يوميات مدرس فى لجنة " مسعد وأبوه "

http://www3.0zz0.com/2008/09/08/21/933891275.gif


ازيكم يا مصراوية اخباركم ايه جميعا ..
صباح الفل على اللى لسه مطبقين من امبارح سهر
ومساء الخير على اللى هيشوفوا الموضوع لما يصحوا
ندخل فى المهم على طول عشان انا مصدع خلقه
:( :(
دى قصه كنت كاتبها ايام كادر المعلمين وامتحاناتهم
ووالدى اساسا مدرس
فقلت يلا اكتب بقى واكتشف نفسى وطبعا من يومها
ما قررتش اكتب تانى
لان عما خلصت كانت قفايا بقت بعرض الشارع
X-( X-( X-(
انا هنزل الحلقات كلها مرة واحده
وفى النهاية اتمنى انى اقرأ تعليقاتكم اللى اكيد تهمنى
نبدأ بسم الله
:-> :->

يوميات مدرس فى لجنه
""""الحلقة الاولى"""""
**************

"عقارب الساعه تدق الثامنه صباحا ، يذهب مسعد
لايقاظ والده وعينيه مليئه بالفرحة وتكاد رموشه ترقص"

مسعد :بابا .. اصحى يلا يا حبيبى وراك امتحان ...
اصحى يله هتتأخر عن اللجنه يا ابو مسعد

احمد (والده) :يا واد سبنى انام شوية انا سهران طول الليل اذاكر

مسعد :طب اصحى يا حبيبى فاضل ساعه عن الامتحان

احمد :اخرج بره يله وصحينى كمان نص ساعه

"يخرج مسعد ويعود لايقاظ والده بعد 10 دقايق "

مسعد :بابا اصحى يلا يا حبيبى الساعه بقت 9 ونص

احمد :" ينظر بطرف عينه على الساعه المعلقه على الجدار فيجدها الثامنه وعشر دقائق " .. امشى بره يله بدل م اقوم اضربك

مسعد : " يحضر كوب ماء "هتصحى يا حاج ولا اعمل معاك زى ما كنت بتعمل معايا ؟؟؟؟

احمد :يا له اطلع بره يله ... هتبقى انت ويسرى علينا
http://www.egycrazy.com/vb/images/smilies/361.gif

مسعد :طيب ماشى يا بوب .. نصايا وراجع " يخرج ويغلق الباب .. ويذهب الى غرفته "

مسعد (لنفسه) :الراجل شلكه هينفض يا جدعان .. وبعدين ما هو عنده حق مدرس ويمتحن مسخره والله .. تعمل ايه يا واد يا مسعد .. تعمل ايه يا سعده .. فكره ..
" يذهب ليحضر المذكرات التى احضرها والده ليراجعها قبل الامتحان وينزل من المنزل ويذهب الى اقرب مكتبه تصوير "

مسعد :سلام عليكم ازيك يا عم محمود .. اخبارك ايه يا راجل يا طيب ..

محمود :صباح الخير يا مسعد يا بنى ..اخبار الحاج ايه

مسعد :تمام الحمد لله عنده امتحان بعد كمان على 11 كده يعنى

محمود : امتحان ابوك .. ازاى يا بنى ... اااااااه الكادر الجديد ده

مسعد : صباحك فل يا حاج بقولك ايه ياريت بس تصورى المذكرة دى على ورق وش وضهر بس اصغر حجم موجود ولو فيه استيكر ما يضرش

محمود :ليه خير براشيم للحاج هههههههههههه


مسعد :اه يا عم ابويا بيضيع قدام عنيا وانا مش عارف اعمله حاجه ههههههههههههههه ه

" يمر نصف ساعه "

محمود :خد يا مسعد ادى البراشيم وادى الاستيكرات

مسعد :ادعيله يا حاج .. سلام

" يرجع مسعد للبيت يلاقى ابوه قالب الدنيا على المذاكرت وبيزعق ومبهدل الدنيا "

والدة مسعد :اهدى يا حاج اكيد راحت هنا ولا هنا

احمد :وابنك فين راح فين .. انا عارف انه يعيزنى اسقط واتفضح وسط المدرسين

مسعد :اهدى يا حاج معصب نفسك ليه بس ..

