المكان:- فى خيمة
المنظر:- ليلى جالسة على الأرض وتنقى الأرز
(يدخل قيس)
ليلى:- (لقيس) قيس إبن عمى عندنا...يا مرحبا يا مرحبا
قيس:- كم جئت ياليلى بأسباب ملفقة...ما كان أكثر أسبابى وعلاتى
ليلى:- (لقيس) ما تتكلم عربى يا ياد
قيس:- حلاوتك بالعجوه...أبوكى فين يابت؟
ليلى:- في السايبر
قيس:- يعنى أحنا هنا لوحدنا؟
ليلى:- والشيطان صايع
قيس:- أنا مش بفكر فى الحاجات دى...
ليلى:- ليه ياروحي....ما اشبهش البنات اللى انت ماشى معاهم ولا ايه
قيس:- مش العباره بس.....
ليلى:- (تقاطعه)وحياه أبويا يا قيس لو ما انعدلت معايا
لأكون موّلعه ف خيمتك بصفيحة بنزين
قيس:- إهدى يا ليلى( ويخرج من جيبه سيجارة كبيرة الحجم ويعطيها لليلي)
مسائه نابت...إعمليلك سحابه دخان
ليلى:- (فى دهشة) أنت بتحشش يا قيس وفى خيمتى كمان؟!!
قيس:- إضربى يا شيخه إضربى
ليلى:- ( تاخد نفس طويل من السيجاره) ..
إيه البقسماط ده. دا مضروب يا حبة عينى
قيس:- بقسماط!!! إيه فهّمك إنتى فى الكيف....
إنتى اَخرك تكركرى بالجوزه من غير معسل
ليلى:- (فى تحدى) طب إستنى ( وتتجه نحو الداخل)
قيس:- ( لليلى) رايحه فين؟
ليلى:- هجيبلك تربة حشيش (وتدخل)
الأب:- (يدخل الخيمة ويفاجأ بوجود قيس) قيس!!...هنا مع
ليلى...وامصيبتاه...فلتمطرى صابون سايل أيتها السماء....
(لقيس) إنت بتعمل إيه هنا يلا؟ !!!!!!!!!!!
قيس:- أنا كنت جايلك يا عمى عشان تيجى تصلح لنا السيفون....
دانت شغلك زباله..الواحد بعد كده يبقى يجيب سباك نضيف
الأب:- (فى إنفعال) فين ليلى...ليلى...ليلى
ليلى:- (تدخل وفى ايدها تربة حشيش)
بابا ...جيت ليه بدرى...
إنت مش قولت هتقعد ساعتين؟
الأب؟- النت فصل...إيه اللى ف إيدك ده؟!!
ليلى:- دى تربة حشيش هديها لقيس تموين الشهر
الأب:- (فى ذهول) ياللعار!!...من أين أتيتى بها أيتها الفاجره؟
ليلى:- ماتخافش يابا دا من التموين بتاعى....الحشيش بتاعك لسه بلفتٌه
الأب:- ( فى راحة نفسية) ااااااااأة ..إذا كان كده معلش
ليلى:- ( تعطى الحشيش لقيس) خد يا قيس جرب الصنف دا واحكيلى
قيس:- (يأخد الحشيش)ليلى...بعدد الجوانات التى بضربها..
وبعدد الأحجار التى قمت برصها
وبعدد الأنفاس التى قمت بتسليكها...أشكرك بضمير
الأب:- (لقيس) بقولك أيه ياقيس .... إنت مش ناوى تتجوز ليلى
قبل ما تخرج م الضمان
قيس:- وانت ترضهالى برضه يا أونكل؟
الأب:- خسئت...هات ياد تربة الحشيش اللى خدتها
قيس:- ( يعطيه الحشيش) إمسك ياعم إنت هتذل إمى بحتة الحشيش
بتاعتك..لعلمك بقه الصنف اللى أنت فرحان بيه
دا بيتباع فى الجمعيه مع اللحمه البرازيلى
الأب:- (لقيس) إمشى ياد إطلع بره
قيس:- تصبح على نقاله ياعمى
الأب:- أغرب عن وجهى
