حديث رمضان((مؤكد وغيرمؤكد وقصة طريفة))

http://photos.azyya.com/store/up2/080922014804b2Dm.gif

http://www.shy22.com/upfiles/VFE79543.png

الحمد لله وحده والصلاة والسلام على سيدنا محمد وآلة وصحبة آجمعين

كل عام وأنتم بخير

ورمضان مبارك
http://www.omaniyat.com/vb/imgcache/6776.png

ربنا يتقبل منا ومنكم صالح الاعمال ويرزقنا الإخلاص و يتقبل منا صيامنا وقيامنا وصلاتنا

وبعد

سلسلةمؤكد وغير مؤكد

وقصة طريفة

اخواتى فى الله

يعنى آية مؤكد وغيرمؤكد

وقصة طريفة

علشان ننوع ومبيقاش فيه ملل .. فكان الاختيار ان كل حلقة من 3 اجزاء

الأجزاء باختصار

الأول :مؤكد

مؤكدده حاجه مؤكدة ممكن يكون حديث أو قصة أو أثر فيه فائده بس الشرط انه لازم يكون صحيح ومؤكد

يعنى لازم يكون حديث صحيح أو قصة ثابتة أو أثر ثابت أو عادة طيبة عايزين نعملها أو سنة عايزين نحييها

وحيكون فيه فائده ان شاء الله أو عمل صالح نقدر نعمله

الجزء الثاني :غير مؤكد

غير مؤكد ديه ممكن يبقى حديث عارفين ومشهور اوى بينا وبنسمعه كثير وهو مش صحيح وغير مؤكد ..

حنحذر منه علشان منقولهوش

ممكن غير مؤكد تبقى قصة مشهوره وهي مش صحيحه أو عادة سيئة بنعملها عايزين نبطلها

الجزء الثالث : قصة طريفة

وديه حتكون قصة طريفه حصلت في زمن السلف ولكن حيبقى فيها فائده ممكن نستفيد منها

وان شاء الله تعجبكم

ده باختصار شرح لسلستنا في رمضان السنة ديه

وإن شاء الله في كل يوم حلقة

ونسأل الله أن يتقبل منا ومنكم صالح الأعمال

تابعونى

http://up.9ll9.com/uploads/images/9LL9-fb5c091be4.gif

http://www.shy22.com/upfiles/VFE79543.png

الحلقة الأولى

الحمد لله وحده والصلاة والسلام على من لا نبى بعده

نبدأ بحمد الله سلسلة مؤكد وغير مؤكد وقصة طريفة

مع الحلقة رقم 1

1- مؤكد :-

في جزء " مؤكد " بمناسبة الشهر الكريم شهر رمضان .. دايما أحب أذكر بحديث مهم جدا فى هذا الشهر المبارك

ألا وهو حديث :

من صام رمضان إيمانا و احتسابا غفر له ما تقدم من ذنبه

إذن حتى تتحقق المغفرة ويُغفر لنا ما تقدم من ذنوبنا لابد من شرطان ..

أن يصوم الإنسان إيمانا و إحتسابا ... الأمر يحتاج لنية

إيمانا : بالله و بما أنزل و بما فرضه علينا ... فنصوم لأنه فرض علينا يجب صيامه ... و لأنه من أركان الإسلام ... مش لأننا بنصوم علشان متعودين نصوم .. علشان كله بيصوم .. علشان عيلتنا كلها بتصوم .. لا

الموضوع لازم يكون عبادة مش عادة بنصوم علشان ربنا فرض علينا صيام الشهر ده .. فبنتعبد لله بالصيام

و إحتسابا : نحتسب الأجر و المغفره ...و إنى بصيامى هذا أحتسب أن يغفر الله لى ما تقدم من ذنبي ..وأنى سأثاب بهذا الصوم

وممكن حد يسبق الثاني بكثيير بسبب النية الصحيحة .. فنحسن النية حتى يغفر لنا ما تقدم من ذنوبنا برحمة الله

هذا كان توضيح بسيط جدا للحديث ... و نرجو تحقيق هذين الشرطين ... حتى يغفر الله لنا ما تقدم من ذنوبنا ...

