عرض للطباعة
الحب بس هو وحده
************
الحب بس هو وحده
جلاب السعادة للناس
مفيش لا قبله ولا بعده
يديلك نفس الإحساس
محروم ياللي متعرفهوش
مسكين ياللي مجربتوش
الحب يبني والكره يهد
وكلمة حلوة في الدين بتسد
ولما تلين للقاسي يلين
وتزيد قساوته لما تشد
سنين العمر قليلة
ليه نقضيها في خصام
صالح نفسك قبل غيرك
جرب تعيش كدة في سلام
صدقني سعادتك إنت بأيدك
ليه تضيعها وتعيش في آلام
***********
من خواطر عصام الدين محمد
بجد احنا فى حاجة الى الحب ليس حب الحبيب للحبيبتة ولكن الحب بكل انواعه ونعتبر شعرك دة دعوة للحب والسلام <ومن نجاح لنجاح ياعصام ربنا يوفقك>
عزيزتي لولي شكرا لكلماتك الجميلة وأرجو ان يملأ الحب قلوب كل البشر حتي لايبقي فيها مكان للكراهية.
عصام الدين محمد
بجد خواطرك رائعة يا عصام ليها معنى جميل واحساس رائع يارب تمتعنا بخواطر اكتر واكتر
عزيزتي الرومانسية كلامك رقيق وكله حنية واشكر لك مرورك ومتابعتك ليا
عصام الدين محمد
تسلم يا فنان على أقوى كلمات:)
وتسلمي انت كمان يااحساس وربنا يحبب فيك احلي الناس وتشربي من السعادة اطعم كاس
عصام الدين محمد