دوره تدريبيه عن انفلونزا الخنازير
قامت منطقه 6 اكتوبر الطبيه بعمل دوره تدريبيه لاطباء المدارس والزائرات الصحيات لاكسابهم اكبر قدر من التوعيه والمعرفه عن الوباء اللعين انفلونزا الخنازير
احب اديكم فكره عن بعض المعلومات من الدوره دى
اولا طرق الوقايه
غسل الايدى جيدا وكثيرا وياريت يكون الصابون سائل
استخدام الماسك الواقى
استخدام المناديل الورقيه مع المراعه فى التخلص منها فى القمامه وياريت يكون كل طالب معاه كيس فى شنطته يرمى فيه مخلفاته
كل طالب يحضر معاه فوطه وصابون ويحاول قدر المستطاع غسيل ايديه
وعلى الام فى المنزل تطهير كل الاسطح فى المنزل بالكلور المخفف بنسبه1/9
ايضا من اهم طرق تقويه المناعه هى الاكل المتوازن الصحى والنوم الكافى ده بيقوى المناعه علشان لاقدر الله نقدر نقاوم الفيروس ده
كمان من اهم طرق الوقايه الاكتشاف المبكر للمرض يعنى الام ولا تهون ولا تهول يا جماعه
اقول لكم بقى الاعراض
1-ارتفاع فى درجه الحراره لاكثر من 3 ايام
2-ضيق فى التنفس
3-كحه قويه(ناشفه)
4-تكسير فى الجسم
5-ممكن يكون فى رشح وممكن لا
يارب اكون فدتكوا يا حبايبى وربنا يحفظنا ويحفظكوا انتو وولادكوا ولو عندكوا اى سؤال انا فى انتظاره
ملحوظه/التامين فتح باب الاجازات يعنى من حق الطالب الذى يشعر باى تعب لا قدر الله ان ياخذ الاجازه المطلوبه دون اى تعقيد
http://forums.fatakat.com/images/bigsmilies/mood15.gif
