" بحره غريق " أغنية من كلمات عصام الدين محمد
بحره غريق
قالـولي د بحره غريـق .... وبلاش تجازفي وتنزلي فيه
لكن اعمل ايه لقلبي الجرئ .... أهــو خدني وميلت عليه
وأخدت شراع الحب وقلت .... أنا عايزه اشوف آخرتها أيه
**********
يــوم ورا يـوم .... فضلت أعوم في بحر هواه
وإن خدني الشوق .... مع مــوجة فوق أطلع وياه
ويـخدني الموج ويجبني .... وبرغم خوفي عاجبني
وف مرة جات ريح عالية .... لـدوامة كبيرة خادتني
ولقـيتني بغرق ف ثانيه .... وجات إيـدين تانية شالتني
وإديتني طــوق نجاه .... ولحد البر جابتني
بصيت أشوفهم مين .... لقيتهم اللي نصحوني
منزلش ف بحـر هواك .... وياما كتير قالولي
بـحر هواك غدار .... جواه عذاب ومرار
**********
كلمات عصام الدين محمد
