يريت تحلو لى مشكلتى

انا كنت فى انتر فيو والمدير العملت معاه الانتر فيو كنت معجبة بية من اول لحظة وحسيت انة كمان معجب بيا
المفروض اتفقنا انى اشتغل معاه موقتا من البيت عن طريق التسويق على النت
ادانا ميلة
واتكملنا على الميل ف الشغل وطبعا الكلام اخدنا واتعرفنا على بعض اكتر
واتقبلنا مرة واتنين وتلاتة
كل مرة كنا بنتقرب اكتر
اتعلقت بية جدا
لاقيت فى حنية وطيبة ملهاش حد
وكان محترم جدا معايا
بس معرفتش هو بيحبنى ولا مجرد اصدقاء؟
فى مرة كنا مع بعض وكنت مبسوطة اوى وقلبى عمال يدق
قلت لة انا بحبك
لاقتو اتصدم وقالى احنا لسة بنعرف بعض
وانا مرتحلك جدا وانتى قريبة ليا جدا بس محتاجين نعرف بعض اكتر
الحب مش اى كلام
ومن يومها مفيش جديد فى علاقتنا
ومش عرفا انا اية بالنسبالة
بس انا بحبو بجد ومتعلقة بية جدا جدا
وبتمنا نكون من نصيب بعض
قوليلي اعمل اية ؟ ومش قادرة استغنا عنة

اقولك ياا يمى انتى غلطتى اما قولتيله انا بحبك بس كنتى المفروض هو اللى يقولهلك وهيحس كده انتى اللى بتجرى وراه وهو العكس سبيه خالص لغاية اما يقولهلك اوكى
صدقينى هتفرحى اووى لو سمعتيها منه هو جربى بس ومش هتندمى:x:x:x

اولا شكرا لاهتمامك وردك انا عارفة انى غلطت واتسرعت
بس كان غصب عنى
بس انا اعمل اية دلوقت مانا خلاص قولت لة
ااعمل اية ابعد عنة؟؟؟؟ ولا اعمل اية

ابعدى عنة وسبية لو غلية علية هيجيلك لكن لو العكس يبقى انسى الموضوع علشان كرمتك

بصي يا قمر
انت اتسرعتي اوي لما انت اللي بدأتي
في نوع مبيحبش البنت هي اللي تبتدي ولما بيحصل كده بيتلخبط
وبيبقي مش عارف هو فعلا عايزها وللا لا
بصي اسلم حلي انك تبعدي عشان تقدري تقيمي مشاعرك وهو كمان يقدر يفكر كويس
ولو بيحبك بجد هتوحشيه وهتلاقي مش قادر علي بعدك وهو اللي يجيلك
وبالتوفيق يا جميل

ابعدى عنه و لو زى ما بتقولى انسان كويس و بيحبك هيجيلك تانى
و لو ماجاش يبقى ما يستهلش انك تفكرى فيه

شكرا ياحلى بنات وانا فعلا قررت ابعد
وبعت له مسج النهردا قلت له لما تعرف تحدد انت بتحبنى ولالا ابقي كلمنى
انا هسيبك تفكر وتاخد القرار اليرحيك وخلينا فترة نبعد عن بعض

بصى يا قمر اولا انتى غلطتى لما قولتيه انك بتحبيه
عشان كدة مش ينفع
الكرامة وعزة النفس راحوا فين
بصى هو لو فعلا بيجبك كان قلها
ويمكن هو بيحبك بس مستنى الوقت المناسب
بس اعتقد مدام انتى قولتيهاله يبقى جاله الوقت
ومقلهاش
يبقى خلاص هلى علاقتك بيه عادى
لحد ما يقولك

معتيش تكلميه ولو بيحبك هيجيلك ويقلك انه بيحبك
ومش بعيد يطلبك للجوازبس انتى اتقلى

انا خلاص بعدت ولو مكلمنيش هنساه وعمرى مهكلمو تانى مهما كان
ولو من نصيبي هيجيلى لو مش نصيبي يبقى خلاص الحمد لله