ياأهل الفن والمغني
ياأهــل الفن والمغني * * * ياناس ياهــــووووه
كلامي كــبير وله معني* * * وإمتي بقي هتسمـعوه
من صغر سني وانا بكتب * * * وياما قلت كلام جـميل
لوسمعه يوم قلب قاسي * * * أكيد هيحن معاه ويـميل
وأنا معرفش طريق اليأس * * * ولا يوم هعرف مستحيل
وطول م أنا قلبي لسه نابض * * * هأفضل بردو هاقول وأعيد
كـلام يقوله حبيب مشتاق * * * يحنن بيه حبيب بــعيد
ويحسـسه بنار الحرمان * * * ويخلي نار الشوق تزيد
وياما كتبت كتير للحياري * * * واللي قضوا الليل سهــاري
وياما عبرت كتيرعن مشاعر * * * منها حزن وفرح وهموم
وف حب بلدى كلامي واعر * * * وياما واسيت حزين مظلوم
واحب أقول رأيي بحريه * * * من غيرماأذي بيه الناس
وأنقد لكن بذوق وروية * * * من غير ماأجرح يوم إحسـاس
أدوني أنتوا حته فرصــة * * * وصدقوني ما هتندموا
يمكــن كلامي ينفع لبكرة * * * وياخدوا منه ويتعلموا
عـايز اسيب للـناس ذكري * * * عـليا بيها يترحموا
ماليش في الفن واسطي * * * غير واحد منكوا الله يكرمه
لما يقـرأ كلامي هيقــدر * * * معني الكلام وهيفهمه
*******************
كلمات زجليه لـ:عصام الدين محمد
" عصام قمر "