2- غير مؤكد :-

طبعا فى شهر رمضان .. تلاقوا كثييييير جداااا من الأئمة في الخطب وتلاقي في الراديو والتلفزيون حديث مشهوووور جدا فى رمضان

أظن أن كلكم سمعتوه كثير .. عن نفسي اليوم فقط سمعته مرتين .. مره في إذاعة القرآن الكريم

ومره في مسجد

الحديث هو خطبة الرسول عليه الصلاة والسلام المشهورة المزعومة :

عن سلمان رضي الله عنه قال خطبنا رسول الله صلى الله عليه وسلم في آخر يوم من شعبان قال يا أيها الناس قد أظلكم شهر عظيم مبارك شهر فيه ليلة خير من ألف شهر شهر جعل الله صيامه فريضة وقيام ليله تطوعا من تقرب فيه بخصلة من الخير كان كمن أدى فريضة فيما سواه ومن أدى فريضة فيه كان كمن أدى سبعين فريضة فيما سواه وهو شهر الصبر والصبر ثوابه الجنة وشهر المواساة وشهر يزاد في رزق المؤمن فيه من فطر فيه صائما كان مغفرة لذنوبه وعتق رقبته من النار وكان له مثل أجره من غير أن ينقص من أجره شيء قالوا يا رسول الله ليس كلنا يحد ما يفطر الصائم قال يعطي الله هذا الثواب من فطر صائما على مذقة لبن أو تمرة أو شربة من ماء ومن أشبع صائما سقاه الله من الحوض شربة لايظمأ حتى يدخل الجنة وهو شهر أوله رحمة ووسطه مغفرة وآخره عتق من النار فاستكثروا فيه من أربع خصال خصلتان ترضون بهما ربكم وخصلتان لاغنى بكم عنهما أما الخصلتان اللتان ترضون بهما ربكم فشهادة أن لاإله إلا الله وتستغفرونه وأما الخصلتان اللتان لاغنى بكم عنهما فتسألون الجنة وتعوذون من النار

مش سمعتوه كثير ؟؟ http://69.59.144.138/icon.aspx?i=icon_smile_question

هذا الحديث رغم شهرته الكبيرة .. حديث منكر .. لا يصح ولا يثبت عن الرسول صلى الله عليه وسلم

انظر السلسلة الضعيفه حديث رقم 871 و ضعيف الترغيب والترهيب حديث رقم 589

الحديث ده لم يقله الرسول صلى الله عليه وسلم .. فيجب الحذر من هذا الحديث ومن ترديده لأنه ضعيف سندا ومتنه منكر

متنه يعنى محتوى الكلام به .. منكر يعنى يخالف أحاديث أخرى صحيحة .. وإن قاله أمامك أحد حاول أن تنصحه بينك وبينه مش قدام الناس وتبينله أنه حديث غير صحيح.

3- قصة طريفة :-

بمناسبة القيام في شهر رمضان ..

قال ابن الجوزي -رحمه الله -في كتابه أخبار الحمقى والمغفلين :

وكان أعرابي يصلي ، فأخذ قوم يمدحونه ويصفونه بالصلاح -وهو يصلي ويسمعهم - ، فقطع صلاته وقال : مع هذا إنى صائم ..

http://gfx2.hotmail.com/mail/w3/pr01...le_regular.gif!!

نسأل الله الإخلاص ونعوذ بالله من الرياء ..