احمد :انت كنت فين يا ..........
مسعد :اهدى اهدى يا بوب كده ووحد الله .. انا عارف اعصابك تعبانه عشان الامتحان
معلش كلنا لها يا حاج

احمد :فرحان فيا يا ......... منه لله يسرى شمت فيا العيال قبل الكبار

مسعد : حاجه .. ام مسعااااااااد .. اتنين شاى وهاتيهم على اوضتى فى السريع .. تعالى بس يا حاج كده واهدى انا بقى عملتلك حاجه موووز ...اتفضل يا عم المذكرة اهى وادى كمان استيكرات

احمد :ايه ده يله ... برشام
على اخر الزمن هشيل برشام انا اللى بحا....

مسعد :لالالالا .. مش حلو كده ... اه برشام .. وانا بقى هقولك تعمل بيه ايه وتغش منه ازاى
من غير ما حد ياخد باااااااااله
http://www.egycrazy.com/vb/images/smilies/424.gif http://www.egycrazy.com/vb/images/smilies/424.gif


يتـــــــــبع
:D :D

الحلقة الثانية
*******


" مسعد قاعد مع باباه بيفهمه هيعمل ايه بالرشام وهيخبيه فين "

والدة مسعد : الشاى يا ابو ... انتوا بتعملوا ايه .. ايه اللى انت بتعملوا ده يا ابو مسعد

مسعد : اهدى يا حاجه .. ايه بخبيله البرشام فى مكان ماحدش يعرفه .. امال يتقفش بيه ... تبقى ....

والد مسعد : " بالقلم على قفا ابنه " اتقفش .. اتقفش يا بن الخربانه .. انت تقولى اتقفش

مسعد: " يهرب من بين ايدين ابوه " الله ما خلاص يا حاج . انا الحق عليا .. خلاص بقا المهم عرفت لما تحب تغش هتعمل ايه ؟؟؟ ولا ناوى تتمسك .. خلى بالك تبقى تنزل بس بعد ساعه من الوقت .. ماشى يا حلاوه

ابو مسعد : حلاوة لما اخلص من اللى فيه وحسابى معاك بعدين

مسعد : طب يلا بس افطر .. وانا هجيبلك حاجه من اوضتى وراجع
" بعد فترة يخرج من اوضته ويكون ابوه خلص فطار "

مسعد : خد يا حاج قلم رصاص بسنان اهو عشان ما يتقفص وترجع تعيط

والد مسعد : " يكظم غيطه " منك لله يا يسرى فضحتنا وخليتنا مسخره على اخر الزمن

مسعد : يلا بقى يا حاجه عشان اوصلك هههههه كيخ

والد مسعد : اخرس يله غور من هنا

مسعد : لالالالالا دى فرصتى .. ده يومى يا بوب ..يلا ننزل

"فى الشارع .. اول توكتوك "

مسعد : فاضى يااسطى .. مدرسة الصنايع ... بص يا حاج .. اهم حاجه ما تكلمش اللى جنبك .. لو حد طلب منك اجابة اى سؤال قوله لما اخلص .. لو اى مراقب رخم عليك نفض...

والد مسعد : اخرس بقى فضحتنى ... هديك على وشك

مسعد " وكأنه لم يسمع كلام والده " : بس بقى لما تجيلك ورقة الاسئلة نفض لامها ارميها جنبك ... على ايدك هنا يا اسطى .. ياهووووووه كل دول مدرسين جايين يمتحنوا

والد مسعد : ارجع انت بقى على البيت يلا غور من هنا

مسعد : ودى تيجى يا حاج انا لازم اطمن عليك انك دخلت اللجنه

زميل والد مسعد : ازيك يا احمد .. ايه هعمل ايه فى الامتحان ده .. انا جيت غصب عنى والله

