن الجيش العربى فين
:-P(محدش شاف الجيش العربى؟):-P
ولو عاوزين تشوفوه على اليوتيوب
الرابط ......
http://www.youtube.com/watch?v=pUTgxQROVKg&feature=related