الرجل من كثر ما عجبه كلام الناس خرج من الصلاة علشان يقولهم انه صايم كمان .. مش بس بيصلي كويس ..ده كمان صايم علشان يبدأوا فقرة جديده في مدحه

فالشاهد إننا يجب أن لا نعجب بكلام الناس عنا ولا نفرح بمديح الناس لنا فيسبب هذا الرياء فينا ويذهب الإخلاص

وتذكر فعل سيدنا أبو بكر الصديق -رضى الله عنه- عندما كان يمتدحه أحد فكان يبكي ويقول :

اللهـــــــم أنت أعلم بي من نفســي

وأنـــــــا أعلــم بنفســــي منهــــــم
فاجعلنـــــي خيراً ممــا يحســـبون
وأغفر لي برحمتك ما لا يعلمون
ولا تؤاخذنــــي بمـــا يقولـــــــون

فنبدأ بالاخلاص إن شاء الله ونبعد عن الرياء حتى يُتقبل منا بفضل الله

بكده خلصت الحلقة الأولى .. يارب متكونوش زهقتوا ..

وبكره إن شاء الله نلتقى في الحلقة التانية إن شاء الله

وجزاكم الله خيرا

تابعونى مع الحلقة الثانية
اختكم فى الله منى رشدى

http://www.shy22.com/upfiles/LcG79543.png

جزاكى الله خيرا وجعله فى ميزان حسناتك

اللهم اجعلنى خير ممايظنون ولا تؤاخذنى بما يقولون واغفر لى ما لايعلمون

دمتى بخير وود وبارك الله فيكى

اقتباس:

---

المشاركة الأصلية كتبت بواسطة salama10

جزاكى الله خيرا وجعله فى ميزان حسناتك

اللهم اجعلنى خير ممايظنون ولا تؤاخذنى بما يقولون واغفر لى ما لايعلمون

دمتى بخير وود وبارك الله فيكى

---

http://www.shy22.com/upfiles/VFE79543.png
أخى فى الله
كل عام وانت بخير وتقبل الله منك ومنا صالح الاعمال وحفظك الله من كل شر وبلغك أن شاء الله وايانا ليلة القدر فهى خير من الف شهر

اشكرك اخى الكريم على متابعتك الطيبة
ودعواتك الطيبة

اللهم لا ترد كل دعوة بلخير لي ولأمة محمد
آآآآمين

اخى فى الله
اتبعنى فالقادم اكتر أن شاء الله
ولك تحياتى
وبارك الله فى عمرك وعمر والدتك
http://www.shy22.com/upfiles/LcG79543.png

http://up.9ll9.com/uploads/images/9LL9-fb5c091be4.gif

http://www.shy22.com/upfiles/VFE79543.png

الحمد لله وحده والصلاة والسلام على من لا نبى بعده

ومع الحلقة رقم 2

من سلسلة

" مؤكد وغير مؤكدوقصة طريفة "

1- مؤكد :-

زي مقلنا بالأمس حديث ثمرته هي مغفرته ما تقدم من الذنب

انهارده الفرصة رقم 2 لنيل نفس الجائزة ..وزي مكانوا بيقولوا :

كل ما تشتري أكثر فرصتك في الفوز تكبر
http://69.59.144.138/icon.aspx?m=blank

وطبعا كل متزوّد الأعمال اللى ليها نفس الثواب .. يبقى فرصك في الفوز بهذا الثواب أكثر

طيب ايه بقه الفرصة الثانية ؟؟ الأولى كانت صيام شهر رمضان بس بشرطين .. ايمانا واحتسابا

اليوم حديثنا عن القيام بس برضه بشرطين .. هما نفس الشرطين .. ايمانا واحتسابا

قال رسول الله صلى الله عليه وسلم :

"من قام رمضان إيمانا واحتسابا غفر له ما تقدم من ذنبه"

يبقى مثل ما قلنا بالأمس .. الأمر يحتاج لنية .. مش مجرد نروح نصلي تراويح علشان اتعودنا من صغرنا نروح .. وعلشان كل الناس بتروح ويعنى حقعد انا في البيت وصحابي وعيلتى رايحين .. يلا انا كمان بدل مقعد لوحدى ..

