ماذا افعل؟

انا مش عارف اعمل ايه؟
بحب وحده معايا في الجامعه وهي اول حب في حياتي وبحبها حب مش قادر اوصفه وجيت في مره وصرحتها وعرفت ان هي كمان بتبادلني نفس الشعور وكله بقي تمام لما بنكون مع بعض بنقعد نتكلم والحياه بتبقي مفيش بعد كده لما بتبعد عني زي متكون بتتغير او تتحول مش بترد علي تليفوناتي ولا حتي بترن عليا عشان اطمن عليها ولو ردت عليا تقعد تتحجج باي حاجه ولو انا مرنتش عليا مثلا لمده يومين ممكن تعملها زعله وافضل اصالح فيها وعلي كده طول الاجازه ولما بنرجع الجامعه تاني بتبقي واحده تانيه خالص وعلي الحال ده علي طول انا خلاص تعبت بجد ومعنتش عارف اعمل ايه .
انا مش عارف اعمل ايه؟

اولا اهلا بيك وسط بيتك التانى

ثانيا يعنى اية مش عارفة تعمل اية ماتواجها باللى هى بتعملة واعرف هى بتحبك ولا لا لان لو بتحبك مش هاتعمل كده اصلا وهتستنى بفارغ الصبر مكلمتك ليها اما اللى هى بتعملة ده
سورى يعنى اسمة تضيعة وقت عايزة لما تكون فى الجامعة تقتى وقت جميل مع انسان بيحبها
ولما تيجى الاجازة خلاص بيبقى فى حاجات تانى تشغلها زى الخروج مع اصحبها وارايبقها وحاجات كتير ممكن تونسها او بالمعنى الاصح تشغل وقتها الفاضى بيها غيرك
اعزرنى لو اتكلمت معاك بوضوح زياده بس والله كل النا اللى هنا اخواتى وبخاف عليهم جدا
ولما اشوف اخويا واقف مش عارف يتصرف لازم اقولة حتى لو الكلام جرحه بس كل اللى تعملة دلوقتى انك تواجها وتخيرها لاتكون حلوة وتحبك علطول يا اما كل واحد يروح لحالة
وساعتها فى الوقت ده هاتعرف بجد مشاعرها
اتمنالك السعاده من كل قلبي
اختك : شيري :)

أنا رأي من رأي الأخت شيري وفعلا يا كيمو لازم تواجها وتشوف هي بتحبك ولا لا مع اني عارف اني اللي بيحب بجد ميقدرش يستغني لحظه واحدة عن حبيبه ولا يقعد من غيرما يسمع صوته _لازم تعرف نهايه الي أنتا فيه أيه وأي كانت _فنهايه مؤلمه أفضل من الم بلا نهايه

بص هيا لو مش بترد عليك خالص ولا بتعبرك ولما تعملها فيها تزعل يبقا دة حجج فارغة وبتبقا عيزة تزعلك علشان تبعد عنها دة رائى تقبل مرورى اريج

انا برضو مع كلامهم.لازم تعرف هى بتحبك ولالا.. لان تصرفاتها دى غريبه .سورى يعنى متزعلش بس مش تصرفات واحده بتحب بجد..لان اى بنت بتبقى مستنيه تكلم حبيبها وملهوفه عليه.وبتطمن عليه اكتر ما هو بيطمن عليها.بيبان ع اللى بيحب ف اى وقت سواء قدامك او بعيد عنك .البنت لما بتحب بجد صعب اوى تقسى ع اللى بتحبه.ف ياريت تعرف موقفك ايه .وربنا معاك

انا بشكركم كلكم علي الاهتمام ده كله وفعلا لازم اوجها واعرف اخر اللي بيحصل ده ايه وربنا يستر اصل ده اول حب في حياتي وانتو عرفين طبعا يعني ايه اول حب

عرفين والله بس هو كدة حب مش كلوا سعادة ونجاح فى مرة فشل والدنيا تجارب

بص ياكيمة شوف مالها وايه اللى مغيرها يمكن يكون زعلانة منك وانت مش واخد بالك لان اللى بيحب بجد يبقى عايز يشوف حبيبه على طول ويطمن عليه ويسمع صوته ويكون مش قادر يستحمل بعد عنه لمدة دقايق

لو هي بتحبك بجد مكنتش هتتصرف كده لازم تواجهها وتحط حد للعلاقة عشان تستريح