ادخل ولك الجنه!!!!حاجات انت مش عارفها وانا نفسى اعرفها؟؟

السلام عليكم ورحمه الله وبركاته

لاحظت ان فى مواضيع كتير جدا عن اسماء الله الحسنى وسجل ونحفظها
وحبيبنا ونبينا عليه الصلاه والسلام قال( من احصاها دخل الجنه)

بس انا كمان مش تفكيرى صغير اوى للدرجادى ان احفظ 99 اسم ادخل الجنه بيهم
لا ياجماعه الموضوع مش كدا خالص

من احصاها : يعرفها يعرف يعنى كلمه العظيم فيعظم الامور اللى ربنا امره بيها كالصلاه

وانا لقيت فكره كويسه اى حد فينا هيطرح اسم من اسماء الله الحسنى ونتكلم فيها لغايه من نعرفهم وبكدا نبقى حفظناهم

انا هبدا بالجبار

" جبار السماوات والارض" الاسم يهزك مش كدا انت خفت صح

ايه يا عم دا هنبدأ علطول بالجبار كدا

الجبار

بس عاوز اعرفك حاجه ونفسى اعرف معنى جميل اوى للاسم الجميل دا:

الانسان لما بيتكسر بيروح للدكتور بيعمله ايه؟؟؟=((

عارف بيعمل ايه............. بيجبر الكسر>:D<

اللـــــــــــــه والله والله المعنى دا يخليك تحب ربنا حب

تخيل جبار اسم من ارق اسماء الله الحسنى جبار بيجبر خاطرك وبيجبر كسرك

بيجبر الضعيف بيجبر المسكين

تخيل انك مكسور الخاطر والقلب وتروح لربنا تقف بين ايديه وتقؤله يارب اجبر خاطرى

انا المعنى دا مكنتش اعرفه وحبيت اعرفه ليكم

اتكلم بقى عن اسم من اسماء الله انت وعرفنا حاجات ممكن مش نكون عرفنها ياريت انا نفسى اعرف العزيز الملك ......... معانى حلوه اوى لو عرفناها هنعش صح وهنحب ربنا اوى

ولازم تعرف حاجه مهمه اوى

"من ذكرنى فى نفسه ذكرته فى نفسى ومن ذكرنى فى ملأ ذكرته فى ملأ خير منه " دا كلام الجبار ..

الموضوع جميل وانا اول مره اعرف معني الجبار جزاك الله كل خير

شكرا على عرض الموضوع ...
مع اسم الله /الملك

الملك: الملك هو الظاهر بعز سلطانه ، الغنى بذاته ، المتصرف فى أكوانه بصفاته ، وهو المتصرف بالأمر والنهى ، أو الملك لكل الأشياء ، الله تعالى الملك المستغنى بذاته وصفاته وأفعاله عن غيرة ، المحتاج اليه كل من عداه ، يملك الحياة والموت والبعث والنشور ، والملك الحقيقى لا يكون إلا لله وحده ، ومن عرف أن الملك لله وحده أبى أن يذل لمخلوق ، وقد يستغنى العبد عن بعض اشياء ولا يستغنى عن بعض الأشياء فيكون له نصيب من الملك ، وقد يستغنى عن كل شىء سوى الله ، والعبد مملكته الخاصة قلبه .. وجنده شهوته وغضبه وهواه .. ورعيته لسانه وعيناه وباقى أعضائه .. فإذا ملكها ولم تملكه فقد نال درجة الملك فى عالمه ، فإن انضم الى ذلك استغناؤه عن كل الناس فتلك رتبة الأنبياء ، يليهم العلماء وملكهم بقدر قدرتهم على ارشاد العباد ، بهذه الصفات يقرب العبد من الملائكة فى صفاته ويتقرب الى الله

على

اقتباس:

---

المشاركة الأصلية كتبت بواسطة smsama

الموضوع جميل وانا اول مره اعرف معني الجبار جزاك الله كل خير

---

شكرا للمرور على الموضوع وجزانا الله واياكى الجنه.

اقتباس:

---

المشاركة الأصلية كتبت بواسطة thegohst

شكرا على عرض الموضوع ...

مع اسم الله /الملك

الملك: الملك هو الظاهر بعز سلطانه ، الغنى بذاته ، المتصرف فى أكوانه بصفاته ، وهو المتصرف بالأمر والنهى ، أو الملك لكل الأشياء ، الله تعالى الملك المستغنى بذاته وصفاته وأفعاله عن غيرة ، المحتاج اليه كل من عداه ، يملك الحياة والموت والبعث والنشور ، والملك الحقيقى لا يكون إلا لله وحده ، ومن عرف أن الملك لله وحده أبى أن يذل لمخلوق ، وقد يستغنى العبد عن بعض اشياء ولا يستغنى عن بعض الأشياء فيكون له نصيب من الملك ، وقد يستغنى عن كل شىء سوى الله ، والعبد مملكته الخاصة قلبه .. وجنده شهوته وغضبه وهواه .. ورعيته لسانه وعيناه وباقى أعضائه .. فإذا ملكها ولم تملكه فقد نال درجة الملك فى عالمه ، فإن انضم الى ذلك استغناؤه عن كل الناس فتلك رتبة الأنبياء ، يليهم العلماء وملكهم بقدر قدرتهم على ارشاد العباد ، بهذه الصفات يقرب العبد من الملائكة فى صفاته ويتقرب الى الله

على

---

جزاك الله خيرا على اختيارك لاسم من اعظم اسماء الله " الملك"

عارف احنا لو عرفنا معن الاسم دا صح وقدرناه حق قدرته هنرتاح جدا

ودا الهدف من الموضوع دا ان احنا نعرف الاسم ونطبق على حياتنا

الملك يملك كل شئ كل حاجه فى الدنيا دى بتاعه ربنا بيتصرف فيها كيف يشاء

بيتى وبيتك والارض كلها ملكه والسما كمان ملكه

يــــــــاه ازاى اعصى ربنا وانا فى ملكه وفى ارضه ...