مش نروح نصلي التراويح والقيام علشان مبقاش الوحيد بين صحابي اللى مبروحش او علشان اروح اصلي مع صحابي وبعدها نخرج ..

لا قيام رمضان يحتاج لنية .. نية للتعبد .. مش مجرد عادة .. لازم نجدد النية واحنا رايحين نصلي .. رايحين نصلي عبادة لله خالصة لوجهه .. قيام علشان ربنا أراد منا قيام الشهر والرسول حثنا على قيامه .. طاعة لله واتباعا للنبي صلى الله عليه وسلم

احتسابا يعنى نحتسب الأجر ويكون الأجر ظاهر قدام عيننا نرجو اننا نحصل الأجر ده

2- غير مؤكد :-

كثير نسمع بعض الخطباء أو الأئمة أو حتى إذاعة القرآن الكريم .. يقولك شهر رمضان شهر الأمة .. ويروح قايل حديث ..
الحديث ده بيتكرر كثير ..

الحديث بيقول :-

" رجب شهر الله ، وشعبان شهري ، ورمضان شهر أمتي"

مش سمعتوا الحديث ده قبل كده ؟؟ اهو الحديث ده ضعيف

واللى مسمعوش قبل كده يعرف انه ضعيف علشان ممكن يسمعه في اى وقت وخصوصا فى شهر رمضان .. وزى مقلنا التنبيه

على اللى قال حديث ضعيف يكون بطريقه كويسه وبينك وبينه

3- قصة طريفة :-

بمناسبة القيام وقراءة القرآن .. ينبغى ان نحرص على التركيز فيما نقرأ أو نسمع من القرآن .. ولو فيه حاجه مفهمناهاش نرجع لكتاب للتفسير علشان نفهم

مش نفهم القرآن بمزاجنا على غير مراد الله..

مش زي الأعرابي اللى ذكر قصته ابن الجوزي -رحمه الله- في أخبار الحمقى والمغفلين ..

قال ابن الجوزي -رحمه الله- :-

وصلى بعض الأعراب خلف بعض الأئمة في الصف الأول ، وكان اسم الأعرابي (مجرماً) فقرأ الإمام : والمرسلات عرفا ... إلى قوله (أَلَمْ نُهْلِكْ الْأَوَّلِينَ) فتأخر البدوي إلى الصف الآخر ، فقرأ الإمام : ( ثُمَّ نُتْبِعُهُمْ الْآخِرِينَ) ، فرجع إلى الصف الأوسط ،فقرأ الإمام : ( كَذَلِكَ نَفْعَلُ بِالْمُجْرِمِينَ) ، فولى هاربا وهو يقول : ما أرى المطلوب غيري .

http://69.59.144.138/icon.aspx?i=icon_smile_big

يعنى هذا الأعرابي صلى خلف الإمام والظاهر إنه مش حافظ السورة فكأنّه أول مرة يسمع السورة .. ولما سمع مفهمش معناه الحقيقى ومراد الله منه مفكرش يسال او يعرف التفسير .. لا .. فهم بمزاجه .. خد الكلام على ظاهره.. فكان هو في الصف الأول .. سمع الإمام يقول : ( ألم نهلك الأولين ) فساب الصف الأول ورجع لاخر صف .. لقى الإمام يقول : ( ثم نتبعهم الآخرين ) راح سايب الصف الآخر ودخل في اللى في النص .. لقى الإمام يقول : ( كذلك نفعل بالمجرمين ) وهو اسمه مجرم فساب الصلاة وطلع يجري .. وقال انا المقصود بالكلام ده

أكيد طبعا المقصود بالهلاك مش المصلين يعنى ولا أماكنهم جوه الصلاة .. لكن نعمل ايه بقى في المغفلين

فنحاول أن نفهم القرآن على مراد الله عزّ وجلّ يعنى نشوف كتب التفسير .. نسأل شيخ يكون عارف التفسير .. منحاولش نفهم القرآن بمزاجنا .. لربما كان المعنى اللى فهمنا غير المقصود تماما .. ومنعملش زي مجرم http://69.59.144.138/icon.aspx?i=icon_smile_wink ..ا

بكده خلصت الحلقة الثانية .. يارب متكونوش زهقتوا ..