مسعد : ازيك يا استاذ محمد .. اخبار حضرتك ايه .. قولى ذاكرت كويس ولا ناوى تغش .. لو ناوى بابا مش ناوى يغشش حد انا بقولك اهو

والد مسعد : اخرس يله عيب .. عاجبك كده يا عم محمد .. اهو من امبارح وهو خاوتنى .. انا قرفت والله

محمد : هنقول ايه بقى.. منهم لله اللى كانوا السبب .. طب قولى الامتحان ده شكلوا هيبقى عامل ازاى يعنى
هنعرف نعمل حاجه
" يشعل سيجارة ويخطفها منه مسعد "
مسعد : لا يا باشا السجاير دى هتبوظ اعصابك قبل الامتحان وانت مش ناقص .. لازم تهدى .. بقولك ايه يا حاج ابقى ظبطته معاك من البراشيم اللى انا اديتهالك

محمد : براشيم انت معاك براشيم يا احمد هههههههههه.. على اخر الزمن هنغش

والد مسعد : وهنعمل ايه يعنى يا عم محمد .. نسقط ويبقى شكلنا وحش قدام الناس ... وبعدين اما نشوف انا سمعت ان الامتحانات اتسربت اصلا

مسعد : اتسربت وليه ما قولتليش .. كنت جبتها ... اعمل ايه دلوقتى .. بس محلوله

" يخرج الموبايل ويتصل بــ"

مسعد :ايوه يا معلم كرشة .. اخبارك ايه يا كبير .. بقولك انت عارف امتحانات المدرسين .. انا سمعت انها اتسربت .. ياترى ايه الاخبار الاقيها مع حد من صبيانك .. مع برعى طب لووز .. لالا ... انا هكلمه انا .. بس على كام .. الله يخليك يا برنس ..طب سلام .. اه هبقى اعدى عليك

مسعد :" يغلق الموبايل" بابا محتاجين منكم 500 ملتوش.. عشان اجيبلكم الامتحان

والد مسعد : ايه ليه "ويهمس لمسعد فى اذنه انت هتنصب يله " اخرس خالص

مسعد : خلاص يا حاج انا عملت اللى عليا .. ايه ده هما دخلوا ولا ايه
.. طب الحق انت بقى .. بقولك لما ترجع احكيلى اللى حصل جوه .. ماشى لوز انا هبقى اديك رنه بقى قشطة .. سلااااااااام يا حاج


يتــــــــــــبع
:D :D :D

الحلقة التالتة
********


" بعد ان ترك مسعد والده ليدخل لجنة الامتحان "


والد مسعد : قولى يا احمد ... انت ما عرفتش مين اللى بيراقبوا علينا .. يعنى مدرسي نعرفهم ولا ايه ؟؟؟


احمد : لا يا سيدى بيقولك اداريين من الادارة .. وكمان متوسط اعمارهم من 25 الى 35 !!!!!!!


محمد : انت بتتكلم بجد .. يبقى شكلنا وحش اوى لو ما عرفناش حاجه .. ولا لو انا اتقفشت بالبراشيم !!!!!!


احمد : انت كمان معاك براشينم طب قولى انت مخبى البراشيم فين ؟؟؟؟؟


محمد : فى الــ ... الــ ... وده وقته انت كمان ... ياعم مش اشوف الاول هعرف اغش ولا لأ


" يسمعهم مدرس اخر يمر بجوارهم "


محمود : والله عال .. دى اخرتها يا اساتذه يا محترمين ... هو ده اللى بتعملوه للاجيال يا مربى الاجيال ... تعالى ورايا انت وهو .....


محمد : مين حضرتك .. وعايز مننا ايه .. انت اتهبلت احنا مدرسين .. انت شايفنا طلبه ..!!!!!


احمد : استنى بس يا محمد ....خير يا استاذ اى خدمه .. خير ان شاء الله .. مالك متعصب ليه بس ع الصبح كده .. مش كفاية اللى احنا فيه !!!!!


