ورا الشبابيك
ناس تتغطى بهمومها
وناس عايشة عشان يومها
وناس عريانة في هدومها
بتدارى ورا الشبابيك....
ورا الشبابيك
ناس حاضنة رغيف بايت
وناس يومها مهوش فايت
وناس ملفوفة في جرايد
دمها يغطيك.....
ورا الشبابيك
في باب واحد لكن مفتاحة متاخد
وعلي الكرسي شيطان قاعد
وناس راكعة وصوت كرابيج...
ورا الشبابيك
جبان راعب في ناس اجبن
وفوق الكرسي متسلطين
لا حرمة لعرض او مسكن...
ورا الشبابيك
وحوش من دمنا بتكسر
وجوه نفوسنا بتعسكر
لصوص لكن بقوا عسكر
لابد تخاف من اللي حاميك
ورا الشبابيك
ورا الشبابيك وبراها
قلوب القهر بكاها
وندور ونلف في متاهة
وفين انت يا وطن وفين اراضيك....
منقول