وبكره إن شاء الله نلتقى في الحلقة الثالثه إن شاء الله

وجزاكم الله خيرا

اختكم فى الله
منى رشدى
اتبعونى ان شاء الله
انا عارفة انى اتأخرت عليكم بس أن شاء الله اعوض التأخير :)

http://www.shy22.com/upfiles/LcG79543.png

http://up.9ll9.com/uploads/images/9LL9-fb5c091be4.gif

http://www.shy22.com/upfiles/VFE79543.png

الحمد لله وحده والصلاة والسلام على من لا نبى بعده

ومع الحلقة رقم 3

من سلسلة

" مؤكد وغير مؤكدوقصة طريفة "

1- مؤكد :-

جزء المؤكد بتاعنا انهارده .. حيكون حديث .. والحديث ده يتضمن احياء سنة

...
وانت رايح تصلى التراويح او وانتِ رايحة تصلي التراويح

كثييير جدا بعد أول أربع ركعات تلاقى ناس كثير روحت

والأكثر منه بعد ال 8 ركعات وقبل صلاة الوتر تلاقى أفواااج بتمشي

زي ميكون الإمام حيصلى الوتر بره المسجد وهما طالعينله

طيب مشيوا ليه ؟؟ وراهم حاجه مهمه ؟؟

http://69.59.144.138/icon.aspx?m=blank

لا

طيب تعبانين أو مرضى ؟؟

برضه لا

طيب قاموا ليه ؟؟

مفيش .. كفاية كده .. نبقى نصلي في البيت بقه الوتر ..

طيب ده صح ومؤكد ولا غلط وغير مؤكد؟؟

لا غلط وغير مؤكد.. طيب ايه الصح والمؤكد ؟؟

الصح والمؤكد إن الرسول عليه الصلاة والسلام قال :

" إنه من قام مع الإمام حتى ينصرف كتب له قيام ليلة "

يعنى ايه بقه ؟؟ يعنى اللى يصلي مع الإمام لحد ما الإمام يخلص

يكتب ليه قيام الليلة .. يعنى الصح اننا نصلي مع الامام لحد ميخلص خااااالص وينصرف

طيب احنا بنحب نصلي الوتر بليل في البيت قبل الفجر .. نعمل ايييييه ؟؟

تصلى مع الامام الوتر ولما يسلم قوم صلى ركعة كمان .. يبقى انت مصلتش وتر

وفي نفس الوقت مضيعتش عليك أجر قيام الليلة

2 غير مؤكد:-

كثير جدا لما حد يعمل عمل كويس أو عمل خير ..

نلاقى الناس اتبسطت كده وراحت قايله :

يا سلاااام .. فعلا .. زي ما النبي -عليه الصلاة والسلام - قال :

" الخير في وفي أمتي إلى يوم القيامة"

وتلاقى اللى معاه راح قايل : ااااه .. صدق رسول الله

هو طبعا صدق رسول الله -صلى الله عليه وسلم - ..

بس الرسول مقالش الكلام ده ..

الحديث ده : لا أصل له
وانظر سلسلة الاحاديث الضعيفه والموضوعه حديث رقم 30

اختراع يعنى

حاجه مش موجوده فى كتب السنة أصلا

فنحذر من الحديث .. بس فيه حديث تانى صحيح ويفيد نفس المعنى ..

