عظيمة يا مصر .. يابلد الأمن والأمان
كتاب العربى:
(مصر بلد الامن والامان )
كتاب التاريخ:
(مصر بلد الامن والامان)
كتاب الدين:
(مصر بلد الامن والامان)
وانت خارج من صالة الوصول
فى مطار القاهرة هتلاقى يافطة
مكتوب عليها
( ادخلوها بسلام آمنين )
- - - - - - - - - - - - - - -
طب نصدق مين ؟؟؟
نصدق الكتب اللى درسناها ؟؟؟
واليفط اللى شوفناها ؟؟؟
والتصريحات اللى سمعناها ؟؟؟
- - - - - - - - - - - - - - - - -
طب نعمل ايه ؟؟؟
نعمل ايه وكل يوم والتانى كارثة جديده ؟؟؟
نعمل ايه وكل شوية حادثة جديده ؟؟؟
نعمل ايه بعد اللى بنشوفه ؟؟؟
نعمل ايه بعد اللى بنسمعه؟؟؟
- - - - - - - - - - - - - - - - - -
من حريق مجلس الشعب !!!
الى كارثة الدويقة !!!!
الى حريق المسرح القومى !!!!!
الى ..... الى .... !!!!!!
- - - - - - - - - - -- - - - - - -
بجد انا مش عارف اقول ايه ولا ايه !!!!
لكن اللى تعبنى بجد انهم لسه بيقولوا اننا بلد الامن والامان
ياترى انت وانتى وانت وانت وانت
حد فيكم لسه حاسس بالامان فى بلده
فى بيته ... فى شغله ... فى اى حته موجود فيها
- - - - -- - - - - - - - - - -- -
اه اوعى تنسى احنا بلد ديمقراطى من حقك
تقول اللى انت عايزه
بس اوعى تتكلم عن ...
فساد احمد عز
ولا عن غلاء الاسعار
ولا عن تلوث المياه
ولا عن الحرايق اللى فى البلد
ولا عن توريث الحكم
لاونكل جمال
ابن ماما سوزى وبابا حسنى
ولا ... ولا ...
صدق شاعرنا هاشم الرفاعى لما قال
( فلقد ولدت لكى ترى اذلال أمه ...
غفلت فعاشت فى دياجير الملمه )
- - - - - - - - - - - - - - - -
معلش تعبتلكم دماغكم
بس نفسى اعرف
هى مصر لسه عظيمة ازاى ؟
وبلد الامن والامان برده ازاى ؟
http://www.egycrazy.com/vb/images/smilies/08.gif http://www.egycrazy.com/vb/images/smilies/08.gif http://www.egycrazy.com/vb/images/smilies/08.gif http://www.egycrazy.com/vb/images/smilies/08.gif
