.:: إعملك شخصيـــة متميــزة عن الباقي ::. (الحملة)

- حمله وداعا للمنقول واهلاًبالابتكار -
ـــــــــــــــــــــــ
إعملك شخصيـــة متميــزة عن الباقي
عايز تعرف إزاي، دي حبة نقط حتعملها و حتبقي زي الفل

عشان تضمن إنك ما تتعرضش للإهانة أو الإحراج، و عشان الناس مايخدوش عنك فكرة وحشة
لازم تحط لنفسك شخصية، تضمن بيها إزاي تتعامل مع الناس في حياتك
يبقي لازم تعمل الكام نقطة الحلوين دول
عشان تعملك شخصية قوية جذابة تلفت أنظار الناس ليك، بحيث يزدادو حب و معزة ليك.

( 1 )
التواضع و إياك التكبر و التعالي علي أي حد، و تعامل الناس زي ما تحب إنهم يعاملوك.

( 2 )
إبعد عن حوار الغرور و إبعد عن إنك تتكلم عن نفسك و عن عيلتك عمال علي بطال،
المدح بنفسك أو بعيلتك أكتر من اللازم، فدا يعني إنك الأفضل دايما ما بين الناس، و دي حاجة مش كويسة خالص، و حينعكس عليك بشكل سلبي.

( 3 )
عليك إنك تساوي أو علي الأقل تقارب نفسك مع غيرك، وتوضح ليهم إن حالك من حالهم أو ممكن أحسن حبتين، و مفيش تفرقة و الكلام الفاضي ده.

( 4 )
لو وعدت حد يبقي لازم تفي بوعدك مهما حصل.

( 5 )
إنك تعملك كلمة و رأي و تشارك الناس في آرائهم و مناقشتهم و تكون اجتماعي بطبعك.

( 6 )
لازم تاخد بالك من تصرفاتك و حركاتك تجاه الناس التانية و إن تكون صريح و صادق.

( 7 )
ما تقاطعش حد و هو بيتكلم، و استناه لغاية لما يخلص كلامه.

دي شوية نقط كده تعملك شخصية قوية تلفت الأنظار من حوليك
و بكده بتزداد محبة الناس ليك و يفتكروك بالخير
و هو دا الأثر الناتج من بناء شخصيتك

طبعا فيه حاجات تانية كتيــر جدا، بس خلينا نقول إن دي الأساسيات
خليك دايما الأفضـــل



http://img260.imageshack.us/img260/7250/82911086we0.gif

بارك الله فيك احمد على هذه النصائح الجميله

فعلا كلها نصائح مهمة وان اتبعناها اصبحت لنا شخصيه جميله مستقله

واسمح لي ان انبه بان نبتعد عن التقليد فهو ان نجح في البدايه الا انه سيصبح

مكشوف بعد فترة
فمنذ البدايه فلتكن شخصيتنا خاصة بنا لكي نستمر دون تخبط وعشوائيه

شكرا كتير ياحمد للنصايح الحلوه دى ويارب كلنا نتبعها
وبجد افدتنا ويارب نبدا الحمله على خير
وربنا يوفقنا فيها يارب

ميرسي منون علي مرورك و ان شاء الله تتوفق الحملة و تنجح
و طيف .. مهما طال الزمن لازم يقع القناع و تبان شخصية الفرد حتي و لو بعد سنين
و اللي بيحط القناع .. مكذبش علي حد الا نفسه
اتمني اننا كلنا نبقي مميزين و ناجحين دايما
:)

مميز دائما يا زعيم ..

وبجد نصائح غاليه من شخص غالي ....

بجد موضوع متميز وفيه نصائح كتير
مشكوووووووووووووووووووووو ر

مشكووووووووووور جدااااااااا علي النصائح الرائعه

اعتقد فعلا لو الكل اتبعها هيكون في تميز في الشخصيه وكمان هيكون الناس كلها بتحب بعضها وبتتعامل بطبيعتها

نصائح غالية جداً فعلاً بس اللى يعمل بيها
تسلم ايدك

شكرا ماجمان علي ردك الجميل .. أسعدني مرورك
يارا .. أتمني الموضوع يكون فيه افادة
أسيرة الغربة .. دي تعاليم الدين الاسلامي و اعتقد اننا لو نفذناها كلنا حنبقي كلنا متميزين
الجشع .. شكرا كتير علي مرورك، و اكيد طبعا مش كل الناس حينفذوا النصائح دي
بس دايما نبدأ بأنفسنا الأول

شكرا لكل اللي مر و رد و أتمني ان يكون الموضوع في افادة
:)

يجزيك الخير اخي احمد