الست لما تبقا زنانــــــــــــــــة
نادر جدا لما تلاقي واحدة ست مش زنانة
حتي اقرا معايا المشهد ده
و هوا من وحي خيالي
أصلي قابلت في حياتي انماط كتيرة من الستات الزنانات
http://sl.glitter-graphics.net/pub/1...a7wuonb9i4.gif
ام عتريس : سي فوزي
فوزي ( منشغلا بالجريدة عمدا ) : احم احم
ام عتريس : يا سي فوزي
فوزي ( رافعا طرف شفته العليا بتأفف ) : استر يا ستار ... رحمتك بينا يارب
ام عتريس : فوزوزتي
فوزي (( يناجي ربه بينه و بين نفسه )) : يارب دانا عبدك الغلبان ... ياما صليت و زكيت و حجيت
فك عني ... يارب هون عليا .... يارب اعمي بصرها عني .... أشتاتا أشتوت ...... انصرفي انصرفي
ام عتريس : يا ابو ريسو
فوزي : ريسو ؟؟؟؟؟؟؟ ريسو مين يا ولية
ام عتريس : ابنك يا سي فوزي ... انت هتتبري منه و لا ايه؟؟؟
فوزي : لا ياختي مش هتبري منه
((( لحظة صمت )))
http://sl.glitter-graphics.net/pub/1...epjbpofwi5.gif
ثم
ثم
http://sl.glitter-graphics.net/pub/4...hwqcdj4ex0.gif
ام عتريس : يا فوفا
فوزي : ابو فوفا ع اللي جابو فوفا
ام عتريس : حبيب فتكات
فوزي : اللهم افتك بها يارب بحق جاه النبي
ام عتريس : يا ابو العيال
فوزي : عايزة ايه يا وليه في ليلتك اللي مش معدية النهاردة ؟
ام عتريس : يووه
فوزي : يا ولية انطقي قولي علي طول ... جننتي أهلي
أم عتريس : إهئ إهئ إهئ ....
فوزي : أيوة اقعدي قوقي بقا .... جتك دمل في ركبك
أم عتريس : مقبولة منك يا أخويا ... يا سبعي ... يا جحشي.... قصدي يا جملي
فوزي : اتلمي يا ولية .... اتلمي في نهارك اللي مش فايت .... اتلمي انا تعبان و مش ناقص
أم عتريس : مالك يا خويا كده مش طايقلي كلمة و بتجز علي سنانك كده
فوزي : مش طايقلك كلمة ؟ قولي مش طايقلك حجر ... مش طايقلك دبش
لسانك بينقط سكر يا ولية
http://sl.glitter-graphics.net/pub/6...e0ty7iodyd.gif
و ذهب أبو عتريس .... الي بيت الراحة متأففا ..... في براءة شديدة كبراءة الاطفال
و خرج بنفس ذات البراءة ...و جلس يشاهد الماتش
http://sl.glitter-graphics.net/pub/7...turcfebzs2.gif
ام عتريس : سي حففي
فوزي : بتكلم مين الهبلة دي؟
ام عتريس : يا سي حففي
فوزي : يارب يا تاخدني يا تاخدها يارب
ام عتريس: يا ابو عتريس
فوزي : أفندم؟
ام عتريس : يا ابو عتريس يا حبيبي
فوزي : ياولية انطقي ... نطقت الميه في زورك
ام عتريس : ما قولتليش يا اخويا
فوزي : يا خويا
ام عتريس : استني بس
ما قولتليش عايز تاكل ايه بكرة يرم عضمك ياا حبيبي
فوزي : ماحنا لسه طافحين يا ولية
هوا انتي مافيش في مخك غير الأكل ؟
ام عتريس : ايه رايك يا خويا في حلة محشي ورق عنب و كرنب و شوية فلفل علي بتنجان
فوزي : شوف الولية اقولها ايه تقولي ايه
http://sl.glitter-graphics.net/pub/3...s0g7t6ja93.gif
ام عتريس : ولا اعملك يا ابو عتريس حلة مسقعة بالفلفل المولع تستاهل بقك
فوزي : أي حاجة يا فتكات .... أي حاجة ... ما توجعليش دماغي
ام عتريس : طب استني استني ... ايه رأيك في شوية منبار و حبة كرشة مطبوخة بالصلصة هتاكل صوابعك وراهم
فوزي : مش هتفرق يا فتكات .... أي هباب هتحطيه أدامي هتنيل اكل
ام عتريس : لا يا روحي ازاي ... لازم تاكل حاجة ترم عضمك يا ابو ريسو
انت شقيان يا اخويا طول النهار ده غير ان الدنيا صيام
ان مكناش ناكل في رمضان هناكل امتي اومال
فوزي : ارحمني يا رب.... انتي طارشة يا ولية .... منا بقولك اعملي اي نيلة علي دماغك هاكلها
ام عتريس : اسكت يا فوزي ... جاتلي فكرة مطرقعة
فوزي : خير يا طرائيعو
ام عتريس : ايه رأيك اعملك كوارع مش هتاكل زيها في حياتك
فوزي : ليه هاكلها و اموت بعدها؟
ام عتريس : استني بس .... دانا هعملك شوية فتة جنبهم اوعي وشك
فوزي : انا هوعي وشي خالص و اقوم من المسمط اللي انا قاعد فيه ده
http://sl.glitter-graphics.net/pub/1...jumwgvsn0a.gif
و ذهب فوزي ليخلد الي النوم
طلبا للراحة الذهنية و العقلية
علما بان فتكات تعلم علم اليقين انها لو حاولت تصحيه هيبقا ليلة اهلها سودة
http://sl.glitter-graphics.net/pub/1...csu391qupo.gif
بعد ربع ساعة
ام عتريس : سي فوفا
فوزي : نهارك مالوش ملامح النهاردة
انتي يا ولية انتي حد موصيكي علي اهلي ؟
ام عتريس : ايه يا اخويا ؟ مالك يا ابو عتريس ؟ دايما كابسني كده يا فوفا
فوزي : فوفا في عينك .... يا بت انتي مش عارفة اني ماحبش حد يصحيني من النوم و يقلق منامي ؟
ام عتريس: هوا انا يا اخويا لسه كلمتك ولا جيت جنبك
فوزي : انتي مش عارفة يا ولية اني ماحبش نور الاوضة يضرب في عين اهلي و انا نايم
ام عتريس : اسمع بس يا فوفا
أصل انا خطر علي بالي أكلة بقا مش زي أي أكل
فوزي : اه يا حوستي السودة يانا ياما
ام عتريس : و النبي يا خويا دانا نسمة و ربنا باعتني هدية ليك
فوزي : قصدك باعتك يكفر بيكي سيئاتي
ام عتريس : ااصبر بس
ايه رأيك بكرة اعملك يا خويا شوية بامية تحلف بيها طول حياتك ؟
فوزي : حياتي ؟ انتي حياتك شكلها هتنتهي علي ايدي النهاردة
ام عتريس : طب بص.... انا فهمتك .... تاكل سمك يا نن عيني ؟
و النبي شكلك عايز فوسفور
فوزي : يا ولية عندي شغل كمان ساعة سيبيني في حالي
ام عتريس : طب اجيبلك معاهم شوية جمبري يا ابو عتريس
http://sl.glitter-graphics.net/pub/2...anv7l37ic5.gif
حاليا فتكات في العناية المركزة في مستشفي منشية البكري
و هقولكو ليه و ايه اللي حصل بعد ما خرجت م المستشفي
في الجزء الثاني ان شاء الله
هنا
في نفس المسمط http://www.egyedu.com/vb/images/smilies/smile.gif
