فرز عام على شحاتين العالم (لله يا بيه)

بسم الله الرحمن الرحيم

اولا وحشتونى كلكم اعضاء مصراوى
ويا رب تكونو بخير

النهارده جيبلكم موضوع
قعدت احضر فيه واتابع فيه لحد ما جهزتهلكم

موضوعى النهارده بيتكلم عن المتسول يعنى الشحات
هكلمكم عن انواع الشحاتين فى العالم كله
هبدا بمتسولين بلاد برا
بتوع اوروبا يعنى

وهما نوعين بس

الاول
شحات الاحساس الراقى(الفنان)
وده شحات تلاقيه قاعد بالة موسيقية وبيعزف عليها علشان حضرتكم تميدو ايدكم فى جيوبكم وتحطلو اى حاجة فى الكوباية بتاعتو

الثانى
الشحات العادى
ده بقة شحات عادى قاعد ولا على باله ومش فارقة معاه تديله او متديلوش بيعها يعنى

اما بقة جينا لشحاتين مصر
وهما حوالى....... مش عارف عدو انتو معايا

الاول
شحات (غرام فى التوكتوك)
وده شحاتبيبقى قاعد فى توكتوك او عربية وبيقولك قصة غريبة علشان المفروض انت تديلو اى حاجة

الثانى
شحات (عايز اروح)
وده شحات كل يوم فى الاسبوع يجى لحضرتك يقولك انا مسافر ووقعت منى الفلوس ممكن 3 جنيه اروح
وتلاقيه الاسبوع الى بعده نفس النظام

الثالث
شحات (لو سمحت)
وده نوع جديد ممكن تبقى ماشى فى الشارع وتلاقى حد بيقولك لو سمحت طبعا انت هتروح لاقيه يقولك ممكن جنيه (وعلى حسب المنطقة كل منطقة وليها تسعيرة ) وهاكذا ممكن تشوفه كل وم عادى يعنى

الرابع

شحات (كبارى المشاه)
وده نوع بردو يعنى مش قديم قوى
وانت طالع كوبرى تلاقى ما بين كل عشر سيليمات شحات وطبعا بتبقى متقسمة ما بينهم والى يجى الاول بيقعد على اول السلم
ملحوظة(وانا طالع كوبرى لقيت اثنين شحاتين بيتخنقو مين الى يقعد فى الاول)

الخامس

الشحات (ابو فوطة)
وده تلاقيه واقف فى اشارات المرور معاه فوطة اعوز بالله سوداااااااااااااااااااااا اا خالص مش بتمسح العربية دى بتبهدلها خالص
ودول غالبا بيبقو مظبطين مع عساكر المرور

السادس

شحات(المترو والاتوبيس)
وده شحات بيطلع الاتوبيس ويقعد يقولك كده كلام غريب الله اعلم بيه طبعا
بس على فكرة مرة شات سرق موبيلى بنفس الطريقة
يعنى معظمهم هرمية

السابع

الشحاتين (المقاطيع)
بوص بقة يا سيدى انت بتنوى بندر وبتقول هوزع كذا مثلا فى السيدة او الحسن
هناك بقة ناس مقاطيع قاعدين يكلو وخلاص مش محتاجين خالص بدليل لو رحت كل يوم تلاقيهم وكل سنة تلاقيهم

ملحوظة
موضوعى مش تريقة خالص عن المتسولين
بس الشحاته حراااااااااااااام وده اجمع عليه العلماء والشيوخ
حرام الواحد يبقى مصدر رزقة من عاهة فيه

تقولولى الواحد بيعمل الى عليه وبيديلو فلوس وربنا بقة ادرى بيه
اقولو لاء انت او انتى غلاطانة
تقولولى ازاااااى
اقولكم
هناك بعض الجمعيات الخيرية هى التى بتتبنى الموضوع ده يعنى لو عايز تعمل خير مضمون
يبقى عليك وعلى الجمعيات الخيرية او المستشفيات

مشكــــــــــــــــــــــ ـــــــــــــــــــــــــ ـــور :):)

اقتباس:

---

المشاركة الأصلية كتبت بواسطة fulla

مشكــــــــــــــــــــــ ـــــــــــــــــــــــــ ـــور :):)

---

ثانكس فلة على المشاركة نورتى يا جميل

برافو عليك والله بس تعرف انا لما بلاقى حد كده مش بديله اصلا واللى يغيظ يبقى ناس شباب فى كامل صحتهم وواقف يشحت حاجه تشل وتعل كمان

نايس توبيك

اقتباس:

---

المشاركة الأصلية كتبت بواسطة broken_heart

برافو عليك والله بس تعرف انا لما بلاقى حد كده مش بديله اصلا واللى يغيظ يبقى ناس شباب فى كامل صحتهم وواقف يشحت حاجه تشل وتعل كمان

---

ما هى بقة شغلانة جديدة ذى بقية الشغلانات اى حد يتقدملها وبيتعملها CV
بس حلوة (كلمة تشل وتعل دى)=))
نورتى يا قمر التوبيك
وكل سنة وانتى طيبة

اقتباس:

---

المشاركة الأصلية كتبت بواسطة HoBa HoBa

نايس توبيك

---

ثانكس هوبة
على مروريك الطيب

اقتباس:

---

المشاركة الأصلية كتبت بواسطة King MeZo

ما هى بقة شغلانة جديدة ذى بقية الشغلانات اى حد يتقدملها وبيتعملها CV
بس حلوة (كلمة تشل وتعل دى)=))
نورتى يا قمر التوبيك
وكل سنة وانتى طيبة

---

لابجد طيب اقدم السى فى بتاى فين قولى بسرعه احسن انا مش لاقيه شغل

اقتباس:

---

المشاركة الأصلية كتبت بواسطة broken_heart

لابجد طيب اقدم السى فى بتاى فين قولى بسرعه احسن انا مش لاقيه شغل

---

ههههههههههههههههههههههههه
طيب بصى يا ستى
اولا هتجيبى استمارة من نقابة الشحاتين تحت بند ادينى استمارة لله
ثانيا تعملى كعب عمل مع حوالة للنقابة
شهادة خبرة لازم طبعا
تخدى منحة وتدريب تنزلى الشارع يعنى وتتدربى
تختارى بعد كده النوع الى انتى عايزة تشتغلى فيه من الانواع الى فوق
بس يا ريت بعد ما تشتغلى متنسيناش بشقة من العماير الى انتى هتبنيها

الشحاتة دى حاجة رخمة اوى:-O
وعلى فكرة دلوقتى بقوا يلفوا على البيوت :|
تديلو نص جنية يقولك لا عايز جنية #:-S
رخامةX-(
والنصيبة يقولك ايةX-(
عندكو اكل:(
ويقعد على الباب سنة وانا اكون اقفل الباب وهو لسة واقف:(#:-S
تباتة ورزالة X-(X-(