محمود : انا سامعكم وانتوا بتتفقوا على البراشيم يا مربى يا فاضل منك له


احمد : بس بس انت هتفضحنا ولا ايه ؟؟؟ يا سيدى وحد الله احنا لسه ع الصبح !!!!!


محمود : انتوا الظاهر مش هتجيبوها لبر " ينادى امن البوابة " اسماعيل .. حسين تعالوا هنا حالا !!!!!


فردين الامن : خير يا معالى الباشا تحت امرك يا فندم ؟؟؟


احمد : " يميل على حسين " الا قولى يا عم حسين مين الراجل ده ؟؟؟


حسين : ده وكيل الوزارة الجديد ... انت عملت ايه يا استاذ احمد ؟؟؟


احمد : طبلت .. يا فندم احنا تحت امرك حضرتك ؟؟؟ بس والله احنا ما ... اص ... اا... ما....


محمود : يا استاذ وقت الكلام انتهى .. حسين انت واسماعيل خدوا الاساتذه على الاوضة بتاعتكم وتفتشوهم تفشيش ذاتى وتجيبلولى البراشيم اللى معاهم .....


محمد : انت بتتكلم ازاى ؟؟؟؟


احمد : اسكت ده وكيل الوزارة الجديد .. روح فى داهية يا باشا !!!!!!


" ويتوجه احمد & محمد الى حجرة الامن مع فردى الامن وهناك يحدث مالا يتوقع "


حسين : الللللللللللللل .... ايه كل ده يا استاذ احمد .. على اخ الزمن تحت البراشيم فى الــ ...لالالالالا .. انا مش مصدق نفسى .. طب يا اخى راعى الدقن اللى فى وشك


اسماعيل : الللللللل .. لالالا ... مش معقول .. وانت يا استاذ محمد .. دا مكان تحط البراشيم فيه .. طب فهمنى ازاى بقى دى


" يمر بعض الوقت وياتى وكيل الوزراة "

محمود : لولا انى عارف الوضع اللى احنا فيه .. انا كان ليا تصرف تانى خالص ... لكن ملحوقه .. نخلص من اللى احنا فيه وبعدين نتصرف فى الموضوع ده... دلوقتى اتفضلوا يا اساتذه على لجانكم .. الامتحان بدأ ...


محمد : اتفضل يا اخويا بقى يا راجل تقولى ابقى غششنى وانت كنت مخبى البراشيم فى الـــ.... والله مسخرة


احمد : انت تسكت خالص ... انت كنت مستحمل ازاى المشى وانت حاططهم فـــ.... يلا يلا يا اخويا على امتحانك ..


محمد : ههههههه انا وانت فى لجنه واحده يا عرب وكمان انا قاعد وراك ....


احمد : كمان طب يلا يا اخويا يلا اما نشوف اخرتها ايه مع العالم دى ..

" فى اللجنه "

المراقب : كل واحد يقعد فى مكانه يا اساتذه لو سمحتوا ... احنا مش عايزين نقف فى موقف وش سوا ...


محمد : شايف يا عم احمد ... شايف الناس الذوق المحترمه ...


المراقب : يا استاذ بمنتهى الهدوء اهو انا بتكلم .. ما حدش يتكلم مع حد خلونا نخلص من اليوم ده بقى .. ابراهيم وزع يا عم الورق


احمد : " استلم الاسئلة " .. ايه .. ايه يابا .. ايه ده بقى .. مهارات كفاءة تربوية .. مهارات ايه .. هو ايه ده ..


محمد : " يقرا الاسئلة " ... تشحلق الخرطاف فى شحط الحفا والكيكذوب متعلقل فى الحواششى ... ما مدى العلاقة بين الجملة السابقة واكتشاف مهارات الطلاب فى التقييم ...


