ليلة الامتحان........دراما الاسرة والمجتمع

تأتى ايام الامتحانات وتتبدل الحياة فى كثير من البيوت المصريةمن تغيير لنظام الاكل

.

والتوتر فى تزايد والحالة النفسية زبالة

تعالوا بينا نفتكر الايام دى وانا عارفه ان كل واحد حيفتكر نفسه ...........

"المشهد الاول"...............
(قبل الامتحان بشهر)

قوم يا بنى حرام عليك قوم افتحلك كتاب يابنى علشان خاطرى قوم الاهى اشوفك دكتور طيب يا ماما نص ساعة بس نص ساعة ايه بس يا بنى ما انت نايم طول النهار طيب ما انا سهران طول الليل انا مش صاحى غير بعد ساعة يلا بقى.المسكينة امك :طيب والله لما ابوك يجى لنكون قيلاله نام الهى ماتعرف تقوم.

ابوك:هو الباشا لسه نايم تبقى ابلينى لو نفع بكرة الضرب فيه يبقى بالجزم.

"المشهد التانى"............

(قبل الامتحان بتلت اسابيع)

المسكينة امك:كل خلى مخك يشتغل كل يا حبيبى وقوم ذاكر.حااااااااااااااااضر.

يابنى كفاية كده تليفزيون حرام عليك.علشان عنيك حتى. طيب يا ماما نصية بس وحنقوم.

"المشهد الثالث".........

(قبل الامتحان بأسبوعين)

قاعد تدح ومامتك فرحانة بيك. وباباك داخل عليك عارف لو ما جبتش مجموع عدل حنعلأك على باب الشقة ونخلى اخواتك الصغيرين يضربوك بالجزم.انا مش عيزك توتر نفسك علشان تعرف تذاكر. بيقولوا ان الامتحانات جية صعبة السنة دى......

"المشهد الرابع".........

(قبل الامتحان باسبوع)

انا مش فاكر حاجة انا حأجل السنة دى مش داخل الامتحان لأه لأه...................

براحة شويه يا ابنى انت مش بتذاكر طول السنة براحة بس..

"المشهد الاخير "

(يوم الامتحان يكرم المرء او يهان)

المذكرة فى ايدك وماشى تجرى ومقق عنيك فى المذكرة متجمعين فى الحوش كله بيراجع واللى بيعيط واللى بيصوت ورايحين اللجنة كأنكم رايحين النار والدعوات تتعالى .ربنا يستر............