حد عارفه ؟؟

فكروا وحنقولوا إن شاء الله في حلقة قادمة

3- قصة طريفة :-

بمناسبة جزء الغلط والغير مؤكدالثابت في حلقتنا

كثير منا بيعمل الغلط علشان لقى الناس بتعمله

وده في حد ذاته غلط .. لأنه متأكدش اللى بيعملوه صح ولا غلط

ايه بقى الكلام اللى محدش فاهم منه حاجه ده ؟؟

اقرأ القصة ديه وانت تفهم :-

ذكر ابن الجوزي -رحمه الله- أن بعضهم قال :-

" و مررت بقوم اجتمعوا على رجل يضربونه ، فقلت لرجل يجيد ضربه : ما حال هذا ؟ قال : والله ما أدري ما حاله ، ولكنى رأيتهم يضربونه فضربته معهم لله عزّ وجلّ وطلبا للثواب "

http://69.59.144.138/icon.aspx?i=icon_smile_big

ده من غير ميعرف هما بيضربوه ليه أصلا .. وخلي بالك من حتة انه بيضربه لله وطلبا للثواب ديه

كثير منا نفس الكلام شاف الناس بتعمل فعمل .. من غير ميعرف اللى بيعملوه صح ولا غلط

يعنى كثير يجيلك ايميل فيه حديث موضوع مكذوب .. من غير منفكر نعرف صحيح ولا لا ..

على طوووووووووووووول ندوس على

Forward

وتكتب ايميلات صحابك وصحاب صحابك واللى يعرفوا صحابك واللى ميعرفوش صحابك

وانت في دماغك انك بتعمل كده طلبا للثواب وبتعمله لله

وانت بتساهم في نشر كلام كذب عن النبي صلى الله عليه وسلم

والغريب ان لو جاله حديث صحيح .. ميبعتوش !!

يقولك ما هو الناس تلاقيها عارفاه !!

فلازم نتأكد قبل مننشر حاجه عن الدين أو نساهم في حاجه أنها صح ولا غلط

مش علشان لقينا صحابنا بيعملوها .. نعملها

http://69.59.144.138/icon.aspx?i=icon_smile_wink

بكده خلصت الحلقة الثالثة يارب متكونوش زهقتوا ..

وبكره إن شاء الله نلتقى في الحلقة الرابعة إن شاء الله

وجزاكم الله خيرا

تابعونى مع الحلقة الرابعة
اختكم فى الله منى رشدى

http://www.shy22.com/upfiles/LcG79543.png

http://up.9ll9.com/uploads/images/9LL9-fb5c091be4.gif
http://www.shy22.com/upfiles/VFE79543.png

الحمد لله وحده والصلاة والسلام على من لا نبى بعده

ومع الحلقة رقم 4

من سلسلة

" مؤكد وغير مؤكدوقصة طريفة "

1- مؤكد :-

في جزء صح اليوم حيكون مرتبط شوية بجزء غلط .. الاثنين في موضوع واحد

وهو ممكن نقول عليه من احياء السنن

وهو موضوع السحور فموضوع السحور مهم جدا

وللأسف لا يلتفت كثير منا لأهميته

قال الرسول صلى الله عليه وسلم :-

" تسحروا فإن في السحور بركة "

الرسول صلى الله عليه وسلم أمرنا وحثّنا على السحور

كثير منا لا يتسحر ولا يستيقظ للسحور .. يصحى على صلاة الفجر على طول

- ده إن صحي أصلا -

تسأله اتسحرت انهارده .. يقول لا ..

طيب لا ليه ؟!؟

مفيش أصلي مبعطش ولا بجوع يعنى .. مش محتاجله يعنى

تحس ان جمل بيتكلم مش انسان

http://69.59.144.138/icon.aspx?m=blank

كثير ممكن يكون كده .. وكثير فعلا كده

فوالله لو لم يكن في السحور غير الاستجابة لأمر الرسول -صلى الله عليه وسلم- لكفى .

فالسحور به بركة تظهر بوضوح في وقت الصيام من الفرق بين النشاط والكسل

بين اللى تلاقيه تعبان واللى تلاقيه فايق.

