مبادئ النصب والاحتيال (للمبتدئين) بس
اولا انا مش فاهم انت داخل تعمل ايه
مفيش شغل فى البلد للدرجادى انك تكون؟؟؟؟؟؟؟؟؟؟
يلا ما علينا نخش فى الموضوع
شوية اتنرفز واشد فى شعرى وشوية أقعد أضحك
لحد ماافتكرت انى اتجننت
بس اكتشفت فى الاخر ان الرابط بين الحالتين اللى بمر بيهم ان شر البلية ما يضحك
ايه بقى شر البلية النصب والنصابيييييييييييين
وما يضحك الغبااااااااااااااااااااا ء
افتكر ان مدرس الفيزيا فى الثانوى كان دايما يقولنا ان النصابين دايما أذكى من غيرهم
انما لما يكون واحد غبى ومهنته النصب تبقى حاجة مستفزة قوووووووووى
عشان كده حبيت اعرض بعض الدروس المستفادة من أخطاء النصابين عشان الكل يستفيد ونطلع جيل نصابين متقن لعمله
المبدأ الاول
اختيار الضحية
طبعا لازم نعرف نختار الضحية المناسبة لعملية النصب ونعملها محموعة اختبارات أهمها التعرف على قدراتها العقلية وذكائها وده ممكن يتحقق ببعض اختبارات الذكاء زى مثلا تجرب تلاعبه شطرنج او سودوكو او ان شالله حتى سيجا
ولما تتأكد من انك متفوق عليه تبقى كده اتأكدت من انه ضحية مناسبة جدا وتتلاشى تعريض نفسك لخطر من حفر حفرة لاخيه وقع فيها يعنى بدل ماتنصب عليه ينصب هو عليك
المبدأ التانى
استدراج الضحية
لازم تعرف ازاى تلف الزبون ( مش فى سيجارة ) وتقنعه بالفيلم اللى هتمثله عليه عشان تقدر تكمل العملية صح من غير لخبطة
المبدأ الثالث
التحوير
تحوير الكلام بما يتناسب مع الموقف عشان تقنع الضحية ويحس انك فلتة من فلتات الزمن
المبدأ الرابع
قوة الذاكرة
دى حاجة مهمة جداااااااا فى عملية النصب وماتنساش القاعدة اللى بتقول على الكذوب أن يكون ذكورا
وبما ان عملية النصب كلها كدب وتمثيل من البداية للنهاية يبقى لازم تفتكر كويس كل كلمة وكل كدبة اتقالت
يعنى ماتقولش للمنصوب عليه انك بتشتغل دكتور وبعد نص ساعة ترجع تقول انك مهندس ممكن كده يشك ان فيه حاجة غريبة
المبدأ الخامس
الذكاء
أبوس رجل كل نصاب بلاش يتغابى ويعرف ايه اللى يضحك بيه على الضحية وامتى وايه اللى يتقال وايه اللى ما يتقالش
وبكده مهنة النصب تفضل محتفظة بمكانتها بين المهن الشريفة
يلا زى بعضه
تقبلو تحياتى
ميزو
وانتظر رد فعلكم