احمد : اذكر فيما لا يزيد عن 3 صفحات معاير تقييم الطلاب فى نهاية العام مع ذكر اسباب التلحلح فى التناتى كسبب من اسباب التوحوح فى الهماشى


مدرس : يا جمااااااااااااا اعه .. حد يقولى معنى كلمة تشحلق الخرطاف يا جدعااااان


يتــــــــــــبع
:D :D :D

الحلقه الاخيره
******

احمد : محمد .. يا محمد ... انت يا استاذ
محمد : عايز ايه http://www.egycrazy.com/vb/images/smilies/22_3.gif انت مش معاك براشيم لسه

احمد : هسسسسس .. انت هتفضحنى .. بقولك دارى عليا انا هطلع البراشيم اللى لسه معايا ... بس على الله ما حد يشوفنى .. قولى السؤال تانى كده ؟؟؟ عشان انا اشوف الاجابة ...

محمد : " يقرأ الاسئلة وتكاد اعصابه تنهار" تشحلق الخرطاف فى شحط الحفا والكيكذوب متعلقل فى الحواششى .. مامدى العلاقة بين الجملة السابقة واكتشاف مهارات الطلاب فى التقييم

احمد : طب ثوانى بقى ... " يقلب فى صفحات المذكرة " ... فين .. فين .. اهى لقيتها ... اكتب عندك .. الجملة السابقة توضح مدى تطابق المنطقة اللاشعورية فى المشاحط ويحدث هذا التمقمق فى البعاريق بغير مهماج وذلك حينما يتقرقش العنجف المتمارط فى التتانى .. وجدير بالحلولو ان القدودو المتفارش فى التوهوج المتنارت فى البغقوش الهماط

محمد : " استغراب ودهشه " انت متاكد من الكلام ده يا احمد .. انا مش فاهم اى حاجه

احمد : يعنى هو انا اللى فاهم اصلا ايه اللى بيحصل .. يا عم اكتب ما هى دى المذكرات اللى الناس موزعاها .. اكتب اكتب خلينا نخلص

محمد : خلاص خلصت السؤال اللى بعده ...اذكر فيما لا يزيد عن 3 صفحات معايير تقييم الطلاب فى نهاية العام مع ذكر اسباب التلحلح فى التناتى كيبب من اسباب التوحوح فى الهماشى

احمد : لا دا الموضوع ده كبير ... اكتب يا عم ... معايير تقييم الطلاب وهى :-
1- مدى علاقة الطالب بالمدرس والبرادس اللى بينهم
2- الطالب اللى يأبج المدرس يبقى حبيبه وابن حبيبه
3- الطالب اللى مش بياخد درس عند مدرس الفصل يضرب بالجزمه
4- الطلاب اللى مظبطين المدرس فى السندوتشات والكوفى ميكس والكوفى بلاك المدرس مظبطتهم فى اعمال السنه ومروقهم احلى ترويق
5- الطالب اللى بيشترى مذكرات الدرس واد لوز وفستق وعين جمل
6- الطالب اللى منفض للدرس والحصة يقف طول النهار فى الحوش لما يطلع عينه والشمس تنخور نافوخه
7- اسباب التلحلح فى التناتى :- تتعدد الاسباب وتتنوع ونذكر منها الاتى
(أ) التبهطل المتفلفل فى الرز المحروق
(ب) تشنكل الشناكل فى البعراط المتهنكل
(جـ) اقتراط المحموش فى البغكوش المتبنطخ
(د) تكرنف المشاحط فى البقيص
(هـ) تنخنخ المناخيل فى التهاجى
(و) تضرضر النخانيخ فى الاستشعار اللابمبورى
(ى) النكخلات المخضخشه فى الغدعجات المتفعششه

محمد : بس .... بس ... ارحمنى انا نسيت المناهج اللى انا بدرسها .. دا ايه ده .. العالم دى بتعمل معانا ليه كده

المراقب : خير يا استاذ فيه ايه صوتك عالى ليه ...http://www.egycrazy.com/vb/images/smilies/380.gif

احمد : اسكت بقى .. بدل ما يشوف الحاجات اللى معانا ... بقولك احنا كده خلصنا صح ..

محمد : اه يا عم خلصنا .. بس اموت واعرف ايه اللابمبورى ده ... اول مرة اسمعها ...