فنحرص على السحور إن شاء الله

ونحرص على اتباع أمر النبي عليه الصلاة والسلام

2 غير مؤكد:-

من الحاجات الغلط ان كثير من الناس اللى مواظبة على سنة السحور

بيتسحروا في وقت بدري عن وقت السحور

تلاقي ناس بتتسحر قبل متنام ..ممكن قبل الساعه 12 ويصحى على الفجر

وطبعا زي مكلنا عارفين .. لازم اكتب شرطتين وبينهم

- ده إن صحي-
http://69.59.144.138/icon.aspx?i=icon_smile

وناس تتسحر قبل الفجر بساعتين وساعه

الكلام ده غلط .. ده خلاف السنة

لإن الرسول عليه الصلاة والسلام قال :

" عجلوا الإفطار و أخروا السحور "

والسنة إن السحور يكون في وقت السحر .. ولأن وقت السحر فيه بركة

فكان في السحور بركة

ايه بقه وقت السحر ده يعنى علشان مش واخدين بالنا ؟؟

السحر ده هو الوقت اللى قبل الفجر بحاجه بسيطة

وعلشان كده اتسمى السحور سحورا .. علشان بيبقى في وقت السحر

فاللى بيتسحر قبل الفجر باربع وثلاث ساعات ده خرج السحور بره وقته

فهو بكده ما أدركش السنة ولا فاز ببركة السحور

طيب انت متأكد ان السحور المفروض يبقى في الوقت ده قبل الفجر على طول ؟؟

طيب نشوف الحديث ده .. وهو حديث في صحيح البخاري
- يعنى أكيد صحيح -

" عن أنس: أن نبي الله صلى الله عليه وسلم وزيد بن ثابت تسحرا فلما فرغا من سحورهما قام نبي الله صلى الله عليه وسلم إلى الصلاة فصلى . قلنا لأنس: كم كان بين فراغهما من سحورهما ودخولهما في الصلاة ؟ قال: قدر ما يقرأ الرجل خمسين آية "

يعنى الفرق بين انتهاء السحور والصلاة وقت قراءة خمسين آية .. يعنى ممكن حوالى ربع ساعه مثلا

فالغلط تعجيل السحور .. والصح تأخيره لقبل الفجر بحاجه بسيطة

يبقى نصحى قبل الفجر ب نصف ساعه مثلا

نصلى ركعتين ونتسحر ونصلى الفجر

3- قصة طريفة :-

من غير مقدمات كثير

قال ابن الجوزي -رحمه الله- :

وخرج رجل إلى السوق يشتري حمارا ، فلقيه صديق له فسأله : إلى أين ؟ فقال : إلى السوق أشتري حمارا ، فقال : قل إن شاء الله ، فقال : ليس ها هنا موضع إن شاء الله ، الدراهم في كمي والحمار في السوق ، فبينما هو يطلب الحمار سرقت منه الدراهم فرجع خائبا ، فلقيه صديقه ، فقال له : ما صنعت ؟ فقال : سرقت الدراهم إن شاء الله ، فقال له صديقه : ليس ها هنا موضع إن شاء الله .ا

http://69.59.144.138/icon.aspx?i=icon_smile_big

نستفيد ان لما حد فينا يكون على غلط وحد ينصحه بالصح .. ميعاندش ويصر على الغلط علشان ميندمش ويرجع يحاول يعمل الصح ... بس بعد فوات الأوان

ونستفيد برضه سرعة التنفيذ .. يعنى متأجلش حاجه كويسه .. لو حد نصحك بحاجه صح متأجلهاش .. نفذ فورا

حاجه تانية نستفيدها .. أبدا متفكرش انك مستغنى وانك تقدر تعمل حاجه من نفسك .. لا احنا فى الاوقات محتاجين لربنا
واحنا لا حول ولا قوة لنا إلا بالله .. مهما كبرت أو عليت انت فقير إلى الله