كنت بستصعب كلمه لااله الا الله وحده لاشريك له له الملك وله الحمد وهو على كل شئ قدير

بس لما عرفت المعنى بتاعها بقيت بحبها اوى كل حاجه ملكك يارب وانا ملكك فسامحنا وارزقنا من حيث لا نحتسب

هارون الرشيد وهو بيموت كان بيقول" يا من لا يزول ملكه ارحم من قد زال ملكه"

الموضوع بجد رائع بل اكثر من رائع ويحتوي معلومات جميله جدا وجميعها تستحق التعظيم بارك الله لكل المشاركين في الموضوع وجزاكم الله خير الجزاء

>:D<جزاكم الله كل الخير>:D<
و أنا بأمر الله متابعة لأتعلم منكم
دمتم بخير:)

السلام عليكم ورحمه الله وبركاته

اولا شكرا للاخوه الكرم اللى شرفونى ومروا على الموضوع وكمان افداونا بمعلومات جميله

انا هتكلم عن اسم جميل اوى الودود
ايه الفرق بين الود والحب ؟

الود ارقى مراتب الحب يعنى

لو حد فينا بيحب حد اوى اوى ووبيعمل له كل حاجه كدا احنا بنسميه بيود الانسان دا

ولله المثل الاعلى
فكل هواء تتنفسه في اليوم هو رسالة حب من الله تقول يا عبدي إني احبك لذا سخرت لك الهواء ليمدك بالحياة ، وكل دقيقة نوم تهنأ بها هي رسالة حب من الله تقول يا عبدي أنا احبك فوفرت لك راحة البدن ، وكل طعام لذيذ نأكله هو رسالة حب من الله تقول يا عبدي أنا احبك ولذلك رزقتك هذا الطعام اللذيذ ، حتى الصلاة والصيام هي رسائل حب من الله تقول لك يا عبدي أنا أحبك ولذلك أعنتك على طاعتي ، والجنة التي خلقها الله فيها ما عين رأت ولا أذن سمعت ولا خطر على قلب بشر هي رسالة حب من الله تقول يا عبدي أنا أحبك لذا بنيت لك مسكنك في الآخرة ولكن حزننا على المفقود ينسينا الشكر على الموجود

بصوا انا هقولكم كلام من اجمل كلام الله الودود انا بصراحه مذهول قدام الحنان والحب والرحمه دى :
إذا رفع العبد يديه للسماء وهو عاصى فيقول يارب فتحجب الملائكة صوته فيكررها يارب فتحجب الملائكة صوته فيكررها يارب فتحجب الملائكة صوته فيكررها فى الرابعة فيقول الله عز وجل الىمتى تحجبون صوت عبدى عنى؟؟؟ لبيك عبدى لبيك عبدى لبيك عبدى لبيك عبدى ...

الله على رحمتك يا رب ... طيب شوف دى كمان

"عبدى أخرجتك من العدم الى الوجود وجعلت لك السمع والبصر والعقل عبدى أسترك ولا تخشانى، اذكرك وأنت تنسانى، أستحى منك وانت لا تستحى منى. من أعظم منى جودا ومن ذا الذى يقرع بابى فلم أفتح له ومن ذا الذى يسألنى ولم أعطيه. أبخيل أنا فيبخل على عبدى؟ "

اد ايه الكلام دا لما بتقراه بقلبك يهزك ودوووووووووووووووووووود
يا عبادى إنى حرمت الظلم على نفسى وجعلته بينكم محرما فلا تظالموا
يا عبادى كلكم جائع الا من أطعمته فاستطعمونى أطعمكم
يا عبادى كلكم عار الا من كسوته فاستكسونى أكسكم
يا عبادى كلكم ضال الا من هديته فاستهدونى اهدكم
يا عبادى انكم تخطئون بالليل والنهار وأنا أغفرالذنوب جميعا فاستغفرونى اغفر لكم
يا عبادى انكم لن تبلغوا ضرى فتضرونى ولن تبلغوا نفعى فتنفعونى
يا عبادى لو أن أولكم وأخركم وإنسكم وجنكم كانوا على أتقى قلب رجل واحد ما زاد من ملكى شيئا
يا عبادى لو أن أولكم وأخركم وإنسكم وجنكم كانوا على أفجر قلب رجل واحد ما نقص من ملكى شيئا يا عبادى لو أن أولكم وأخركم وإنسكم وجنكم قاموا على صعيد واحد فسألونى فأعطيت كل واحد منهم مسألته ما نقص ذلك مما عندى الا كما ينقص المخيط إذا دخل البحر ..

دا كلام الودود اللى بيتودد لينا يا ترى اى حد عاقل فينا حد بيحبه كدا يعصيه ويخليه يغضب عليه

سامحنا يارب على كل معصيه

جزاك الله خيرا وجعله فى ميزان حسناتك

دمت بحفظ الرحمن وبارك الله فيك