احمد : طب انا هنزل الـ.... اخلص من الحاجات اللى معايا دى ...لو سمحت انا عايز اروح الـ....

المراقب : طب ماشى محمود ..انت يا زفت يا محمووووووود

محمود" عامل النظافه ": ايوه يا سعادة الباشا .. اامرنى .. خير شاى .. قهوه .. قرفة .. جنزبيل .. حلبه حصى .... اى حاجه.. اى حاجه انا تحت امرك

المراقب : خلينى اتكلم ... تاخد الاستاذ معاك توديه الـ... وترجعه تانى وانت على ايده

احمد : از ....

محمد " يضع يده على فم احمد " : روح واخلص من اللى معاك واهدى خلى اليوم يعدى http://www.egycrazy.com/vb/images/smilies/197.gif

محمود : اتفضل يا استاذ .. اتفضل معايا ..

" يذهب احمد الى ... ويتخلص من البراشيم ثم يعود الى لجنته مرة اخرى "

محمود : اتفضل يا باشا الجته اهى صاغ سليم ولا اى خدش ولا حكه .. اامرنى .. شاى ... قهوه .. جنزبيل .. قرفه .. حلبه حصى .. اى حاجه .. اى حاجه ..

المراقب : غور من وشى يا محمود امممممشى http://www.egycrazy.com/vb/images/smilies/380.gif

محمد : ايه سربت الحاجه اللى معاك

احمد : اه تمام كده .. قولى فاضل قد ايه والــ...

المراقب : خلاص يا اساتذه هنلم الورق ...كل واحد يقفل الكراسة اللى قدامه لو سمحتوا

" بعد اللجنه يخرج احمد .. فيجد مسعد فى انتظاره "

مسعد : يا حاج .. يا حاجووووج انا هنا يا كبير

احمد : ازيك يا مقصوف الرقبه .. انت ايه اللى جابك هنا يله ..

مسعد : سيبك من الكلام ده بس وطمنى هه عملت ايه فى الحاجه .. عرفت تظبط نفسك ولا اتقفشت يا حلو

احمد : اموت واعرف عرفت منين انهم لما يدوروا على البراشيم هيدوروا فى الــ.... ومش هياخدوا بالهم من الــ....

مسعد : دى خبره بقى يا بوب .. عيب .. دا انا مسعد والاجر على الله .... قولى بس ايه اللى حصل بقى

احمد: " يحكى لمسعد اللى حصل كله " .... بس ده كل اللى حصل

مسعد : يا واد يا مسعد انت يا جامد .. انا كنت عارف انوا هيدور فى المكان ده اول حاجه ...
http://www.egycrazy.com/vb/images/smilies/hahaha.gif
اصلنا متعودين نحط البراشيم فى المكان ده.. لكن على مين المكان التانى بقى ... انا اللى اخترعته .. http://www.egycrazy.com/vb/images/smilies/110.gifتوكتوك

احمد : ايه انت مروح ..

مسعد : نعم خير وانت رايح فين بقى ان شاء الله ...

احمد : روح يله انا رايح على القهوه هنتقابل هناك انا والمدرسين عشان نراجع .. توكتووك

مسعد : تراجع ايه يا بوب .. انت البريمو يا حاج وعموما مفيش مانع ... انا هاجى معاك .. توكتوووك

احمد : تيجى معايا فين .. بلاش قله ادب روح البيت امك قاعده لواحدها ... انا رايح القهوة وهرجع على الغدا .. توكتووووك

مسعد : لالالالا ... لايمكن ابدا انا هاجى معاك يا معلمى .. هه هه قصدى يا حاج .. على الاقل اشوف الاستاذ متولى .. والاستاذ سليمان .. انا ما شفتهمش من ايام ماكنتم بتراقبوا ثانوية عامه فى بورسعيد .. توكتووووووك

احمد : طيب .. ماشى بس فكرنى لما نروح لينا حساب تانى سوا http://www.egycrazy.com/vb/images/smilies/380.gif توكتووووووووك

مسعد : حساب http://www.egycrazy.com/vb/images/smilies/110.gif ماشى ماشى .. عموما ملوش لازمه التوكتوك القهوه اهى .. صح ولا انا غلطان http://www.egycrazy.com/vb/images/smilies/110.gif

احمد : سلام عليكم .. ازيكوا يا اساتذه اخباركم ايه ..