ولما تهم بعمل شئ قل : إن شاء الله ..لا تنساها أبدا

بدل متيجى تشترى الحمار تلاقى الفلوس طارت إن شاء الله

http://69.59.144.138/icon.aspx?i=icon_smile_wink

بكده خلصت الحلقة الرابعة يارب متكونوش زهقتوا

وبكره إن شاء الله نلتقى في الحلقة الخامسة إن شاء الله

وجزاكم الله خيرا

تابعونى مع الحلقة الخامسة
اختكم فى الله منى رشدى

http://www.shy22.com/upfiles/LcG79543.png

جزاكى الله خيرا وجعله فى ميزان حسناتك

بالنسبة للحلقة التالتة

اعتقد حضرتك تقصدى الحديث ده

وعن عمران بن حصين - رضي الله تعالى عنه - قال: قال رسول الله - صلى الله عليه وسلم -: http://www.taimiah.org/MEDIA/H2.GIF إن خيركم قرني، ثم الذين يلونهم، ثم الذين يلونهم، ثم يكون قوم يشهدون ولا يستشهدون، ويخونون ولا يؤتمنون، وينذرون ولا يوفون، ويظهر فيهم السمن http://www.taimiah.org/MEDIA/H1.GIF متفق عليه.

اما بالنسبة للرجل الذين ضرب معهم ابتغاء الثواب من الله

القصة دى فكرتنى بقصة ظريفة رواها شيخنا ابو اسحاق الحوينى عن امرأة قٌتل زوجها فجات لرجل تستأجره ليقتل قاتل زوجها

ثم بكت وقالت له انها فقيرة ولاتملك ما تعطيه له

فقال لها

(سأقتله لوجه الله) مع الفارق فى القصتين
دمتى بخير وود

ومتابع معاكى ان شاء الله

اللهم اجعلنى خيرا مما يظنون ولاتؤاخذنى بما يقولون واغفر لى ما لايعلمون

اقتباس:

---

المشاركة الأصلية كتبت بواسطة salama10

جزاكى الله خيرا وجعله فى ميزان حسناتك

بالنسبة للحلقة التالتة

اعتقد حضرتك تقصدى الحديث ده

وعن عمران بن حصين - رضي الله تعالى عنه - قال: قال رسول الله - صلى الله عليه وسلم -: http://www.taimiah.org/MEDIA/H2.GIF إن خيركم قرني، ثم الذين يلونهم، ثم الذين يلونهم، ثم يكون قوم يشهدون ولا يستشهدون، ويخونون ولا يؤتمنون، وينذرون ولا يوفون، ويظهر فيهم السمن http://www.taimiah.org/MEDIA/H1.GIF متفق عليه.

اما بالنسبة للرجل الذين ضرب معهم ابتغاء الثواب من الله

القصة دى فكرتنى بقصة ظريفة رواها شيخنا ابو اسحاق الحوينى عن امرأة قٌتل زوجها فجات لرجل تستأجره ليقتل قاتل زوجها

ثم بكت وقالت له انها فقيرة ولاتملك ما تعطيه له

فقال لها

(سأقتله لوجه الله) مع الفارق فى القصتين
دمتى بخير وود

ومتابع معاكى ان شاء الله

اللهم اجعلنى خيرا مما يظنون ولاتؤاخذنى بما يقولون واغفر لى ما لايعلمون

---

السلام عليكم ورحمة الله وبركاتة

اخى فى الله الكريم ...سلامة
اولا اشكر اهتمامك وبارك الله فيك اخى الفاضل ورزقك رضاء الرحمن وشربة هنية من حوض الكوثر لا تظمأ بعدها ابدااا


أخى فى الله

بما أن الحديث (( الخير في وفي أمتي إلى يوم القيامة ))غير مؤكد وضعيف
ويغني عنه قوله صلى الله عليه وسلم(( لا تزال طائفة من أمتي ظاهرة على الحق حتى تقوم الساعة ))

وقصتك ايضا قريبة للحدث فـ شكرااا لمتابعتك
وانتظرنى أن شاء الله ولى الشرف
جزاك الله خيرااا

منى رشدى