سليمان : اهلا اهلا .. ازيك يا استاذ احمد .. ازيك يا واد يا مسعد

مسعد : استاذى .. معلمى .. عامل ايه يا كبير .. ايه عملت ايه فى الامتحان

سليمان : براوه عليك يا واد والله انا مش عارف لولا البراشيم اللى انت وزعتها علينا قبل الامتحان كنا عملنا ايه
لا وقلتلنا على مكان نخبيها فيه فل ولا الجن الازرق كان يقدر يعرف طريقها http://www.egycrazy.com/vb/images/smilies/110.gif

مسعد : هه هه ... خلاص يا بوب .. الحاج واقف

احمد : براشيم ومكان .. " يمسك مسعد من ياقه القميص " انت كنت بتوزع براشيم على المدرسين

مسعد : براشيم .. هو انا وش ذلك .. دى دى .. ددددددددى .. مو.. م م م م م م م م... مساعده بسييييطة منى للمدرسين

احمد : حسابك تقل معايا .. يلا بينا على البيت .. انا هستأذن شوية يا جماعه

مسعد : يا حاج .. افهمك بس .. انا هقولك .. طب ... طب بس اسمعنى .. اسمعنى يا حاج " بعد وصولهم البيت " .. ماما الحقينى يا ماما ...

احمد : والله ما حد هينقذك من ايدى .. تبيع للمدرسين البراشيم .. بتفضحنى وسط الناس

والدة مسعد : ايه يابو مسعد .. الواد كان خايف عليكم وقال انا لازم اساعد المدرسين فى المحنه اللى هم فيها هى دى جزاته برده

احمد : انتى تقعدى ساكته خالص .. تعالى هنا يله ...تعالى بقولك

مسعد : اجى فين تعالى انت العمر مش بعزقه يابا
http://img175.imageshack.us/img175/871/avatar728yf0.gif http://img175.imageshack.us/img175/871/avatar728yf0.gif http://img175.imageshack.us/img175/871/avatar728yf0.gif

" بعد كر وفر من مسعد ووالده مصمم انه يضربه ويكسر عضمه طبعا "

احمد : عشان تتعلم الادب وتتربى وتحرم تعمل اللى انت علمته دا تانى " يخرج من البيت ويغلق الباب بعنف "

مسعد : اه يا نى يا اما ... انا الى جرالى ما جراش لحد بقى هى دى اخرتها اكل العلقه دى .. الهى تسقطوا وتبقى فضيحكم بجلاجل وحناجر ومش باينلها الوان .. اه يانى يا اما يانى يا اما

http://img222.imageshack.us/img222/2354/imagespw8.jpg http://img222.imageshack.us/img222/2354/imagespw8.jpg http://img222.imageshack.us/img222/2354/imagespw8.jpg

" بعد كام يوم "

موزع الجرائد : اقرا الخبر .. اقرا الخبر ...
المظاهرات تجتاح القاهرة واسكندرية .. اقرا الخبر
المدرسين يعتصمون اما وزارة التربيه والتعليم .. اقرا الخبر
سقوط مدرسى المرحلة الاعدادية والثانوية فى امتحانات الكادر
اقرا الخبر ... اقرا الخبر

http://img329.imageshack.us/img329/6336/emplazzyvn7.gif



http://www.egycrazy.com/vb/images/smilies/hahaha.gifالنهـــــاية http://www.egycrazy.com/vb/images/smilies/hahaha.gif

يارب تكون القصة عجبتكم وفى انتظار تعليقاتكم
#:-S #:-S #:-S

معقول ولا تعليق
الله المستعان
عموما انا المشتاق لرحيق الجنة
بس للاسف نسيت الباسورد